ELE210 Industriell robotikk og PLS 

Innhald og oppbygging

Emnet gjev ei praktisk og teoretisk innføring i automatisering av produksjonsprosessar ved bruk av «Programmerbare Logiske Styringar» (PLS) og industrielle robotar. Emnet tek for seg både grunnleggande og vidaregåande tema innan PLS-programmering, med vekt på strukturert og robust programmering i høve IEC-61131-3 standarden. Emnet gjev ei innføring i ulike kategoriar av industrielle og samarbeidande robotar, i ulike metodar for programmering av robotar, og i korleis robotar kan sjåast i samanheng med andre delar av produksjonslinja. Det blir gjeve ei innføring i ulike typar sensorteknologiar som kan nyttast for å få data om produkt og kvalitet, i ulike typar gripeteknologiar for å handtere ulike typar produkt med stor variasjon i storleik, overflate og volum, samt i bruk av andre aktuatorar som for t.d. robotsveising. HMS og relevante sikkerheitsstandardar for industrielle prosessar blir gjennomgått, og det blir gjeve ei innføring i prosjektering og «return-on-investment» for robotar i produksjonsprosessar. Emnet gjev eit godt grunnlag for å komme i gang med digitalisering og automatisering av produksjonsprosessar og Industri 4.0.

Emnet kombinerer førelesingar med praktisk laboratoriearbeid og bruk av simuleringar av prosessar og utstyr. Det blir lagt vekt på realistiske tema frå prosess- og fabrikkautomatisering, samt integrasjon med enkle HMI system, nettverk og industrielle protokoller. Vurderinga i emnet vil vere to-delt mellom ei prosjektoppgåve for ei konkret automatiseringsløysing for ein produksjonsprosess i ei relevant bedrift, og ein munnleg digital eksamen.

Læringsutbytte

Kunnskap

Studenten:

• Har kunnskap om oppbygning og funksjon til PLS-system og deira rolle i automatisering.
• forstår prinsippa bak digitale og analoge signaler, samt korleis disse vert handtert i PLS.
• kjenner til relevante industriprotokoller og nettverk brukt i moderne automatiseringsanlegg.
• ha innsikt i bruk av digital simulering i utvikling og testing av styringssystem
• har oversikt ulike typar robotar, sensorar og aktuatorar
• har kjennskap til HMS og relevante sikkerheitsstandardarar for industriell automatisering
• har kunnskap om prosjektering og «return on investment» for robotar i produksjonsprosessar

Ferdigheiter

Studenten kan:​

• programmere PLS-er ved bruk av IEC 61131-3-standardiserte språk.
• utvikle strukturert og robust kode for styring og regulering av industrielle prosesser.
• bruke digital simulering for å teste og validere PLS-programmer.
• konfigurere og bruke enkle betjeningssystem.
• integrere PLS med industrielle nettverk og protokoller som Ethercat/Profinet og OPC UA
• bruke relevante sensorar, aktuatorar og robotarmar for å automatisere ein produksjonsprosess
• bruke relevante metodar for å programmere industrirobotar for å løyse konkrete produksjonsoppgåver
• vurdere HMS og sikkerheit ved bruk av robotar i produksjonsprosessar

Generell kompetanse

Studenten skal:

• kunne formidle teknisk informasjon og løysingar innan PLS og automatisering
• ha forståing for korleis PLS-system inngår i større industrielle samanhengar og digitaliseringsprosessar
• kunne samarbeide i tverrfaglege team og bidra til utvikling av sikre og effektive styringssystem.
• prosjektere robotløysingar for konkrete automatiseringsoppgåver
• kunne leie automatiseringsprosjekt for industrielle produksjonsprosessar
• kunne samarbeide i tverrfaglege team og bidra til utvikling av sikre og effektive styringssystem.

Krav til forkunnskapar

Ingen

Undervisnings- og læringsformer

Fysiske og digitale forelesingar samt videoressursar om metodar og teknologiar, samt praktiske labøvingar rundt programmering av PLS og robotar. Prosjektarbeid.

Obligatorisk læringsaktivitet

2 godkjente praktiske laboratorieøvingar

Vurderingsform

Eksamen består av to delar:

1. Semesterprosjekt, tel 50% av endeleg karakter
2. Munnleg digital eksamen, tel 50% av endeleg karakter

Karakterskala A-F, der F svarer til ikke bestått. Begge delene må være bestått for å få karakter i emnet. Ved ikke bestått på en av delene, kan den delen tas opp igjen aleine.

Hjelpemiddel ved eksamen

For semesterprosjektet er alle hjelpemiddel tillatt. For informasjon om bruk av kunstig intelligens, sjå Innlevering av heimeeksamen og oppgåver - Høgskulen på Vestlandet

Ved munnleg digital eksamen er alle skrivne og trykte hjelpemiddel tillatt, samt læringsmateriell i Canvas-rommet for gjeldande semester og relevant spesialprogramvare er tillatt. Ingen anna bruk av internett eller bruk av kunstig intelligens (KI/AI) er tillatt under eksamen. Det er heller ikkje tillatt å kommunisere med andre enn fagpersonar knytt til emnet under digital munnleg eksamen.

Meir om hjelpemiddel