ANE511 Fysiologi, patofysiologi, farmakologi, anestesiologi og intensivmedisin

Innhald og oppbygging

Emnet gir fordjuping i fysiologi, patofysiologi, farmakologi, anestesiologi og intensivmedisin med relevans for anestesisjukepleie i alle aldersgrupper. Emnet legg vekt på kunnskap for å forstå, vurdere og bruke faglege prinsipp i møte med komplekse kliniske tilstandar. Emnet byggjer på følgjande kjerneområde med direkte relevans for utøvinga av anestesisjukepleie:

• fysiologiske og patofysiologiske særtrekk hos premature, barn, vaksne og eldre
• anestesiologiske prinsipp og vurdering av anestesiformer
• farmakodynamikk og farmakokinetikk for legemiddel brukte ved anestesi, smertebehandling og palliasjon
• vasoaktiv behandling, væskebehandling og transfusjonar
• akutt- og intensivmedisinske tilstandar
• mikrobiologi, førebygging av infeksjon og antibiotikaresistens
• smertefysiologi, lindring av akutt og kronisk smerte, og palliasjon

Emnet byggjer på grunnleggjande kunnskap i anatomi, fysiologi og mikrobiologi, og legg vekt på samanhengen mellom pasienten si tilstand, det kirurgiske inngrepet og anestesifaglege vurderingar.

Læringsutbytte

Ein student med fullført emne skal ha følgande totale læringsutbytte definert i kunnskap, ferdigheiter og generell kompetanse:

Kunnskap: Studenten…

• har avansert kunnskap i aldersfysiologiske/patofysiologiske særtrekk og endring frå det premature barnet til vaksne og eldre

• har spesialisert innsikt i legemidlar som vert brukt ved anestesi, avansert smertebehandling og palliasjon

• har avansert kunnskap i anestesiologi

• har spesialisert innsikt i vasoaktiv behandling, væskebehandling og transfusjonar

• har spesialisert innsikt i generell anestesi, regionale og sentrale blokadar

• har inngåande kunnskap om akuttmedisinske og intensivmedisinske tilstander

Ferdigheiter: Studenten…

• kan analysere og vurdere sjukdom/tilstand sin påverknad for val av anestesimetode

• kan analysere anestesimetoden sin påverknad av pasienten sin tilstand

• kan analysere og vurdere risiko for komplikasjonar, analysere og vurdere nødvendige tiltak

Generell kompetanse: Studenten…

• kan vurdere ulike metodar for å ivareta god pasientomsorg

Krav til forkunnskapar

Ingen

Tilrådde forkunnskapar

Gjennomført ANE510 Akutte og kritiske tilstandar. Kvalitet pasientsikkerheit og fagleg leiing.

Grunnlegande kunnskap om anatomi og fysiologi.

Undervisnings- og læringsformer

Varierte undervisnings- og læringsformer blir nytta i emne med fokus på studentaktive metodar. I dette inngår ressursførelesningar, gruppearbeid, studentaktive læringsformer, sjølvstudium og digitale læringsformer.

Obligatorisk læringsaktivitet

Følgjande obligatoriske læringsaktivitet må vera godkjent for at studenten kan framstille seg til eksamen:

1. Skriftleg oppgåve knytt til analyse av samanheng mellom kirugisk inngrep, pasienten sin tilstand og val av anestesimetode. Formidling av oppgåva og studenttilbakmelding.

Godkjent obligatorisk arbeidskrav er gyldig i dei to påfølgande semestera.

Vurderingsform

Skriftleg skuleeksamen Omfang på 5 timar.

Tid og stad for eksamen, sjå Studentweb.

Vurderingsuttrykk: Gradert karakterskala A til F, der A til E er beståtte karakterar og F er ikkje bestått.

Hjelpemiddel ved eksamen

Enkel kalkulator

Meir om hjelpemiddel