ØAL121 Nye teknologiar i operasjons- og forsyningskjedeleiing

Innhald og oppbygging

Dette emnet omfattar integrasjonen av nye teknologiar for å forbetre operasjonar og effektiviteten i forsyningskjeder. Emnet gir ei innføring i AI-analytikk, automatisering og digitale verktøy som blir brukte til å analysere, visualisere og forbetre logistikk- og forsyningsprosessar. Gjennom praktisk arbeid i Python og Jupyter Notebooks lærer studentane å bruke enkle simuleringsverktøy, API-data og visualiseringar for å forstå korleis teknologi kan støtte avgjerder og effektivisering i forsyningskjedeleiing.

Læringsutbytte

Kunnskap

Etter fullført emne skal studenten kunne:

• Forklare korleis nye teknologiar som IoT, automatisering og AI påverkar forsyningskjeder.

• Gjere greie for korleis dataanalyse og simulering kan brukast til å forbetre operasjonell yting.

• Kjenne til korleis API-ar og digitale verktøy kan gi sanntidsinformasjon i forsyningsnettverk.

• Forklare korleis visualisering og KPI-dashboards blir brukte til å overvake effektivitet og kvalitet.

• Reflektere over etiske og berekraftige sider ved bruk av teknologi i moderne SCM.

Ferdigheiter

Etter fullført emne skal studenten kunne:

• Bruke Python og Jupyter Notebooks til enkel datainnhenting, analyse og visualisering.

• Gjennomføre ei enkel simulering (til dømes Monte Carlo eller scenarioanalyse) for å illustrere usikkerheit i forsyningskjeda.

• Lage eit grunnleggjande dashboard som viser relevante KPI-ar for forsyningsprosessar.

• Samarbeide i team om enkle teknologiprosjekt knytte til logistikk og operasjonar.

•Kommunisere korleis ny teknologi kan bidra til forbetring i eit praktisk SCM-case.

Generell kompetanse

Etter fullført emne skal studenten kunne:

• Forstå korleis digitalisering og dataanalyse påverkar effektivitet og berekraft i forsyningskjeder.

• Reflektere over moglegheiter og avgrensingar ved bruk av ny teknologi i operasjonar.

• Bidra til digital forbetring og innovasjon i forsyningskjeder gjennom enkle data- og teknologiverktøy.

• Utvikle medvit om kontinuerleg læring og behovet for teknologiforståing i framtidige roller innan logistikk og SCM.

Krav til forkunnskapar

Ingen

Tilrådde forkunnskapar

Forkunnskapar innan bedriftsøkonomi er ein fordel.

Undervisnings- og læringsformer

Klasseromsundervisning og oppgåveseminar kombinert med gruppearbeid. Gruppebasert rettleiing etter behov.

Obligatorisk læringsaktivitet

• 1 gruppebasert obligatorisk arbeidskrav (semesteroppgåve) må vere bestått før eksamen kan avleggjast.
• 1 gruppebasert munnleg framføring av obligatorisk arbeidskrav (semesteroppgåve) må vere bestått før eksamen kan avleggjast.
• Obligatorisk oppmøte på oppgåveseminar

Til saman 3 obligatoriske arbeidskrav

Vurderingsform

Gruppebasert heimeeksamen over 3 dagar med justerande munnleg eksamen.

Karakteren for heimeeksamen blir kunngjort minst 24 timar før starten av den munnlege eksamenen. Etter den munnlege eksamenen kan karakteren bli justert opp eller ned med éin karakter. Karakteren for den justerande munnlege eksamenen vil vere identisk med sluttkarakteren.

Karakteren etter munnleg eksamen kan fastsettast individuelt for det enkelte gruppemedlemet.

Den munnlege eksamenen er på 40 minutt. Tidspunktet for heimeeksamenen og for den munnlege eksamenen blir opplyst ved semesterstart. Karaktersskala A-F, der F tilsvarer ikkje bestått.

Hjelpemiddel ved eksamen

Heimeeksamen: Alle

Munnleg eksamen: Ingen

Meir om hjelpemiddel