SAB220 Praktisk sosialt arbeid i velferdstenestene

Innhald og oppbygging

I dette emnet skal studentane tileigne seg kompetanse i systematisk sosialt arbeid i velferdstenestene, med særleg vekt på Nav. Emnet tek opp deltaking, arbeidsinkludering og arbeidsmarknadskunnskap i møte med ulike brukargrupper, og synleggjer rolla til sosialarbeidaren som koordinator i tverrfagleg samarbeid.

Studentane skal tileigne seg kunnskap om økonomisk rådgjeving og gjeldsrådgjeving. Dei skal utvikle innsikt i korleis Nav arbeider praktisk og organisatorisk med oppfølging av brukarar og samhandling med arbeidsgjevarar og andre aktørar. Emnet legg stor vekt på å forstå korleis marginalisering, diskriminering og minoritetsposisjonar påverkar deltaking i arbeid og velferdstenester.

Undervisingen legg vekt på systematisk kartlegging og analyse av komplekse livssituasjonar. Studentane skal lære å navigere i spenningsfeltet mellom hjelp og kontroll opp mot brukarmedverknad og arbeidslinja i Nav. Det blir lagt vekt på refleksjon med medstudentar for å utforske ulike perspektiv. Slik blir refleksjon brukt både som læringsform og som kjerne i profesjonskompetansen.

Studentane skal òg tileigne seg kunnskap og ferdigheiter i sosialt arbeid med grupper. De skal også utvikle kompetanse i litteratursøk og bruk av forskingskunnskap i tråd med kunnskapsbasert praksis.

Læringsutbytte

Ein student med fullført emne skal ha følgjande totale læringsutbytte definert i kunnskap, ferdigheiter og generell kompetanse:

Kunnskap: Studenten..

• kan forklare sentrale prinsipp for bruk av tolk i profesjonelle samtalar
• kan forklare moglegheiter og avgrensingar ved bruk av digitale kartleggings- og oppfølgingsverktøy i Nav
• kan forklare prinsipp og metodar for sosialt arbeid med grupper
• kan gjere greie for førebygging og handtering av gjelds- og privatøkonomiske problem gjennom økonomisk rådgjeving
• kan gjere greie for bustadsosiale ordningar og verkemiddel, som bustønad, startlån og tilskot
• kan gjere greie for sosiale og strukturelle mekanismane som bidreg til at menneske blir marginaliserte
• kan gjere greie for tiltak og framgangsmåtar som kan støtte marginaliserte grupper i å få tilgang til arbeid og bustad
• kan gjere greie for forskings- og utviklingsarbeid som er relevant for sosialt arbeid og arbeidsinkluderingsfeltet
• kan gjere greie for rolla som koordinator i Nav og aktuelle samarbeidspartnarar i tverrprofesjonelt samarbeid
• kan gjere greie for fagleg grunnlag og metodar for arbeidsinkludering, til dømes Supported Employment
• kan gjere greie for sosialt arbeid si rolle og bidrag i arbeidsinkludering
• kan gjere greie for samanhengar mellom arbeid, helse, bustad og velferd, og forklare korleis utanforskap, fattigdom og inkluderings-/ekskluderingsmekanismar påverkar deltaking i arbeids- og bustadmarknaden

Ferdigheiter: Studenten...

• kan kritisk reflektere over eigen praksis og yrkesrolle i lys av spenningsfeltet i Nav, spesielt knytt til brukarmedverknad, arbeidslinja og organisatoriske krav
• kan sjå samanhengar mellom brukar sine rettar og pliktar etter relevant lovgivning (blant anna etter forvaltningslova, Nav-lova, folketrygdlova og sosialtjenestelova) og praktisk sosialt arbeid
• kan bruke fagleg kunnskap for å sikre medverknad og ivaretaking av barn og unge i oppfølgingsprosessar i Nav
• kan bruke kunnskap om arbeidsinkludering i sosialt arbeid til å støtte arbeidssøkarar i meistring og endring
• kan kartleggje og analysere komplekse livssituasjonar på ein systematisk måte, inkludert korleis arbeid, helse, bustad og velferd påverkar ein brukarsituasjon
• kan bruke resultata frå kartlegging og analyse til å utarbeide realistiske og tilpassa oppfølgingsplanar saman med brukaren
• kan identifisere og handtere barrierar som utanforskap, fattigdom og ekskluderingsmekanismar, og samarbeide med arbeidsgjevarar og andre relevante aktørar for å hjelpe arbeidssøkarar inn i arbeid
• kan planleggje, leie og vurdere gruppeprosessar i sosialt arbeid i Nav og andre velferdstenester
• kan bruke relasjons- og kommunikasjonskompetanse i gruppemetodikk for å identifisere ressursar, fremje meistring, motivasjon og håp i møte med menneske i sårbare livssituasjonar
• kan søke, finne og vurdere relevant forskings- og utviklingsarbeid i tråd med kunnskapsbasert praksis og dokumentere søk i relevante kjelder

Generell kompetanse: Studenten...

• kan identifisere, analysere og drøfte etiske dilemma i yrkesrolla, i gjennomføring av arbeidslinja og i møte med menneske i velferdstenestene
• har innsikt i, og kan vurdere korleis digital kommunikasjon påverkar profesjonell praksis og samhandling
• Kan planleggje og gjennomføre koordinatorrolla i samarbeid med brukarar og andre samarbeidspartnarar, og vurdere eigen koordinatorrolle
• kan kritisk reflektere over eigen praksis og yrkesrolle
• kan formidle faglege vurderingar og utveksle synspunkt og erfaringar med kollegaer og samarbeidspartnarar, og bidra til fagleg utvikling i tenestene
• har kunnskap om og kan vurdere inkluderings- og ekskluderingsmekanismar knytt til arbeid og bustad, og kan setje dette i samanheng med sosial ulikskap og deltaking

Krav til forkunnskapar

Følgjande emne må vere greidd:​

• SAB110 Danning og akademisk handverk
• SAB120 Sosialt arbeid som fag og profesjon
• SAB130 Grunnlagskunnskap i sosialt arbeid
• SABP1 Sosialt arbeids praksis 1. studieår
• Eksamensrett i SAB140 Rammer for sosialt arbeid i velferdstjenestene.

Undervisnings- og læringsformer

I emnet vert det nytta studentaktive og praksisnære læringsformer. Arbeidet byggjer på felles fagleg utforsking og refleksjon, mellom anna gjennom arbeid med praksisnære kasusskildringar utvikla i samarbeid med tilsette i velferdstenestene og brukarar. Seminar, gruppearbeid, møte med praksisfeltet, ferdigheitstrening, individuelt refleksjonsarbeid, posterutstilling og munnlege framlegg er sentrale arbeidsformer. Målet er å styrke studentane si evne til å undersøkje, grunngje og vurdere faglege val i sosialfagleg arbeid, samt å gi erfaring med ulike måtar å tileigne seg, anvende og formidle kunnskap på.

Undervisninga er organisert i tematiske bolkar med vekeplanar og fastsette studieaktivitetar. Det er fråværskrav i dei ulike fagbolkane, og studentane har ansvar for å halde seg oppdatert på gjeldande oppmøtekrav og aktivitetar i timeplanen og på Canvas. I tillegg blir det forventa sjølvstudium.

Obligatorisk læringsaktivitet

Følgjande obligatoriske læringsaktivitetar må vera godkjent for at studenten kan ta eksamen:

1. Det er krav om 80 % oppmøte og deltaging i undervisning per tematisk fagbolk. Omfang av obligatorisk undervisning per fagbolk er spesifisert i timeplanen.

2. Det er krav om 100 % oppmøte til:

• Praksisbesøk og presentasjon på NAV-kontoret
• Presentasjon av systematisk kartlegging.

3. Individuelt skriftleg oppgåve på 1500 ord +/- 10%. Studenten har moglegheit til å levere ein forbedra versjon éin gong innan ein gitt frist.

Vurderingsform

Skriftleg skuleeksamen; 3 timar.

Tid for eksamen, sjå Studentweb.

Vurderingsuttrykk Gradert karakterskala A til F, der A til E er greidd og F er ikkje greidd.

Ny eksamen

Ny eksamen vert gjennomført med same form som ordinær eksamen.

Hjelpemiddel ved eksamen

Skuleeksamen 3 timer: Ingen

Meir om hjelpemiddel

Fagleg overlapping

• SOS5-107 - Sosialt arbeid i velferdstenestene - Reduksjon: 10 studiepoeng
• BSO115 - Marginalisering, velferdsordningar og sosialt arbeid - Reduksjon: 10 studiepoeng