SYKB361P Praksisstudie, Fagleg leiing, tenesteutvikling og innovasjon

Innhald og oppbygging

Emnet er eit rettleia praksisstudie kor studenten skal oppnå innsikt i sjukepleiaren sitt ansvar, si rolle og funksjon knytt til fagleg leiing, tenesteutvikling og innovasjon i helsetenesta. Innsikta skal bidra til å kritisk vurdere, prioritere og grunngje sjukepleie- og organisatoriske tiltak både på individ- og systemnivå Studenten skal gjennomføre rettleiing og undervisning til pasientar og pårørande, studentar og relevant helsepersonell for å styrke helsekompetanse og pasientsikkerhet. Studenten skal kunne identifisere og bidra til tverrprofesjonell og tverrsektoriell samhandling i tenestene. For å ivareta og sikre kvalitet i tenestene, eit koordinert, heilskapleg og samanhengande pasientforløp, må studenten utøve fagleg leiing, koordinering, dokumentasjon og informasjonsoverføring. Studenten skal nytte denne kunnskapen i eit kvalitetsutviklings-, forbetrings- eller innovasjonsprosjekt.

Emne kan gjennomførast i kommune- eller spesialisthelsetenesta.

Emnet sitt arbeidsomfang er rekna til 405 timar, av desse er 270 timar knytt til direkte pasientretta arbeid. Dei resterande timane er knytt til obligatoriske læringsaktivitetar og sjølvstudium. Det er krav om 90% deltaking i praksis.

Læringsutbytte

Ein student med fullført emne skal ha oppnådd fylgjande læringsutbytte definert i kunnskap, ferdigheiter og generell kompetanse:

Kunnskap:

Studenten...

• kjenner til verktøy og metodar for å drive innovasjonsprosessar, implementering og kontinuerleg forbetringsarbeid
• har kunnskap om fagleg leiing og organisering av helsetenesta
• har kunnskap om relevante undervisnings- og rettleiingsmetodar
• har kunnskap om kvalitet og pasienttryggleik innafor nivåa i helsetenesta

Ferdigheiter:

Studenten…

• nyttar oppdatert kunnskap om helse- og velferdssystemet, lover, regelverk og rettleiingsdokument i si tenesteutøving
• reflekterer over eksisterande rutinar og metodar, og tar initiativ til dialog om implementering av ny kunnskap og nye arbeidsmetodar
• finn og vurderer ressursar og risikofaktorar knytt til system og miljø, samt dokumenterer, og systematisk føl opp og set i verk relevante tiltak

Generell kompetanse:

Studenten…

• viser brei kunnskap om fagleg leiing og organisering av helsetenesta samt leier og prioriterer oppgåver i sjukepleietenesta
• viser innsikt i kvalitet og pasientryggleik i tenestene til pasientar/brukarar, og justerer eiga profesjonsutøving
• viser innsikt i teknologi og digitale løysingar si påverknad av tenesteutøvinga
• viser innsikt i utvikling og bruk av teknologi og digitale løysingar på individ- og systemnivå
• planlegg og gjennomfører målretta tiltak for å redusere uønskte hendingar og variasjon i helsetenesta
• viser kunnskap om relevante verktøy og metodar gjennom planlegging og gjennomføring i kvalitetsutviklingsarbeid og tenesteutvikling i samarbeid med pasientar, pårørande og anna helsepersonell
• formidlar fagleg kunnskap og relevante resultat frå forskings- og utviklingsarbeid i teoretiske og praktiske problemstillingar både skriftleg og munnleg, og grunngje val i tråd med kunnskapsbasert praksis
• formidlar synspunkt og deler erfaringar med andre innanfor fagområdet både skriftleg og munnleg, og bidrar til god praksis
• reflekterer over kvalitetsutfordringar på system- og/eller oppgåvenivå som krev innovasjon
• har innsikt i kvalitetsindikatorar og brukar standard terminologi i dokumentasjon av sjukepleie
• kan planlegge og gjennomføre tiltak som sikrar trygg overføring av pasientar mellom ulike einingar og nivå i helsetenesta

Krav til forkunnskapar

SYK110, SYK101, SYK131, SYK120P, SYK141, SYK201, SYK220P, SYK230P, eller SYK231

Tilrådde forkunnskapar

SYK270

Undervisnings- og læringsformer

• Rettleia praksis
• Arbeid i grupper
• Digitale ressursar
• Formidling
• Medstudentrespons
• Rettleiing
• Oppgåveløysing
• Eigenvurdering
• Skriftleg arbeid
• Sjølvstudium

Obligatorisk læringsaktivitet

Fylgjande obligatoriske læringsaktivitetar må vere godkjent før kandidaten kan framstille seg til sluttvurdering:

1. Obligatorisk deltaking i undervisning som er knytt til praksisførebuing, ferdigheitstrening og simulering. Krav om 90% deltaking.
2. Skriftleg refleksjonsnotat om sjukepleiaren sitt ansvar, si rolle og funksjon i fagleg leiing. Inntil 1000 ord.

Ved fråvær frå obligatoriske læringsaktivitetar gjeld dei same reglane som for gyldig fråvær i praksis, jf. forskrift om studium og eksamen ved HVL

Vurderingsform

Praksisstudiet blir vurdert til bestått/ikkje bestått etter ei avsluttande vurdering av kandidaten sin prestasjon i praksisperioden. For å bestå praksis må kandidaten ha nådd læringsutbytta og oppfylt kravet om 90% deltaking i praksis.

Ny praksis

Dersom praksis vert vurdert til ikkje bestått vil ny praksisperiode bli gjennomført saman med neste kull.

Hjelpemiddel ved eksamen

Alle

Meir om Hjelpemiddel ved eksamen

Meir om hjelpemiddel