MPUV501A Spesialpedagogikk 1 - Generelle lærevanskar

Innhald og oppbygging

Emnet vektlegg ulike forskings- og teoriperspektiv innan spesialpedagogisk arbeid, med særleg vekt på utfordringar knytte til språk, lese- og skrivevanskar og matematikkvanskar. Det vert òg lagt vekt på vurdering, utvikling og bruk av læringsstøtte og førebyggjande tiltak i ein fagleg og profesjonsretta kontekst.

Emnet omfattar utvikling og bruk av spesialpedagogiske perspektiv, læringsstøtte og inkluderande praksisar i ein samfunnsmessig samanheng, med eit livsløpsperspektiv. Eit sentralt mål er å fremje inkludering og deltaking for alle elevar, uavhengig av føresetnader og bakgrunn.

Tema som folkehelse og livsmeistring, yrkesetisk refleksjon og profesjonsfagleg læringsstøtte inngår i emnet.

I emnet vil følgjande tema bli vektlagt:

• refleksjon og vurdering ved tilrettelegging for god fagleg og sosial utvikling
• teoretisk og didaktisk perspektiv på generelle og spesifikke utfordringar med
• lese- og skriveutvikling i eit forskingsmessig og didaktisk perspektiv
• språkforstyrrelser i eit utviklingsperspektiv
• utviklingsmessige matematikkvanskar - årsaker, former og forskingsbaserte tiltak
• prinsipp for kartlegging og læringsstøtte i eit teoretisk og didaktisk perspektiv
• folkehelse og livsmeistring i eit livsløpsperspektiv

Læringsutbytte

Ein student som har fullført emnet skal ha følgande læringsutbytte definert i kunnskap, ferdigheiter og generell kompetanse:

Kunnskap

Studenten

• har inngåande kunnskap om spesialpedagogisk arbeid med generelle og spesifikke lærevanskar, og om læringsstøtte som profesjonsfag og forskingsfelt på individ-, gruppe og systemnivå
• har inngåande forståing for risiko- og beskyttande faktorar i eit utviklingsperspektiv
• har kunnskap om forskings- og utviklingsarbeid innan felta generelle- og spesifikke lærevanskar og kan nytte slik kunnskap i eigen yrkesutøving.

Ferdigheiter

Studenten

• kan kartlegge, prioritere og setje i gang relevante tiltak ved generelle og spesifikke lærevanskar i opplæringssamanheng
• kan planlegge og gjennomføre forebyggande tiltak
• kan analysere og reflektere over lærarrolla i møte med elevar med lærevanskar
• kan kritisk vurdere ulike pedagogiske støttetiltak
• kan vurdere og bruke læringsressursar i ein fagleg kontekst, med utgangspunkt i forskingsresultat og relevante læringsteoriar
• kan bruke læringsressursar knytte til folkehelse og livsmeistring

Generell kompetanse

Studenten

• kan oppdatere eigen praksis og faglege innsikt med utgangspunkt i forskingsbasert kunnskap
• kan kritisk reflektere over etiske problemstillingar knytte til spesialpedagogiske utfordringar
• kan vurdere mogelegheiter og utfordringar ved bruk av individuell læringsstøtte
• kan kommunisere om spesialpedagogiske problemstillingar med elevar, foreldre og profesjonelle

Krav til forkunnskapar

Ingen

Tilrådde forkunnskapar

Ingen

Undervisnings- og læringsformer

Undervisninga er organisert med to fysiske samlingar i løpet av semesteret, kombinert med nettmøte mellom samlingane.Sentrale læringsformer er førelesingar, gruppearbeid, individuell rettleiing og skriftlege innleveringar.

Studiet føreset at studenten kan arbeide sjølvstendig med tileigning av fagstoff.

Obligatorisk læringsaktivitet

1. Det er obligatorisk oppmøte på samlingar. Det blir lagt opp til studentaktivitet i form av for eksempel gruppearbeid, drøftingar, presentasjonar og øvingar på alle samlingane.
2. Gjennomgang av ein (1) forskingsartikkel
3. Individuell skriftleg oppgåve som omhandlar eitt av dei tre hovudtema i emnet.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Nærare retningsliner for obligatorisk læringsaktivitet gis ved semesterstart.

Vurderingsform

Individuell skriftleg oppgåve.

Omfang 4000 ord i brødtekst (+/- 10 %).

Karakterskala A-F, der F svarar til ikkje bestått.

Det er mogeleg å levere forbetra versjon i påfølgjande semester. Det er berre mogeleg å levere forbetra versjon med same problemstilling ein gong. Etter dette må det skrivast heilt ny oppgåve.

Hjelpemiddel ved eksamen

Alle hjelpemiddel er tillate. For informasjon om bruk av kunstig intelligens (KI), sjå Innlevering av heimeeksamen og oppgåver - Høgskulen på Vestlandet.

Meir om hjelpemiddel