UPED853 Forsking i og på eigen praksis

Innhald og oppbygging

Emnet Forsking i og på eigen praksis er retta mot systematisk vidareutvikling av undervisings- og rettleiingspraksisar i kollegiale fellesskap, med mål om å fremje pedagogisk kvalitet og styrkje studentane sitt læringsutbytte. Samstundes har emnet som mål å utvikle ny forskingsbasert kunnskap om utdanningsverksemd.

Modell for gjennomføring av prosjektet er forankra i prinsipp frå Scholarship of Teaching and Learning in Higher Education, som inneber:

• Ein forskingsbasert tilnærming: Undervisingspraksis blir utvikla og forbetra gjennom systematisk innsamling, analyse og bruk av funn frå ulike undervisings-, rettleiings- og læringspraksisar.
• Refleksjon og dokumentasjon: Undervisarar reflekterer kritisk over eigen praksis, dokumenterer prosessane og deler erfaringane for å bidra til ein kollektiv kunnskapsbase.
• Studentane si læring i sentrum: Prosjektet prioriterer tiltak som styrkjer studentane sitt engasjement, læringsutbytte og deltaking i undervisninga.
• Samarbeid og deling: Det blir lagt til rette for samarbeid mellom undervisarar og fagmiljø, både innan og på tvers av disiplinar, for å fremje innovasjon og deling av beste praksis.
• Openheit og deltaking: Resultata frå prosjektet skal vere opne og tilgjengelege, med mål om å fremje ein kultur for kontinuerleg utvikling og læring i høgare utdanning.

Eksempel på eit forskingsprosjekt i og på eigen praksis kan vere å teste ut og undersøkje nye undervisings- og vurderingsformer, FoU-basert undervisning, utvikle og teste ut læringsressursar, utviklingsarbeid knytt til praksis, rettleiing eller ulike former for nettbasert undervisning.

Læringsutbytte

Ved fullført emne skal studenten ha følgjande totale læringsutbytte:

Kunnskap

Studenten

• kan vise korleis kunnskap om prinsippa for SoTL (Scholarship of Teaching and Learning) kan nyttast for å vidareutvikle undervisings- og læringspraksisar i høgare utdanning.
• kan uttrykkje forståing av metodar for systematisk utvikling, dokumentasjon og analyse av undervisingspraksis gjennom eigen FoU-verksemd.
• viser kunnskap om samanhengen mellom undervisingsmetodar, vurderingsformer og studentar sitt læringsutbytte i arbeidet med eige forskningsprosjekt.

Ferdigheiter

Studenten

• kan kritisk analysere, utvikle og forbetre undervisings- og læringspraksisar basert på systematisk innhenting og analyse av forskingsdata.
• kan framstille kritisk refleksjon over eigen og kollegaer sin pedagogiske praksis, samt dokumentere og formidle resultata på ein måte som bidreg til kollektive læringsprosessar.
• kan utvikle, teste og evaluere nye undervisings- og vurderingsformer, samt tilpasse desse til ulike faglege og pedagogiske kontekstar.
• kan samarbeide med kollegaer og fagmiljø for å initiere, gjennomføre og evaluere pedagogisk utviklingsarbeid.

Generell kompetanse

Studenten

• kan planleggje og gjennomføre forsking i og på eigen praksis som fremjar pedagogisk kvalitet og styrkjer studentane sitt læringsutbytte.
• kan bidra til ein open og inkluderande læringskultur ved å dele resultat og erfaringar frå forsking på eigen praksis, både lokalt og nasjonalt.
• kan bruke prinsippa frå SoTL (Scholarship of Teaching and Learning) for å vidareutvikle eigen undervisingspraksis og støtte kollegaer i deira pedagogiske arbeid.
• kan analysere og kritisk evaluere korleis pedagogiske tiltak påverkar studentane sitt engasjement, læringsprosess og læringsutbytte.

Krav til forkunnskapar

Ingen

Tilrådde forkunnskapar

UPED851 eller tilsvarande

Undervisnings- og læringsformer

Oppstartsseminar: Ein heildagssamling der deltakarane arbeider med prinsippa frå Scholarship of Teaching and Learning (SoTL) og utvikling av prosjektidear.

Kollegarettleiing: To rettleiingsøkter i tverrfaglege grupper, der deltakarane skisserer, presenterer og gir tilbakemeldingar på prosjektplanar. Gruppene er tilknytte ein kursleiar som støttar prosessen.

Mellomsamling: Ein heildagssamling der deltakarane presenterer framdrift, utvekslar erfaringar og får tilbakemelding på arbeidet.

Avslutningskonferanse: Ein digital eller fysisk konferanse der deltakarane presenterer resultata frå utviklingsprosjekta sine og diskuterer erfaringar med kollegaer og rettleiingar.

Det blir tilrådd at studenten er tilsett i ei undervisingsstilling i høgare utdanning eller har tilsvarande erfaring med undervisning på dette nivået.Studenten bør ha praktisk erfaring med undervisning, rettleiing eller utvikling av læringsressursar i høgare utdanning.Studenten må ha moglegheit til å gjennomføre utviklingsprosjektet i ei undervisingssetting, gjerne i samarbeid med kollegaer eller ein rettleiar.

Obligatorisk læringsaktivitet

Følgjande obligatoriske læringsaktivitetar må vere godkjende for at studenten kan framstille seg til eksamen:

• Deltakarane må utvikle og presentere ein plan for prosjektet på mellomsamlinga
• Formidling av forskingsprosjektet i ein avslutningskonferanse i form av ein posterpresentasjon.
• Gi konstruktive tilbakemeldingar til minst eitt prosjekt/posterpresentasjon under avslutningskonferansen.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Vurderingsform

Oppgåve. Skriftleg individuell eller gruppebasert paper. Paperet skal vere på 3000 ord (+/- 10 %) og maksimalt 5000 ord. Karakterskala: Bestått/Ikkje bestått. Dersom paperet ikkje er bestått, er det mogleg å levere forbetra versjon i påfølgjande eller seinare semester.

Krav til innlevering:

• Formål og målsettingar for forskingsprosjektet.
• Skildring av metodar og prinsipp frå Scholarship of Teaching and Learning som er nytta.
• Status for gjennomføring, inkludert aktivitetar som er gjennomførte og eventuelle utfordringar.
• Førebelse funn og refleksjonar knytt til læringsutbytte og prosess.

Kriterium for vurdering:

• Refleksjon over og bruk av SoTL-prinsipp.
• Ei tydeleg problemstilling.
• Klart definerte mål og ei gjennomarbeidd skildring av prosjektet.
• Skildring av analysen av funn og diskusjon av implikasjonar for pedagogisk praksis.
• Struktur, språk og fagleg presisjon i paperet.

Hjelpemiddel ved eksamen

Alle hjelpemidler er tillate. For informasjon om bruk av kunstig intelligens (KI) sjå Innlevering av heimeeksamen og oppgåver - Høgskulen på Vestlandet (hvl.no).

Meir om hjelpemiddel