ØAO019 Organisasjon og leiing 2

Innhald og oppbygging

Organisasjon og leiing 2 skal gje studentane fordjuping i fagfeltet organisasjon og leiing. Ulike teoritradisjonar og perspektiv innanfor organisasjons- og leiingsteori som på forskjellige måtar er med på å belyse organisasjons- og leiaråtferd står sentralt. Siktemålet er å gje studentane verktøy for heilskaplege analyser av korleis organisasjonar og leiaråtferd vert forma av samspelet mellom indre og ytre krefter, og kva konsekvensar det har for etablering, utforming og endring av organisasjonar, samt leiarrolla i ulike kontekster.

Kurset skal bidra til å gje studentane kunnskap om moderne organisasjonar som komplekse system både i privat og offentleg sektor og korleis leiare forventast å utøve aktivt leiarskap innanfor skiftande rammer og forventningar som ofte kryssar kvarandre. Ei viktig utfordring er balansen mellom endring og innovasjon på den eine sida og stabilitet, kontinuitet og drift på den andre. Organisasjonsanalysar vil bli eksemplifisert på ulike nivå innafor og mellom organisasjonar og mellom organisasjon og samfunn. (Slik blir organisasjonar oppfatta som samansette fenomen som kan vere fleire ting på ein gang og at organisasjonar blir påverka av institusjonelle omgjevnader.)

Kurset skal også bidra til å styrke studentanes evne til å stille kritiske spørsmål og til å handtere konkrete organisasjonsproblem.

Emnet bygger på innføringskurset i organisasjon og leiing og skal gi betre fagleg grunnlag for fordjuping og spesialisering, blant annet for arbeidet med bacheloroppgåva.

Læringsutbytte

Ved fullført kurs i organisasjon og leiing skal studentane ha oppnådd følgjande kunnskap, ferdigheiter og generell kompetanse.

Kunnskap:

• Har kunnskap om og innsikt i ulike tilnærmingar og perspektiv på organisasjon og leiing
• Forstår ulike teoriar om organisasjonsåtferd og leiingsoppgåver i forskjellige kontekstar
• Har kunnskap om endring og innovasjon i organisasjonar og deira effekter på ulike typar verksemder

Ferdigheiter:

• Kan anvende og analysere organisasjonar og leiaråtferd ut frå ulike perspektiv
• Er dyktig i å reflektere over dilemma og utfordringar ved organisering og utøving av leiing i ulike kontekstar
• Kan vurdere og forklar betydningen av endring og innovasjon for organisasjonars evne til å overleve

Generell kompetanse:

• Kan planleggje og gjennomføra organisasjons- og leiaranalysar av ulike typar verksemder, samt vurdere behov for endring og stabilitet på organisasjons- og leiingsnivå
• Kan formidle heilskapleg forståing for endrings- og innovasjonsprosessar i organisasjonar
• Kan foreslå tiltak, bidra til kritisk vurdering av organiseringsprosessar, og effektivt samarbeide og kommunisere både skriftleg og munnleg

Krav til forkunnskapar

Ingen

Tilrådde forkunnskapar

BØA112 eller tilsvarande emne

Undervisnings- og læringsformer

Arbeidsformar vil variere mellom førelesningar og arbeid i studentgrupper leia av studentane sjølve med rettleiing frå faglærar

Obligatorisk læringsaktivitet

Ei skriftleg innleveringsoppgåve i grupper må vere besvart for eksamen kan avleggjast.

Vurderingsform

Individuell heimeeksamen over to dagar. Bokstavkarakter A-F, kor F er stryk.

Innlevering blir gjort elektronisk via WISEflow og blir sendt gjennom plagiatkontroll. Utleveringstidspunkt, innleveringsfrist og nærmare retningslinjer vil bli kunngjort ved semesterstart.

Innlevering etter tidsfrist vert regna som «ikkje møtt». Ved gyldeg legeerklæring kan det gis inntil 2 døgns utsettelse av innleveringsfristen. Ellers gjeld vanlege regler for sjukemelding og ny-/utsatt prøve.

Hjelpemiddel ved eksamen

Alle hjelpemiddel er tillatt

Meir om hjelpemiddel