MIDR402 Trening og prestasjon

Innhald og oppbygging

Kroppen si yteevne påverkast av ei rekke prestasjonsbestemmande faktorar og prosessar. Dette emnet handlar om korleis nyttegjere seg, drøfte og vurdere eksisterande kunnskapsgrunnlag om ulike treningsmodalitetar og effekten av adapsjonar dei ulike treningsstimuli har for ulike populasjonar Emnet vil omhandle kritiske drøfting og vurdering av problemstillingar knytt til prestasjonsbestemmande faktorar, målemetodar, fysiologiske tilpassingar til ulike trenings stimuli . Studentane skal analysere og kritisk vurdere vitskapleg arbeid og arbeide sjølvstendig med praktiske og teoretiske problemstillingar innafor trening og prestasjon. Vidare skal studentane bidra til nytenking og innovasjon om problemstillingar knytt til trening og prestasjon for ulike grupper, treningsstatus og kontekster.

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har avanserte kunnskapar ulike treningsmodalitetar og spesialiserst innsikt i effektane og adapsjonane dei ulike treningsstimuli har for ulike populasjonar

• har inngåande kunnskap om treningsmetodikk og kunne kritisk vurdere og drøfte prestasjonsbestemmande faktorar og målemetodar for ulike fysiske eigenskapar
• kan kritisk vurdera, analysere og drøfte tverrfaglege teoretiske og praktiske kunnskapar om trening og prestasjon

• kan legitimere og analysere problemstillingar knytt til trening og prestasjon i ulike kontekstar

Ferdigheiter

Studenten

• kan analysere og kritisk vurdere vitskapleg arbeid og arbeide sjølvstendig med ulike problemstillingar knytt til trening og prestasjon
• kan basert på tverrfagleg kunnskap analysere effekten av og adapsjonane til ulike treningsintervensjonar
• kan komme med konkrete anbefalingar knytt til trening og treningsprosessar
• kan vurdere relevans av ulike målemetodar for trening, helse og prestasjon frå ulike fagdisiplinar og tradisjonar

Generell kompetanse

Studenten

• kan diskutere og formidle sentrale perspektiv og problemstillingar knytt til trening og prestasjon med ekspertar og allmenta
• kan arbeide sjølvstendig og vitskapleg med problemløysing og bidra til innovasjon og nytenking om problemstillingar knytt til trening og prestasjon i ulike kontekstar
• kan terminologien til fagområdet og utvikla eigne spørsmål og hypotesar
• kan kritisk drøfte, identifisere og nyttegjere seg av resultata frå sentral forsking innanfor fagområdet
• kan reflektere og legitimere fagområdet sin eigenart og relevans i samfunnet

Krav til forkunnskapar

Ingen

Tilrådde forkunnskapar

Grunnleggande kunnskap om dei viktigaste fysiologiske systema i kroppen og sentrale element i treningslæra.

Undervisnings- og læringsformer

Undervisnings- og læringsformene i dette emnet vekslar mellom førelesingar, og sjølvstendig arbeid med dei obligatoriske læringsaktivitetane. Studentane får individuell vegleiing på litteratursøk og utveljing/selektering av artiklane til arbeidskrava.

Obligatorisk læringsaktivitet

Følgjande obligatoriske læringsaktivitetar må vera godkjente for at studenten kan framstille seg til eksamen:

Skriftleg innlevering som omhandlar problemstilling og komplett søkestreng med PICO skjema knytt til fagområde/tematikk. Kopla til læringsutbytte "kan legitimere og analysere problemstillingar knytt til trening og prestasjon i ulike kontekstar".

Skriftleg innlevering av søkeresultat i eit flytdiagram med inklusjons- og eksklusjons kriteria for seleksjonen av artiklar. Kopla til læringsutbytte " med problemløysing og bidra til innovasjon og nytenking om problemstillingar knytt til trening og prestasjon i ulike kontekstar".

Skriftleg innlevering av presentasjon av resultatet frå det systematisk litteratursøket i ein tabell . Kopla til læringsutbytte "kan analysere og kritisk vurdere vitskapleg arbeid og arbeide sjølvstendig med ulike problemstillingar knytt til trening og prestasjon".

Vurderingsform

Individuell 5 dagars heimeeksamen av ein skriftleg systematisk kunnskapsoppsummering til trekt tema med dei følgjande vedlegg 1) PICO skjema, 2) inklusjons- og eksklusjonskriteriene og 3) flytskjema.

30 minutt munnleg utspørjing om kunnskapsoppsummeringa.

Den vert gitt ein samla karakter på heimeeksamen og munnleg forsvar.

Karakterskala A-F, der F svarar til ikkje bestått.

Ved ny eksamen skal ein levere ny kunnskapsoppsumering til nytt trekt tema.

Hjelpemiddel ved eksamen

Alle hjelpemiddel er tillate. For informasjon om bruk av kunstig intelligens (KI) se Innlevering av heimeeksamen og oppgåver - Høgskulen på Vestlandet (hvl.no)

Meir om hjelpemiddel