ØAA117 Praktisk prosjektleiing

Innhald og oppbygging

I praktisk prosjektleiing arbeider studentar i lag med eit prosjekt som vert gjennomført i løpet av semesteret. Det vert lagt vekt på at studentane skal jobbe med reelle problemstillingar med ei interessenttilnærming, med fokus på brukarane. Emnet legg opp til å styrke studentane sin kompetanse og ferdigheiter når det gjeld å utvikle, organisere og leie reelle prosjekt.

Studentane får ei generell innføring i ulike fasar i prosjekt og lagarbeid, med innføring i teori, omgrep, metodar og verktøy. Studentane jobbar med praksisnære utfordringar der kreativitet og løysingsorientering står sentralt. Studentane utviklar ferdigheiter knytt til prosjektleiing gjennom praktisk bruk av teori, verktøy og metodar. Det vert lagt vekt på at studentane skal kunne diskutere og reflektere fagleg. Studentane skal òg utvikle og reflektere over eigne lagarbeidferdigheiter, og øve på munnleg presentasjon.

Læringsutbytte

Etter å ha gjennomført og bestått emnet skal studentane ha følgjande kunnskapar, ferdigheiter og generell kompetanse:

Kunnskapar:

• Om prosjektleiing
• Om team og teamutvikling
• Om organisering av prosjekt og ulike former for prosjekt
• Om verdiskaping, innovasjon og entreprenørskap i eksisterande og nye verksemder
• Om kreative prosessar og visualisering
• Om berekraftige verdiskapingsmodellar og innovasjonsstrategiar kopla til samfunnsansvar og FN sine berekraftsmål
• Om prosjektleiar sitt ansvar, yrkesetikk, foretaksetikk og verksemdene sitt samfunnsansvar

Ferdigheiter:

• Kunne bidra til kreative prosessar/nytenking, innovasjon og entreprenørskap gjennom prosjekt
• Kunne vurdere samfunnsnyttige produkt og tenester, system og løysingar, og identifisere etiske dilemma, samfunnsansvar og berekraft i eit prosjekt og/eller i ein organisasjon
• Kunne formidle relevant fagleg kunnskap til ulike aktørar som blir omfatta eller involvert i prosjekt, både skriftleg, munnleg og visuelt
• Kunne reflektere over eigen fagleg utøving
• Kunne skilje mellom ulike former for prosjekt, og velje verktøy og metodar som er hensiktsmessige i forhold til prosjektet sin natur og mål

Generell kompetanse:

• Kunne samarbeide og reflektere over eigen fagleg utøving, òg i team, og tilpasse denne til ulike former for prosjekt
• Kunne utveksle og formidle synspunkt og erfaringar med andre innanfor prosjektarbeid, og gjennom dette bidra til utvikling av god praksis.

Krav til forkunnskapar

Ingen

Undervisnings- og læringsformer

Studentaktive undervisingsformer inspirert av prosjektbasert, problembasert og casebasert læring. Presentasjonar, basert på ein aktiv og dialogbasert læringsmodell, diskusjon i team og rettleiing.

Obligatorisk læringsaktivitet

To obligatoriske arbeidskrav som vert utførte i team. Godkjent arbeidskrav er gyldig i eksamenssemesteret og påfølgande semester.

Vurderingsform

To munnlege eksamenar som til saman utgjer grunnlaget for karakter i emnet. Kvar deleksamen tel 50% av endeleg karakter i faget. Eksamen blir gjennomført i team, men karakteren etter munnleg eksamen kan settast individuelt for det enkelte teammedlemmet.

Karakterskala A-F, der F svarar til ikkje bestått

Hjelpemiddel ved eksamen

Digitale presentasjonsverktøy

Meir om hjelpemiddel