SYKS141 Sjukepleie ved somatisk sjukdom

Innhald og oppbygging

I dette emnet skal du som student tileigne deg kunnskap og kompetanse til å utøve sjukepleie til pasientar med ulike kirurgiske og medisinske sjukdommar og skadar. I emnet skal du tilegne deg kunnskap om patofysiologi, sjukdomslære, farmakologi, behandling og sjukepleie ved akutt, kronisk og kritisk sjukdom. Gjennom denne kunnskapen skal du utvikle din kliniske vurderings- og beslutningskompetanse for å kunne utøve fagleg forsvarleg og omsorgsfull sjukepleie til den enkelte pasient og pårørande.

Læringsutbytte

Ein student med fullført emne skal ha oppnådd følgande læringsutbytte, definert i kunnskap, ferdigheiter og generell kompetanse.

Kunnskap:

Studenten…

• har brei kunnskap om sjukepleiaren sin behandlande, rehabiliterande og lindrande funksjon

• har brei kunnskap om personsentrert sjukepleie

• har brei kunnskap om dei vanlegaste symptom, sjukdommar, sjukdomsforløp og behandling

• har brei kunnskap om farmakologi relatert til sjukepleiaren sitt funksjons- og ansvarsområde

• har brei kunnskap om forsvarleg legemiddelhandtering og -rekning

• har kunnskap om behandling ved ulike skader

• Har brei kunnskap om aldringsprosessen og eldre sine særeigne behov

• har kunnskap om kvalitet og pasienttryggleik innafor nivåa i helsetenesta

• har kunnskap om risikofaktorar i helsetenesta og prinsipp og tiltak for å redusere pasientskader

Ferdigheiter:

Studenten…

• kan finne, vurdere og vise til fagleg kunnskap og relevante resultat frå forskings- og utviklingsarbeid

Generell kompetanse:

Studenten…

• kan formidle sentralt fagstoff som teoriar, problemstillingar og løysingar både skriftleg og munnleg

• kjenner til kvalitetsindikatorar og standard terminologi i dokumentasjon av sjukepleie

• har innsikt i klinisk vurderings- og beslutningskompetanse for å kunne utøve fagleg forsvarleg og omsorgsfull sjukepleie til den enkelte pasient

Krav til forkunnskapar

Ingen

Tilrådde forkunnskapar

Emne SYK101, SYK110, SYK130

Undervisnings- og læringsformer

• Førelesingar

• Arbeid i grupper

• Digitale ressursar

• Formidling frå studentar

• Ferdigheitstrening

• Simulering

• Rettleiing

• Medstudentrespons

• Oppgåveløysing

• Skriftleg arbeid

• Sjølvstudium

Obligatorisk læringsaktivitet

Følgjande obligatoriske læringsaktivitetar må vera godkjent for at studenten kan framstille seg til eksamen:

1. 80% oppmøte og deltaking i obligatoriske aktivitetar, omfang kjem fram av timeplan

2. Individuell skriftleg medikamentrekningsprøve, krav om 100% rett.

Vurderingsform

Munnleg eksamen 45 min (20 min utspørsjing, 15 min førebuing)

Tid og stad for eksamen blir gitt på Studentweb.

Vurderingsuttrykk:

Gradert karakterskala A til F, der A - E er bestått karakter og F er ikkje bestått.

Ny eksamen gjennomføres i same form som ordinær eksamen.

Hjelpemiddel ved eksamen

Ingen

Meir om hjelpemiddel