BBLAPR200 Praksis 2. år BBLA

Innhald og oppbygging

Studenten skal i løpet av andre studieår få gjere seg erfaringar med samarbeid med både føresette, personale og samarbeidspartnarar, leie aktivitet med barn og øve seg i å leie medarbeidarar i barnehagen. Dette inneber blant anna å utvikle eigen rettleiarkompetanse og å reflektere over rettleiinga sin plass i barnehagen. Studenten skal òg tileigne seg større forståing for barnehagen som læringsmiljø og danningsarena og barnehagelærarens rolle og ansvar for å gje barn varierte erfaringar. Studenten skal utvikle ulike sider ved barnehagelærarrolla der hovudfokuset er studenten si leiing av barn og medarbeidarar.

Praksis andre studieår på barnehagelærarutdanninga er på 30 dagar. Det er ein obligatorisk del av utdanninga.

Studentane skal gjere seg kjend med innhaldet i denne planen og retningslinjene for praksisstudiet på nettsida for praksis i barnehagelærarutdanninga.

Studentane tar ansvar for å være orientert og forberedt til praksis som en del av det å ha dømmekraft og sjølvinnsikt i forbindelse med oppgåver i studiet og kommande profesjonsrolle.

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har kunnskap om rettleiing og pedagogisk leiing
• har kunnskap om barnehagen som leike-, lærings-, omsorgs- og danningsarena

Ferdigheiter

Studenten

• kan leie og rettleie barnehagepersonalet i aktivitetar med barnegrupper, og kritisk vurdere eiga pedagogisk leiing og eigen praksis
• vise relasjonskompetanse og kunne reflektere kritisk over eiga rolle i kommunikasjon og samarbeid med føresette og kollegaer

Generell kompetanse

Studenten

• stå fram som ein reflektert pedagogisk leiar og fagperson
• reflektere over barnehagen som leike-, lærings-, omsorgs- og danningsarena

Krav til forkunnskapar

Praksis første studieår (BBLAPR100) må vere bestått for at du kan starte denne praksisperioden.

Undervisnings- og læringsformer

Praksis andre studieår på barnehagelærerutdanninga er på 30 dagar. Det er ein obligatorisk del av utdanninga. Studenten skal delta på praksisførebuande seminar.

Studenten skal ha minimum 5 leiardager i praksis andre studieår.

All praksis blir gjennomført i barnehage.

Obligatorisk læringsaktivitet

-

Vurderingsform

30 dagar rettleidd og vurdert praksis i barnehage med krav om 100% frammøte.

Sluttvurdering: Bestått/Ikkje bestått.

Om praksis ikkje blir bestått kan studenten gjennomføre eit andre forsøk neste gong praksis går ordinært. Alle 30 dagane må takast på nytt. Dette kan påverke studenten sin studieprogresjon.

Studenten kan ikkje klage på karakteren i praksis, men kan klage på formelle feil.

Hjelpemiddel ved eksamen

-

Meir om hjelpemiddel