BIDR212 Helsepedagogikk

Innhald og oppbygging

Emnet Helsepedagogikk skal gje studentane eit grunnlag for å kunne utøve bevisst leiarskap i rolla som treningsvegleiar og instruktør. Første del av emnet byggar vidare på kunnskap om læringsteori, pedagogikk og kommunikasjon frå emnet Pedagogikk og coaching. Andre del av emnet ser på teoriar og metodar både knytt til endring av vaner og livsmestring og opp mot tilpasning av trening og fysisk aktivitet innen habilitering og rehabilitering.

Studentane skal jobbe aktivt med teoriar og metodebeskrivingar frå førelesingane i ulike praktiske settingar og kunne reflektere over si eiga faglege utøving i møte med andre.

Det er en praksisperiode i emnet: Arbeidslivpraksis innan førebygging, behandling eller rehabilitering, sammanhengande fire veker

Læringsutbytte

Ved fullført emne skal studenten ha følgjande totale læringsutbytte:

Kunnskap

Studenten

• kan legge fram og reflektere rundt teoriar om leiing, læring og kommunikasjon med relevans for og instruktør-/rettleiarrolla innan trening og helse
• har pedagogisk kunnskapsgrunnlag som mogleggjer bevisste refleksjonar og vurderingar for planlegging, tilrettelegging, gjennomføring og evaluering av idrett- og treningsaktivitet
• har innsikt i teoriar og metodar knytt til adfersendring og livsmestring
• har innsikt i sentrale perspektiver på aktivitet og deltaking i habilitering og rehabilitering

Ferdigheiter

Studenten

• kan anvende og vurdere ulike lærings- og kommunikasjonsmetodar
• kan nytte ulike rettleiingsteknikkar
• kan planlegge, tilrettelegge og gjennomføre trening og fysisk aktivitet for personar med ulike behov på ulike arenaer (f.eks. treningsstudio, i sal, i klatrevegg, utendørs)
• kan reflektere over si eiga faglege utøving i møte med andre
• kan innhente, analysere, tolke og presentere data

Generell kompetanse

Studenten

• kan gjennomføre, leie og tilpasse aktivitet ut i frå teoriar om læring og kommunikasjon med relevans for instruktør- og rettleiarrolla innan idrett og helse
• har innsikt i, og erfaring med, ulike rettleiingssmetodar
• har erfaring med praktisk arbeid på innan førebygging, behandling, trening og rehabilitering
• har vilje og evne til å samarbeide og til å etablere tillitsforhold, samt kommunisere med medstudentar og andre brukarar/ kontaktpersonar i tilknyting til praksis
• viser omsorg, forståing og respekt, samt ta ansvar som ein god rollemodell for barn, unge og vaksne i samsvar med verksemda sine mål og retningslinjer i praksis

Krav til forkunnskapar

Ingen

Tilrådde forkunnskapar

IDF103 Pedagogikk og coaching

Undervisnings- og læringsformer

Førelesingar, gruppe- og individuelt arbeid. Emnet inneheld både teoretiske og praktiske timar med fokus på studentaktive læringsformer.

Emnet inneheld arbeidslivpraksis i totalt seks veker.

Obligatorisk læringsaktivitet

• Deltaking i obligatorisk undervisning
• Eit munnleg framlegg i gruppe med ein praktisk og ein teoretisk del
• Parvis utprøving av rettleiingsmetodikk med skriftleg refleksjonsnotat
• Planlegge, tilrettelegge, veilede og gjennomføre ulike treningsformer knytt til individuell- og/eller gruppetrening, både inne og ute
• For arbeidslivspraksis innan førebygging, behandling eller rehabilitering er det krav om godkjent praksis, praksisrapport og deltaking på praksisseminar

Desse læringsaktivitetane er knytt opp mot læringsutbytte om å kunne a) planlegge, tilrettelegge og gjennomføre trening/aktivitet og adferdsendring og b) vise refleksjon rundt teoriar om læring, kommunikasjon, adferdsendring og livsmestring og eiga fagleg utøving i møte med andre.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Vurderingsform

Individuell heimeeksamen, 5 dagar.

Karakterskala A-F, der F svarar til ikkje bestått.

Hjelpemiddel ved eksamen

Alle hjelpemiddel er tillate

For informasjon om bruk av kunstig intelligens (KI) se Innlevering av heimeeksamen og oppgåver - Høgskulen på Vestlandet (hvl.no)

Meir om hjelpemiddel