IDF303 Gruppetreningsinstruktør

Innhald og oppbygging

Emnet vert ikkje tilbydd 2025/2026.

• Gjennomføring og rettleiing av ulike gruppetimar med fokus på styrke, uthald, koordinasjon og rørsleevne. Eksempelvis tabata, HIIT, mobilitet/yoga, step, styrke med stang, senior/lavterskeltimar, bootcamp og spinning.
• Instruktørrolla - rettleiing, coaching og øvingsbilete
• Intensitetsstyring - tilpasse intensitet retta mot ulike målgrupper
• Treningslære retta mot gruppetrening
• Innføring i musikkanalyse og bruk/verknad av musikk på ulike timar

Fagtilbodet avheng av at det er nok søkarar til emna, samt at det ved nokre av valemna er eit avgrensa tal plassar. Ved konkurranse om plass på emne, vil karaktersnitt og studieprogresjon ligge til grunn for opptaket.

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har kunnskap om treningslære innanfor uthald, styrke og skader i sal relatert til gruppetrening
• har kunnskap om ulike motivasjons- og kommunikasjonsverktøy samt rettleiing
• har kunnskap om intensitetsstyring
• har kunnskap om musikk som verkemiddel på gruppetimar

Ferdigheiter:

Studenten

• kan planlegge, gjennomføre og vurdere ulike typar timar med fokus på styrke, uthald, koordinasjon og rørsleevne ute og inne for ulike målgrupper
• kan motivere og rettleie deltakarar til funksjonell og effektiv trening
• kan legge til rette for ulike målgrupper i ein og same time, og på ulike gruppetimar

Generell kompetanse

Studenten

• kan legge til rette for gode treningsopplevingar
• kan planlegge, gjennomføre og evaluere ulike typar gruppetimar

Krav til forkunnskapar

Fullført 60 studiepoeng idrett eller tilsvarande eller 3 års relevant arbeidserfaring.

Undervisnings- og læringsformer

Undervisnings- og læringsformene er førelesing, gruppe- og individuelt arbeid samt praktiske gruppetimar ute og inne. Det blir lagt til rette for obligatoriske læringsaktivitetar knytt opp mot ulike læringsmål for at studentane kan ta ei aktiv rolle i læringsprosesse,. mellom anna knytt til praktiske oppgåver.

Obligatorisk læringsaktivitet

1. Oppmøte og aktiv deltaking i all praktisk undervisning

2. Læringsaktivitet knytt til vers/refreng og blokkmetodikk

Studenten skal planlegge ein gruppetime på 20 minutt og gjennomføre 10 minutt av desse i sal. Særskilt fokus er øvingsbilete og verbal/ nonverbal kommunikasjon samt forståing for valt metodikk.

3. Læringsaktivitet knytt til intensitetsstyring.

Studenten skal planlegge ein gruppetime i sal på 45 minutt med valfri intensitet, der 10 minutt er sett av til gjennomføring. Særskilt fokus er instruktørrolla, kommunikasjon, bruk av musikk og organisering av gruppa.

4. Læringsaktivitet knytt til styrketrening i sal

Studenten skal planlegge ein styrketime i sal på 45-60 minutt med valfri organisering og bruk av utstyr. Det skal gjennomførast 10 minutt av timen der særskilt fokus er introduksjon av eigen time, instruksjon av øvingar (teknikk) og øvingsbilete. Studenten skal også skrive eit refleksjonsnotat om seg sjølv som instruktør.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Vurderingsform

Individuell praktisk eksamen med munnleg eksaminasjon, inntil 60 min.

Karakterskala A-F, der F svarar til ikkje bestått.

Hjelpemiddel ved eksamen

Studenten kan ha med eksamensoppgåva (eigen planlagte gruppetime) på eksamen.

Meir om hjelpemiddel