En kvinne som trykker på en stor digital skjerm utendørs på kveldstid.

Informasjonsteknologi

Bachelor

Kvar dag brukar millionar av menneske appar, nettsider og digitale tenester. Med ei IT-utdanning er du blant dei som lagar løysingane, ikkje berre dei som brukar dei.

Bergen, Førde, Haugesund

Kvifor ta ein IT-utdanning?

Verda blir meir digital, ikkje mindre. Sjølv om kunstig intelligens endrar korleis vi jobbar, treng vi framleis menneske som kan forstå problem, utvikle løysingar og bruke teknologien på ein smart måte.
 

Datasystem blir brukt innan dei fleste områda i samfunnet, som for eksempel helse og omsorg, finans og media, handel og energiforsyning.

Ein IT-utdanning kan føre til jobbar innan programvareutvikling, AI, datasikkerheit, produktutvikling, prosjektleiing, analyse, rådgiving eller entreprenørskap. 
Utfordringane i arbeidslivet vil alltid vere i endring, men behovet for menneske som forstår teknologi og kan løyse reelle problem, kjem til å vere stort i mange år framover.

 

Kva er forskjellen på utdanningane?

Begge utdanningane gir deg solid IT-fagleg kompetanse innan programmering, systemutvikling, databasar og kunstig intelligens. Du lærer å utvikle digitale løysingar gjennom praktisk arbeid og prosjekt.

Informasjonsteknologi har den mest tekniske profilen, med større vekt på programvareutvikling, datasystem, nettverk og IT-infrastruktur. Det er krav om R1 (eller S1+S2) for å starte på utdanninga. 

Informasjonsteknologi, produktutvikling og teknologileiing kombinerer IT med innovasjon, produktutvikling og teknologileiing. Her lærer du også korleis teknologi skaper verdi for brukarar, verksemder og samfunn. Det er ikkje krav om matematikk, berre generell studiekompetanse.