Informasjonsteknologi | Førde

Bachelor

Vil du planlegge, programmere og drifte datasystem eller utvikle nye digitale løysingar? Då kan ei IT-utdanning i Førde vere noko for deg!

Førde

Studiepoeng: 180
Varighet: 3 år
Omfang: Heiltid
Studieplan: Studieplan 2026/2027
Søknadsfrist: 15. april

Opptakskrav

Generell studiekompetanse og matematikk R1 (eller matematikk S1 + S2)

Studiekode i Samordna opptak

203829

Poenggrense ved forrige opptak

Ordinær kvote Alle kvalifiserte
Førstegangsvitnemål Alle kvalifiserte

Om å søke opptak til HVL

For nye studentar hausten 2026, tilbyr vi denne utdanninga på heiltid i Bergen.

Kva kan du jobbe med?

Det finst IT-relaterte jobbar og arbeidsoppgåver innan nær sagt alle bransjar. Du blir godt rusta for ein interessant jobb innan ein arbeidsmarknad som etterspør stadig fleire med IT-utdanning, både i privat og offentleg sektor.

Du kan blant anna jobbe med:

programmering, testing og utforming av brukargrensesnitt
utvikling av webbaserte system og mobile løysingar for smarttelefonar, nettbrett og liknande
innkjøp, installering, brukarrettleiing og drift av datautstyr og programvare

Lønn: Kva tener ein med IT-utdanning?

Har du IT-utdanning kan du ha mange ulike jobbar, for eksempel som IT-konsulent, systemutviklar, eller spillprogrammerar. Da tener ein i gjennomsnitt mellom 701 760-914 160 kr i året, i følge utdanning.no.

Studentjobb i Førde

Gjennom prosjektet studentjobb kan du få relevant deltidsjobb medan du studerer.

Kva er forskjellen på dataingeniør og informasjonsteknologi?

Informasjonsteknologi har dei same samfunns- og IT-faga som dataingeniørutdanninga ved HVL. Den IT-faglege kompetansen i dei to studia er dermed den same. Hovudforskjellen ligg i nokre av matematikkfaga og opptakskrava.

Kva lærer du?

Du lærer:

grunnleggande programmering
korleis ein kan samarbeide om større programmeringsoppgåver
korleis ulike einingar kan knytast saman i nettverk
om databasar og web-baserte system

Korleis er undervisninga?

IT-fag og programutvikling krev interesse og sans for matematikk, logisk og systematisk tankegang.

Arbeidsformene varierer mellom forelesingar, praktiske øvingar på datalab, praktiske prosjektoppgåver, sjølvstudium og gruppearbeid.

Ein del av emna har nettundervisning saman med studentane på informasjonsteknologi i Bergen, supplert med fysisk rettleiing på campus.

I siste del av studiet skriv du bacheloroppgåve saman med ein eller to medstudentar, der de skal utvikle eit lite datasystem. Tema for prosjektet blir ofte gitt som oppdrag frå næringslivet, og det kan også utførast utanlands.

Praksis på informasjonsteknologi

I 3. studieår kan du ha praksis i ei lokal bedrift i Førde-området. Du deltar aktivt i bedrifta sine daglege arbeidsoppgåver, og får verdifull og relevant praktisk erfaring frå arbeidslivet.