NABP4005 Lastebehandling II

Innhald og oppbygging

Emnet har følgjande tema: Lasting og lossing av bulklaster, med fokus på tank og platform supply vessel (PSV) operasjoner. Handsaming og planlegging av lastene gass, olje og kjemikaliar i samsvar med regelverk. Skal kunne bruke relevant regelverk og bransjestandard som ISGOTT, SIGTTO, MARPOL Annex 1, Annex 2 og Annex 3, Tømmerkoden «Code of Safe Practice for Ships Carrying Timber Deck Cargoes», CSS code med fokus på Annex 13, IBC med fokus på segregering av kjemikaliar (USCG kompatibilitetsskjema), GOMO (Guidelines for Offshore Marine Operations), ADR og bruk av lastesikringsprogrammet LachCon.

• Gassmåling og MSDS (datablad)
• Berekning av lastesikring (CSS code Annex 13)
• Segregering av kjemikaliar og utvida kunnskap om tankskip, med tankskip meinast skip som kjemikalie-, gass- og oljetankskip
• Ventilere lasterom med bruk av mollier hx-diagram
• Praktisk utføring av ei rekke operasjonar på lastesimulatoren som er relevante for oljetankarar
• Bruke kodene som GOMO og ADR/RID (Landtransport av farlig gods)

Læringsutbytte

Kunnskap:

Student

• skal ha brei kunnskap om lasting og lossing av flytende bulk, tømmer og stykkgods på PSV. Studentane skal ha kunnskap om kjende problemstillingar og farer desse lastene kan by på
• skal ha kunnskap om å gjennomføre full lasting og lossing av oljelaster på simulatoren, der dei skal ta høgde for stabilitet, trim, list, sikkerheit, skjærkrefter, bøyemoment, trykk i lastetankane og regelverk knytt til oljetankskip
• skal ha kunnskap om relevant regelverk for skip som fraktar, kjemikaliar, olje, gass, tømmer, stykkgods eller utfører operasjonar på norsk sokkel (GOMO). Samt kunne oppdatere eigen kunnskap
• skal kjenne til forskings- og utviklingsarbeid innan fagfeltet

Ferdigheiter:

Student

• kan bruke fagleg kunnskap på praktiske og teoretiske problemstillingar og utføre omfattande berekningar innanfor dei tema som vert handsama i emnet, og kan ta grunngjevne val
• skal ha god kunnskap om tankskip og sikkerheit relevant til tankoperasjonar, spesielt oljetank
• skal kunne finne, vurdere og vise til informasjon og litteratur naudsynt for utøving av faget
• skal meistre relevante verktøy, teknikkar og omgrep innan fagfeltet

Generell kompetanse:

Student

• har teoretisk kompetanse innan lasteoperasjonar for ansvarleg offiser på operativt- og leiar-nivå utover dei krav som er sett av STCW 78-konvensjonen med 2010 Manila Endringar, tabell A-II/1 og A-II/2
• kan planleggje og gjennomføre varierte arbeidsoppgåver innan faget, aleine eller som del av ei gruppe, i tråd med retningslinjer og krav
• kan formidle sentrale problemstillingar og løysingar både skriftleg og munnleg og kunne bidra til utvikling av gode rutinar og praksis

Krav til forkunnskapar

NABP3004 Lastbehandling I

Tilrådde forkunnskapar

NABP2004 Skipskonstruksjon

NABP3002 Hydrostatikk

Undervisnings- og læringsformer

Førelesing, simulator, sjølvstudium og rekneverksstad

Obligatorisk læringsaktivitet

1 Passeringstest, må være godkjend.

Obligatorisk oppmøte på simulator.

Vurderingsform

Skriftleg eksamen, 5 timar.

Karakterskala A-F.

Hjelpemiddel ved eksamen

Information booklet

Formelsamling last

Godkjend kalkulator er: Casio fx-991EX og Casio fx-991CW. "Enkel kalkulator" er også tillatt (sjå: Hjelpemiddel ved eksamen).

Meir om hjelpemiddel

Fagleg overlapping

• NAB2028 - Lasteteknikk - Reduksjon: 2 studiepoeng