MPUV503 Undervisning og leiing i ein digital utdanningskontekst

Innhald og oppbygging

Emnet har som mål å utvikle studentane sine kunnskapar og ferdigheiter knytt til bruk av digitale verktøy som hjelpemiddel i undervisning og læringsstønad, samt refleksjon rundt slike verktøy i ein fagleg samanheng.

I emnet skal ein tileigne seg kunnskap om tilrettelegging og bruk av digitale verktøy, særskilt retta mot spesialpedagogikk, og profesjonsfagleg digital kompetanse, der ein kan nytte ulike digitale hjelpemiddel didaktisk, og reflektere over bruk ut i frå ulike livsløp og livsmeistringsperspektiv. Tilpassinng og utvikling av IKT som verktøy i digitale utdanningskontekstar vert vektlagt.

Etiske problemstillingar knytt til bruk av digitale hjelpemiddel i undervisning og læring er og tema i emnet. Individuelle læringsaktivitetar og rettleiing vil bli innretta mot studieretningar i studiet. Emnet er obligatorisk for studieretningane:

• Spesialpedagogikk
• IKT i læring
• Leiing og profesjonsutvikling i utdanningssektoren

Læringsutbytte

Ein student som har fullført emnet skal ha følgande læringsutbytte definert i kunnskap, ferdigheiter og generell kompetanse:

Kunnskapar

Studenten

• har avansert og inngåande kunnskap om digital stønad i didaktisk praksis og leiing
• har kunnskap om digital kommunikasjon i undervisning, læring og leiing
• har kjennskap til digitale læringsdesign og e-læring
• har kjennskap til oppdatert og innovativ forsking om undervisning, og leiing i ein digital utdanningskontekst

Ferdigheiter

Studenten

• kan analysere situasjonar, identifisere og prioritere relevante tiltak innan undervisning og læring i ein digital utdanningskontekst
• kan leggje til rette for didaktisk bruk av digitale verktøy
• kan reflektere over undervisning og leiing i ein digital opplæringskontekst og eit livsmeistringsperspektiv

Generell kompetanse

Studenten

• kan analysere etiske problemstillingar knytt til leiing og undervisning i ein digital kontekst
• kan kommunisere problemstillingar knytt til undervisning og læring i ein digital kontekst
• kan bruke kunnskapar om digital undervisning og læring til førebygging og nytenking i eigen praksis
• kan arbeide vitskapleg med å identifisere, analysere og løyse utfordringar knytt til profesjonsfagleg digital kompetanse

Krav til forkunnskapar

Ingen

Tilrådde forkunnskapar

Ingen

Undervisnings- og læringsformer

Studiet er samlingsbasert og nettstøtta. Det er inntil tre samlingar á 2 dagar per semester i emnet og/eller jamlege nettmøte i løpet av semesteret.

Obligatorisk læringsaktivitet

Studentane skal gjennomføre tre obligatoriske læringsaktivitetar i emnet:

1. Skriftleg arbeid tilsvarande 2000 ord (+/- 10 %).

2. Munnleg/praktisk oppgåve med innlevering av presentasjon i ettertid

3. Skriftleg arbeid tilsvarande 1000 ord (+/- 10 %)

Dei tre læringsaktivitetane blir til saman til ei mappe som dannar grunnlaget for munnleg sluttvurdering. Nærare retningslinjer for læringsaktivitetane blir gitt ved semesterstart.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Vurderingsform

Individuell munnleg eksamen med utgangspunkt i dei obligatoriske læringsaktivitetane i emnet.

Karakterskala A-F, der F tilsvarer ikke bestått.

Hjelpemiddel ved eksamen

Alle hjelpemiddel er tillatt

Meir om hjelpemiddel