SAB390 Bacheloroppgåve

Innhald og oppbygging

I dette emne skal studentane tileigne seg kunnskap, ferdigheiter og generell kompetanse i akademisk skriving av ei sjølvstendig fordjupingsoppgåve. Val av tema og problemstilling skal ha sosialfagleg relevans og drøftast i lys av relevant teori og forsking. Det vert gitt undervisning i skriving av bacheloroppgåve og arrangert seminar. Sjølvstudium vert vektlagd som læringsform i emnet. Studentane får tilbod om fire rettleiingstimar (ein rettleiingstime i oppgåveseminar og tre individuelle rettleiingstimar).

Bacheloroppgåva skal skrivast i tråd med Retningslinjer for bacheloroppgåve ved FHS. Student og rettleiar inngår ein skrifteleg rettleiingsavtale i starten av arbeidet med bacheloroppgåva.

Læringsutbytte

Ein student med fullført emne skal ha følgjande totale læringsutbytte definert i kunnskap, ferdigheiter og generell kompetanse:

Kunnskap: Studenten...

• kan gjere greie for og drøfte teoretiske perspektiv, erfarings- og brukarkunnskap i sosialt arbeid
• kan gjere greie for og reflektere over faget sine vitskapsteoretiske posisjonar og kunnskapsutvikling
• kan skilder og vurdere samfunnsvitskapelege metodar, med vekt på moglegheiter og avgrensingar
• kan gjere greie for og drøfte forskings- og utviklingsarbeid relevant for sosialt arbeid, nasjonalt og internasjonalt

Ferdigheiter: Studenten...

• kan analysere og anvende forskingsbasert, erfaringsbasert og brukarbasert kunnskap i oppgåveskriving
• kan søkje, kritisk vurdere og systematisere relevant informasjon og fagstoff, samt presentere dette skriftleg i tråd med akademiske krav

Generell kompetanse: Studenten...

• kan analysere og reflektere kritisk over eigen profesjonell rolle i møte med institusjonelle og politiske krav
• kan formidle faglege perspektiv og bidra til å vidareutvikle god praksis
• kan formidle og anvende fagleg kunnskap som fremjar likeverd og mangfald, og som styrkjer likestilling, inkludering, meistring og deltaking i kvardag, skule og arbeidsliv

Krav til forkunnskapar

For å kunne levere bacheloroppgåva må alle emne i 1. og 2. studieår, samt 5. semester vere bestått. I tillegg må studenten ha eksamensrett i SAB320.

Undervisnings- og læringsformer

Emnet inneheld plenumsundervisning, bruk av læringsressurser i canvas, temaskisseverkstad og oppgåveseminar.

For å få godkjend prosjektplan må planen vise fagleg relevans, ha ei tydeleg problemstilling, vere teoretisk og metodisk grunngjeven, og oppfylle krav til form og omfang, sjå ellers retningslinjer for bacheloroppgåva ved FHS og kriterieliste i Canvas.

Studenten skal møte førebudd til oppgåveseminar; ha lese prosjektplanane til dei andre deltakarane og delta aktivt i tilbakemeldingar til alle sine prosjektplanar. Studenten skal vere opponent for minst éin medstudent sin prosjektplan. Sjå kriterieliste i canvas som skal brukast i opponomentoppgåva.

Det er forventa sjølvstudium i tillegg til undervisninga i emnet.

Obligatorisk læringsaktivitet

Følgjande obligatoriske læringsaktivitetar må vere godkjende for at studenten kan framstille seg til eksamen:

1. Prosjektplan (omfang 1500 ord, +/-10 %).
2. Deltaking i oppgåveseminar med rettleiing på prosjektplan (krav om 100 % deltaking).
3. Deltaking i minimum ei individuell rettleiing.

Vurderingsform

Oppgåve

Bacheloroppgåva skal maksimalt vere på 8000 ord +/- 10 %. Framside, tittelside, forord, innhaldsliste, samandrag, referanseliste, fotnotar, figurar, tabellar, og eventuelle vedlegg kjem i tillegg.

Bacheloroppgåva skal synliggjere i kva grad studenten oppnår læringsutbyte for emnet, og i kva grad studenten nyttar vitskapeleg metode og kan jobbe systematisk med ein fagleg problemstilling. Opptil tre studentar kan etter søknad skrive bacheloroppgåve saman.

Vurderingsuttrykk Gradert karakterskala A til F, der A til E er beståtte karakterar og F er ikkje bestått.

Ny eksamen Ved ikkje bestått (karakter F) leverer studenten omarbeidd, skriftleg besvarelse til ny eksamen i påfølgande semester.

Hjelpemiddel ved eksamen

Alle hjelpemiddel er tillatne, sjå Innlevering av heimeeksamen og oppgåver - Høgskulen på Vestlandet (hvl.no)

Meir om hjelpemiddel

Fagleg overlapping

• BSV5-300 - Bacheloroppgåve - Reduksjon: 15 studiepoeng
• BSO321 - Bacheloroppgåve - Reduksjon: 15 studiepoeng