NABP3004 Lastebehandling I

Innhald og oppbygging

Emnet har følgjande tema: Lasting og lossing av bulk og stykkgods. Med bulk meinast alle lastar som blir frakta i bulk, inkludert flytande bulk. Handsaming og planlegging av dei mest vanlege lastane innan bulk og stykkgods. Kunne bruke relevant regelverk som: MARPOL, Kornkoden «International Code for the Safe Carriage of Grain in Bulk», IMSBC-koden, IMDG-koden, IGC-koden, IBC-koden, BLU-koden og CSS-koden

Praktisk gjennomføring av operasjonar på lastesimulatoren, samt berekning av lasting og lossing av tankskip.

Kunne kommunisere under lasting og lossing, spesielt med tanke på tryggleik og kva informasjon som skal formidlast for både faste og flytande bulklaster, samt stykkgodslaster.

Læringsutbytte

Kunnskap:

Studenten:

• skal ha brei kunnskap om sentrale problemstillingar, prosessar, verktøy og metodar innan segregering, handsaming, merking og sikring av ulike typar last.
• skal kjenne til forskings- og utviklingsarbeid innan fagfeltet.
• skal ha brei kunnskap om lasting, sikring, føring og lossing av tørre og flytande bulklaster, stykkgods/containerlast, farleg last og forureinande last, og kunne oppdatere eigen kunnskap innan fagområdet.
• skal ha kunnskap om relevant regelverk for dei ulike lastane og skipstypane, samt miljøfarar og utsleppskrav knytt til lasterestar. Studenten skal òg kunne oppdatere eigen kunnskap og kjenne til fagets historie.

Ferdigheiter:

Studenten:

• kan nytte fagleg kunnskap på praktiske og teoretiske problemstillingar og utføre omfattande berekningar innan dei tema som blir behandla i emnet, og kan ta grunngjevne val.
• skal ha kunnskap til å kunne berekne manuell ullasje for tankskip.
• har forståing for lastbehandling og planlegging, inkludert lasting, føring og lossing av dei ulike lastetypane som blir behandla i emnet.
• kan finne, vurdere og vise til informasjon og litteratur som er nødvendig for utøving av faget.
• meistrar relevante verktøy, teknikkar og omgrep innan fagfeltet.

Generell kompetanse:

Studenten:

• har teoretisk kompetanse innan lasteoperasjonar for ansvarleg offiser på operativt og leiingsnivå i tråd med STCW 78-konvensjonen med 2010 Manila-endringane, tabell A-II/1 og A-II/2.
• kan planleggje og gjennomføre varierte arbeidsoppgåver innan faget, åleine eller som del av ei gruppe, i tråd med retningslinjer og nasjonale og internasjonale krav.
• kan formidle sentrale problemstillingar og løysingar, både skriftleg og munnleg, og bidra til utvikling av gode rutinar og praksisar.

Krav til forkunnskapar

Ingen

Tilrådde forkunnskapar

NABP2004 Skipskonstruksjon, NABP3002 Hydrostatikk

Undervisnings- og læringsformer

Forelesingar, case work, sjølvstudie og simulatorøvingar.

Obligatorisk læringsaktivitet

To av tre passeringstester må vera godkjende.

Obligatorisk oppmøte på simulatorøvingar.

Vurderingsform

Skriftleg eksamen, 5 timar.

Karakterskala A-F.

Hjelpemiddel ved eksamen

Godkjend kalkulator er: Casio fx-991EX og Casio fx-991CW. "Enkel kalkulator" er også tillatt (sjå: Hjelpemiddel ved eksamen).

Information booklet - Loading Techniques

Formelsamling for last

Meir om hjelpemiddel

Fagleg overlapping

• NAB2028 - Lasteteknikk - Reduksjon: 3 studiepoeng