ØSS119 Transportøkonomi

Innhald og oppbygging

Emnet handlar om sentrale tema innan fagområdet transportøkonomi. Ein lærer om kva som påverkar trafikantane og transportkundane sin etterspurnad etter transporttenester, og kva som påverkar transportselskapa sine transport­tilbod og prisar. Denne kunnskapen blir brukt til å studere samspelet mellom trafikantar, transportkundar og transportselskap i trafikksystem og transportmarknader. I forlenginga av det vert ulike former for offentlege inngrep og reguleringar vurdert for å bidra til ein meir effektiv og bere­kraftig ressursbruk i samferdselssektoren, samt samfunns­økonomiske analyser av tiltak i samferdselssektoren.

Læringsutbytte

Ved fullført emne skal kandidaten ha oppnådd slik kunnskap, dugleik og generell kompetanse:

Kunnskap:

Ved fullført emne har kandidaten kunnskap om:

• Transportproduksjon, produksjons­kostnader, generaliserte reisekostnader og eksterne kostnader
• Trafikantåtferd, etterspurnad og tilbod av transporttenester
• Trafikklikevekter i trafikksystem og marknadslikevekter i transportmarknader
• Fastsetting av prisar og takstar, transportkapasitet og kvalitet
• Regulering og organisering av transportsektoren
• Samfunnsøkonomiske analyser av transporttiltak

Dugleik:

Ved fullført emne kan kandidaten anvende sin faglege kunnskap til å:

• Analysere trafikantane og transportkundane sin økonomiske tilpassing med utgangspunkt i etterspørselsteori og generaliserte reisekostnader
• Analysere transportselskap sin økonomiske tilpassing med utgangspunkt i produksjonskostnader og marknadstilhøve
• Analysere samspelet mellom trafikantar, transportkundar og transportselskap i trafikksystem og transportmarknader
• Analysere korleis offentlege inngrep og reguleringar kan påverke virkemåten til trafikksystem og transportmarknader
• Identifisere og analysere situasjonar der transportsektoren ikkje utnyttar ressursane på ein effektiv og berekraftig måte, og kva offentlege styresmakter kan gjere for å bidra til ein meir effektiv og berekraftig ressursbruk
• Foreta enkle samfunnsøkonomiske analyser av tiltak i samferdsels­­sektoren

Generell kompetanse:

Ved fullført emne har kandidaten:

• Forståing for korleis modeller kan nyttast til å analysere transport­marknader og transportsystem, og korleis offentleg transport­politikk kan bidra til ein meir effektiv og berekraftig bruk av ressursane
• Evne til å kunne jobbe saman med andre for å løyse oppgåver

Krav til forkunnskapar

Ingen

Tilrådde forkunnskapar

BØA203 Mikroøkonomi 1 eller tilsvarande.

Undervisnings- og læringsformer

Førelesningar og oppgåveløysing.

Obligatorisk læringsaktivitet

Studenten må ha godkjent skrifteleg svar på to sett med oppgåver for å kunne gå opp til eksamen. Det er krav om at studentane skal samarbeide i avgrensa grupper.

Vurderingsform

4 timers skoleeksamen

Karakterskala A - F, der F svarar til ikkje bestått.

Hjelpemiddel ved eksamen

Enkel kalkulator av type:

- Casio fx-82, Casio fx-85 (alle typer av både fx-82 og fx-85 er tillatt: CW, ES, ES Plus, EX, Solar m.m.)

- TI-30Xa, TI-30XIIS, TI-30XS MultiView

- Sharp EL-531TG, Sharp EL-531TH, Sharp EL-531TS

Meir om hjelpemiddel