BIO207 Ekstern praksis 1

Innhald og oppbygging

Emnet gjev innsikt i det bioingeniørfaglege yrket og studenten får knytte saman teori og praksis. Hovedfokus vil vere analysekvalitet, pre- og postanalytiske faktorar, instrumentering, metodar og rapportering av prøvesvar, arbeidsrutiner og prosedyrer ved laboratoriet. Studenten får innblikk i organisering av laboratoriet og samarbeid mellom kollegaer og andre yrkesgrupper. Kvalitetssystem, slik som akkreditering og kvalitetskontroll er ein viktig del av innhaldet i praksisperioden. Det blir lagt vekt på at læring blir knytta til autentiske situasjonar og problemstillingar i yrket under rettleiing av erfarne bioingeniørar med relevant kompetanse. Studenten er i ekstern praksis i tre veker (15 arbeidsdagar) på eitt sjukehuslaboratorium innan fagområdet hematologi og koagulasjon, mikrobiologi, patologi eller transfusjonsmedisin/blodbank/immunologi.

Læringsutbytte

Etter gjennomført emne har studenten følgjande læringsutbytte definert i kunnskap, ferdigheiter og generell kompetanse:

Kunnskap

Studenten

• Kjenner til system for kvalitetsstyring og kvalitetssikring på praksisstaden
• Kjenner til reglar om forsvarleg avfallshandtering i høve til smittefare og miljø, og korleis prosedyrer blir utarbeida og revidert i eit akkreditert laboratorium
• Kan forklare metode- og analyseprinsippa for nokre analyttar/biomarkørar som blir gjort på den aktuelle praksisstaden, og gjere reie for nokre analyttars/biomarkørar sin kliniske indikasjon
• Kan gjere reie for faktorar som kan påverke analyseresultata frå preanalyse til ferdig prøveresultat føreligg
• Kjenner til det aktuelle laboratoriet si rolle inn mot pasientbehandlinga
• Kjenner til laboratorie-informasjonssystem (LIS), mellomvareløysingar og styringssystem for analyseinstrument på den aktuelle praksisstaden

Ferdigheiter

Studenten

• Kan under rettleiing operere analyseinstrument og laboratorieutstyr som blir nytta på det aktuelle medisinske laboratoriet
• Kan utføre nokre bioingeniørfaglege oppgåver på praksisstaden
• Kan under rettleiing validere og registrere analyseresultat
• Kan under rettleiing vurdere laboratorieresultata sin pålitelegskap og medisinske sannsyn
• Kan følgje rammer for kunnskapsbasert praksis

Generell kompetanse

Studenten

• Tek ansvar og viser initiativ i ulike arbeidssituasjonar
• Utøver god samhandling med pasientar og dei ulike yrkesgruppene på praksisstaden
• Bruker bioingeniørfagleg innsikt og kompetanse til å tolke ei tinging og formidle eit korrekt prøvesvar

Krav til forkunnskapar

Tilsvarande krav til opptak i andre studieår som definert i studieplan for bioingeniørutdanninga.

Vidare er det krav om godkjende obligatoriske arbeidskrav i følgjande emne: BIO201 Hematologi og immunologi, BIO202 Patologi, BIO204 Medisinsk mikrobiologi og BIO205 Transfusjonsmedisin.

Undervisnings- og læringsformer

Rettleia ekstern praksis

Obligatorisk læringsaktivitet

• Innlevering av individuelle læringsmål før praksis startar.
• Deltaking i refleksjonsgruppe
• Eit fagspesifikt arbeidskrav. Dette blir nærare omhandla i dei fagspesifikke planane for praksis. Eit slikt arbeidskrav kan til dømes vere:
  • Innsamling av ein relevant case
  • Tekst, podkast, video eller liknande som presenterer praksisstaden, eit instrument eller ein metode
• Innlevering av individuelt refleksjonsnotat etter praksisperioden

Studentar som er fråverande, eller av andre grunnar ikkje får godkjent ekstern praksis, vil ikkje kunne ta ny praksisperiode same semester. Studentar som ikkje får godkjent ekstern praksis vil slik måtte vente til neste gong emnet går.

Ein student har kun rett til 2 forsøk i ekstern praksis i emnet totalt, jf. Forskrift om studium og eksamen ved HVL § 10-12.

Greidd ekstern praksis er gyldig i dei seks neste semestera.

Vurderingsform

Vurderinga består av to deler:

1. Praksisperiode (15 arbeidsdagar) med med maksimalt 10 % godkjent fråver.
2. Presentasjon for medstudentar og faglærarar av spesifisert oppgåve relatert til praksisperioden.

Emnet blir vurdert til Greidd/Ikke greidd. Begge delar må vere godkjent for å få karakter i emnet. Ved ikke greidd på ein av delane, må heile emnet takast om igjen.

Hjelpemiddel ved eksamen

Alle hjelpemiddel er tillete

Meir om hjelpemiddel