Å-KH230 Kunst og handverk 2

Innhald og oppbygging

Kunst og handverk 2 bygger på Kunst og handverk 1. Emnet skal bidra til vidareutvikling av kunnskap og ferdigheiter og gi vidare innsikt i faget sin visuelle og materielle kulturforankring, både lokalt, nasjonalt og globalt. Studenten skal i løpet av studiet vidareutvikle eigne praktiske ferdigheiter og få erfaring med og kunnskap om ulike materiale sine ibuande kvalitetar og teknikkar som gir læringsutbytte i tråd med læreplanen for grunnskulen. Skapande arbeidsprosessar på verkstader vert knytt til miljøbevisst bruk av materialar og produksjonsmetodar. Studiet vektlegg utvikling av studenten si evne til å oppfatte og forstå andre sin bodskap og sjølv kunne kommunisere i visuelle og fysiske ytringsformer. Fagdidaktisk refleksjon er integrert i oppgåver, praktisk undervisning, rettleiing og vurdering. Utforskande læringsmåtar og metodar skal bidra til utvikling av studenten sin sjølvstende, analytiske evne og kritiske refleksjon.

Det skal betalast materialavgift på omlag kr 600. Denne dekkar materialkostnader til dei obligatorisk praktiske oppgåvene i eksamensdel 1. Materialutgifter til eksamensdel 2, fagleg utviklingsarbeid, dekkar studenten sjølv.

Læringsutbytte

Ved fullført emne skal studenten ha følgjande totale læringsutbytte definert i kunnskap, ferdigheiter og generell kompetanse:

Kunnskap

Studenten

• har kunnskap om relevante analoge og digitale verktøy, ulike materialar, teknikkar og estetiske verkemiddel som eignar seg i begynnaropplæringa og vidare opplæring
• kjenner til hovudretningar innanfor handverk, design, arkitektur og kunst i ulike kulturar til ulike tider
• har teoretisk og erfaringsbasert kunnskap om idéutvikling, relevante forskingsmetodar, vurderings- og presentasjonsformer og om korleis eigne skapande prosesser kan være utgangspunkt for refleksjon og fagleg utviklingsarbeid.

Ferdigheiter

Studenten

• kan utnytte materialar sine eigenskapar og kvalitetar på ein berekraftig måte
• kan formidle, analysere og vurdere design, arkitektur og kunst
• kan anvende digitale og analoge verktøy i visuell kommunikasjon
• kan anvende og vedlikehalde relevante reiskapar og maskinar, og kjenner til rutinar for arbeidsmiljø og sikkerheit på verkstadane (HMS-rutinar)
• kan bruke og forstå fagspråk og kjenner til ny og relevant faglitteratur og forsking

Generell kompetanse

Studenten

• kan legge til rette for formidlingsarbeid og stimulere til praktisk og estetisk arbeid
• har innsikt i fagrelevant forsking, litteratur og gjeldande læreplan for grunnskulen, og kan nytte dette som utgangspunkt for fagleg utviklingsarbeid
• viser engasjement og sjølvutvikling i eit fagleg fellesskap

Krav til forkunnskapar

Ingen

Tilrådde forkunnskapar

Kunst og handverk 1, 30 sp

Undervisnings- og læringsformer

• Førelesingar
• Praktisk arbeid i verkstader
• Sjølvstendig kunstfagleg arbeid
• Munnlege og skriftlege oppgåver
• Fagleg utviklingsarbeid
• Workshop
• Ekskursjonar/studietur

Obligatorisk læringsaktivitet

1. Obligatorisk deltaking på oppstart av oppgåver og anna som er spesifisert i semesterplan.
2. Innlevering av ein arbeidsteikning. Læringsaktiviteten inneber å anvende visuell kommunikasjon i planlegging av skapande arbeid.
3. Sjølvstendig individuell utforsking av material og teknikk. Øving i å arbeide sjølvstendig med fagleg utviklingsarbeid og presentasjon av dette.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Vurderingsform

Del 1: Mappevurdering, tel 75 % av endeleg karakter.

Karakterskala A-F, der F svarar til ikkje bestått.

Mappa består av:

• 3 praktiske arbeid som skal presenterast i ei eksamensutstilling
• Prosessdokumentasjon til det praktiske arbeidet

Ved ikkje bestått vurderingsmappe, skal det leverast ei omarbeida vurderingsmappe til ny eksamen i påfølgjande semester eller neste gang emnet vert undervist.

Del 2: Mappevurdering, tel 25 % av endeleg karakter.

Karakterskala A-F, der F svarar til ikkje bestått.

Mappa består av:

• Fagleg utviklingsarbeid som skal bestå av praktiske utprøvingar og ferdige produkt som skal presenterast i ei eksamensutstilling
• Skriftleg prosessdokumentasjon på 2500 - 3000 ord

Begge delane (del 1 og del 2) må vere bestått for å få karakter i emnet. Ved ikkje bestått på ein av delane, kan den delen takast opp att åleine.

Dersom mappevurderingane ikkje er bestått, er det mogeleg å levere forbetra versjon til ny eksamen.

Hjelpemiddel ved eksamen

Alle hjelpemiddel er tillate.

Meir om hjelpemiddel

Fagleg overlapping

• LU1-KHÅ230 - Kunst og Handverk 2 1-7 - Reduksjon: 30 studiepoeng
• LU2-KHÅ230 - Kunst og Handverk 2 5-10 - Reduksjon: 30 studiepoeng
• LU2-KHÅ215 - Kunst og Handverk 2 5-10 - Reduksjon: 15 studiepoeng
• LU2-KHÅ315 - Kunst og Handverk 2 5-10 - Reduksjon: 15 studiepoeng
• LU2-KH315 - Kunst og Handverk 2a, 5-10. - Reduksjon: 15 studiepoeng
• LU2-KH415 - Kunst og Handverk 2b, 5-10. - Reduksjon: 15 studiepoeng