MDIP503 Didaktiske praksisar

Innhald og oppbygging

Sentrale undervisningstema:

Generell didaktikk, styringsdokument, utdanningspolitikk og sentrale satsingsområde

Temaet skal gi inngåande historisk og systematisk overblikk over didaktiske tradisjonar, teoriar og modellar. Det vert lagt til rette for inngåande studie i korleis didaktisk kunnskap - i forhold til både utdanningssystemet, skulen som institusjon og som undervisning - blir utvikla og brukt. Særtrekk og samanhengar mellom generell didaktikk og ulik fag- eller emnedidaktikk vert gjennomgått. Temaet diskuterer vidare utdanningspolitiske og økonomiske styringsinstrument (policy). Det vert vist kva konsekvensar dette kan ha for undervisnings- og opplæringspraksis.

Didaktisk læreplanarbeid - læraren i møte med eleven

Temaet tak opp praktisk didaktisk læreplanarbeid på ulike nivå i utdanningssystemet. Samanhengar mellom individs danning og kunnskapsområde som t.d. spesifikk fagkunnskap blir gjennomgått. Praktisk tilnærming til fagdidaktiske modellar og teoriar i studiet vil legge grunnlag for at studenten skal kunne arbeide med læring og kunnskapsformidling med mål om å kunne skape ein her og nå didaktikk. Temaet tar vidare opp korleis individuelt tilpassa undervisning, læringsmål og medverknad kan gi praktisk relevans for elevar på ulike kunnskaps- og ferdigheitsnivå. Organisering og implementering av læreplanar og korleis desse påverkar val av undervisningsformer vil være bærebjelken i dette arbeidet

Didaktikk i eit praktisk elevperspektiv

Temaet vil særleg krinse rundt elevane og deira føresetnader for å kunne vere sjølvstendige og kritisk kunnskapsorienterte i læringsarbeidet. Studentaktiv, praktisk gjennomgang og utprøving av moglege undervisningsopplegg med ulike didaktiske metaodar og pedagogisk tenkning, vert gjennomført. Temaet vil og ha vekt på elevmedverknad, læringsglede og korleis det kan arbeidast innovativt med utgangspunkt i læreplanverkets generelle del og fagas overordna og fagspesifikke del. Vurdering for læring med design for observasjon og ferdigheitsvurdering kjem til uttrykk gjennom praktisk studentarbeid. Temaet vil ta opp praktiske læringssituasjonar der studentane får høve til å observere og vurdere eiga og andre si undervisning i sine ulike fag. Studentane får høve til å gjennomføre undervisning med utgangspunkt i generelle og eigendefinerte faglege formål med undervisninga. Studentane skal kunne gi tilbakemeldingar på medstudentane sine val gjennom refleksjon av eiga planlagd undervisning og refleksjon av presentert kunnskap og ferdigheiter.

Læringsutbytte

Etter fullført emne skal studenten ha følgande totale læringsutbyte definert i kunnskap, ferdigheiter og generell kompetanse:

Kunnskap

Studenten

• har innsikt i didaktiske tradisjonar, teoriar og modellar
• har kunnskap om korleis styringsideologi gir føringar for didaktisk praksis
• har avansert kunnskap om individuelt tilpassa undervisning, elevmedverkand, vurdering for læring og kunnskapsformidling for elevar med ulike læringsføresetnader og læringsmål
• har inngåande innsikt i kompetanse- og humankapitalkonsepta og korleis didaktiske metodar vert påverka av desse konsepta i ein historisk kontekst
• har avansert kunnskap om læreplananalyse og kva prosessar som leier fram til utforming og implementering av læreplanar

Ferdigheiter

Studenten

• kan forklare og gi eksempel på didaktisk læreplanarbeid og gje eksempel på korleis ulike didaktiske metodar gjev rom for læring
• kan bruke kunnskap om didaktikk til å utvikle og legge til rette for tverrfagleg didaktikk innan folkehelse og livsmeistring, demokratisk medborgarskap og medverknad, og pedagogisk berekraftig
• kan analysere, ta i bruk og vurdere didaktisk, pedagogisk og forskingsbasert kunnskap til å analysere og drøfte faglege problemstillingar
• kan forklare og gi eksempel på samanhengar og særtrekk ved generell didaktikk og fag- eller emnedidaktikk
• kan analysere, planlegge og gjennomføre undervisningssekvensar i arbeid med rettleiing og vurdering for læring i eit profesjonsfellesskap

Generell kompetanse

Studenten

• kan kritisk og reflektert drøfte og vurdere ulike didaktiske tradisjonar, teoriar og modeller
• kan analysere, diskuterer og vurdere kva som fører til barn- og unges danning og læring
• kan bidra til relevant forskingsbasert og utviklingsorientert formidling og anvende sin kunnskap i innovasjon knytt til styringsideologi som gir føringar for didaktisk praksis
• kan vere ein aktiv pådrivar for didaktisk utviklingsarbeid og innovasjon, og med eit kritisk blikk kunne gjennomføre og drøfte analysar av læreplanar og korleis styringsideologi (policy) gir føringar for lærarens didaktisk praksis
• kan gi kritiske og reflekterte kommentarar til medstudentar sine kunnskapar, ferdigheiter i undervisningsplanlegging

Krav til forkunnskapar

Ingen

Undervisnings- og læringsformer

Undervisninga er samlingsbasert og vil føregå som førelesingar, seminar og rettleiing. Den vil veksle mellom undervisning og studentaktive læringsformer. Alle samlingar er fysiske og vert gjennomført ved HVL, campus Bergen. Nærare presiseringar kjem fram av semesterplanen.

Obligatorisk læringsaktivitet

Studentane skal gjennomføre to obligatoriske læringsaktivitetar (OLA) som vil vektlegge prosessbasert læring og utvikling. Følgande obligatoriske læringsaktivitar må være godkjende før studenten kan framstille seg til eksamen:

1. Munnleg presentasjon av eit didaktisk tema (skisse/ disposisjon skal leverast på førehand). Munnleg medstudentvurdering. Obligatorisk frammøte i studentseminar ved campus Bergen.
2. Skriftleg oppgåve om eit didaktisk tema (2000 ord +/- 10%). Skriftlig medstudentvurdering.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Utfyllande retningsliner for obligatoriske læringsaktivitetar vil bli presenterte ved oppstart.

Vurderingsform

Eksamen vert gjennomført med mappe som skal ha følgjande innhald:

1) Obligatorisk undervisningsopplegg 1: Vedlegg av skissa for undervisningsopplegget, samt PP-presentasjon, evt. notatar, frå gjennomført undervisningsopplegg.

2) Obligatoriske læringsaktivitet 2: Skriftleg oppgåve frå OLA 2. Oppgåva skal reviderast og vert utvida med 1000 ord før levering i mappa. Omfang 3000 ord (+/- 10%).

3) Kandidaten skal i tillegg levere eit refleksjonsnotat som gjer greie for, reflekterer over og drøftar studentens læringsutbytte i emnet. Omfang 1000 ord (+/-10%).

Karakterskala A-F, der F svarar til ikkje bestått.

Dersom mappa vert vurdert til ikkje bestått, skal det leverast ei omarbeida mappe til ny eksamen i påfølgjande semester.

Hjelpemiddel ved eksamen

Alle hjelpemiddel er tillatt. For informasjon om bruk av kunstig intelligens (KI), sjå Innlevering av heimeeksamen og oppgåver - Høgskulen på Vestlandet.

Kandidaten må redegjere for bruk av KI.

Meir om hjelpemiddel