INT512 Klinisk observasjons-, vurderings-, avgjerds- og handlingskompetanse i intensivsjukepleie

Innhald og oppbygging

Emnet omhandlar intensivsjukepleiaren sitt ansvar for akutt og/eller kritisk sjuke pasientar i alle aldrar og deira pårørande. Ein sentral del av emnet er ei heilheitleg observasjon- og vurderingskompetanse ut frå intensivmedisinske, pasient- og familiesentrerte tilnærmingar. Avgjerds- og handlingskompetanse basert på ei kritisk og analytisk vurdering av kva pasientar treng av førebyggande-, helsefremjande-, behandlande-, lindrande- og rehabiliterande intensivsjukepleie blir vektlagt. Emnet omhandlar intensivsjukepleia si rolle i å involvere, kommunisere og samhandle med pasientar, pårørande og andre profesjonar under og etter eit intensivopphald.

Læringsutbytte

Ein student med fullført emne skal ha følgjande totale læringsutbytte definert i kunnskap, ferdigheiter og generell kompetanse:

Kunnskap:

Studenten…

• har avansert kunnskap om akutte sjukdommar og behandling hos aktuelle pasientgrupper

• har inngåande kunnskap om smertelindring, palliasjon og innskrenking av behandling

• har inngåande kunnskap om legemiddelhandtering som er relevant for utøving av intensivsjukepleie

• har avansert kunnskap om fysiske og psykiske langtidsverknader etter intensivopphald

• har avansert kunnskap om barn som pasientar eller pårørande med deira særeigne behov og rettar

• har inngåande kunnskap om kommunikasjonsverktøy og kva som fremjer og hemmar tverrprofesjonell samhandling

• har avansert kunnskap om lover og forskrifter knytt til bruk av medisinsk utstyr og digitale verktøy som er relevante for yrkesutøvinga

Ferdigheiter:

Studenten…

• kan kritisk bruke ulike i kartleggings-, vurderings- og dokumentasjonsverktøy i utøvinga av intensivsjukepleie

Generell kompetanse:

Studenten…

• kan analysere, kritisk vurdere og reflektere over samhandling og kommunikasjon som kan påverke pasientforlaupet og/eller arbeidsmiljøet

Krav til forkunnskapar

Bestått emne 510: Intensivsykepleie som fag og profesjon

Tilrådde forkunnskapar

Bestått emne:

INT511: Akutt og/ eller kritisk sjukdom, fysiologi, patofysiologi i intensivsjukepleia

Undervisnings- og læringsformer

Varierte undervisnings- og læringsformer blir nytta, med forelesing, gruppearbeid, caseoppgåver, digitale læringsformer og ei veke simuleringsbaserte læringsaktivitetar

Obligatorisk læringsaktivitet

Følgjande obligatoriske læringsaktivitetar må vere godkjende for at studenten kan framstille seg til eksamen:

1. Medikamentrekningstest, inntil 3 forsøk.

2. Ferdigheitstrening i elektromedisinsk utstyr (EMU) og kliniske prosedyrar

3. Simuleringsbasert læringsaktivitet

4. Gruppearbeid med fremlegg

Godkjent obligatorisk arbeidskrav er gyldig i dei to påfølgjande semestera.

Vurderingsform

Skriftleg skuleeksamen

Omfang på 6 timar.

Tid og stad for eksamen, sjå Studentweb.

Vurderingsuttrykk

Gradert karakterskala A til F, der A til E er beståtte karakterar og F er ikkje bestått.

Hjelpemiddel ved eksamen

Ingen

Meir om hjelpemiddel