PPUA306 Skulen i samfunnet - leiing av lærings- og utviklingsarbeid i eit organisasjons- og samfunnsperspektiv

Innhald og oppbygging

Hovudtema i emnet er skulen i eit organisasjons- og samfunnsperspektiv og pedagogisk forskings- og utviklingsarbeid. Lærestoffet omfattar difor samarbeid med foreldre, nærmiljø, nærings- og arbeidsliv og andre instansar utanfor skulen. I tillegg kjem tema knytt til skuleutvikling og lærarar si kontinuerlege utvikling av eigen kompetanse.

Følgjande tematikk er felles for alle studiestadane

• Barn og unge i utsette livssituasjonar
• Medborgarskap og det fleirkulturelle samfunnet
• Berekraftig utvikling
• Skuleutvikling og kompetanseutvikling
• Samiske forhold og samiske elevar sine rettar
• Organiseringsformer og læringsrom i og utanfor skulen

Det vert lagt vekt på heilskap og samanheng i studiet gjennom integrering av fagdidaktikk, pedagogikk, og praksis. Eit berande element i gjennomføringa av emnet er ei utforskande tilnærming til læring. Det føreset ei forankring i forsking og fagleg, pedagogisk utviklingsarbeid.

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har inngåande kunnskap om og evne til å halde seg oppdatert på gjeldande lov- og planverk for profesjonsutøvinga
• har kunnskap om korleis utvikle profesjonsfellesskap i skulen som organisasjon
• har kunnskap om barn og unge i vanskelege livssituasjoner, herunder kunnskap om vold og seksuelle overgrep mot barn og unge, om deira rettar i eit nasjonalt og internasjonalt perspektiv, og om korleis sette i gang nødvendige tiltak etter gjeldande lovverk.

Ferdigheiter

Studenten

• kan leie og legge til rette for undervisningsforløp som fører til gode faglege og sosiale læringsprosessar
• kan samhandle i eit profesjonsfellesskap
• kan identifisere og tilrettelegge for barn og unge som har særskilte behov, og kunne etablere tverrprofesjonelt samarbeid til barnet sitt beste.

Generell kompetanse

Studenten

• kan formidle pedagogiske og fagdidaktiske problemstillingar på eit avansert nivå
• kan med stor grad av sjølvstende vidareutvikle eigen kompetanse og bidra til både kollegaer og skulen si utvikling
• kan bygge relasjonar til elevar og føresette, og samarbeide med aktørar som er relevante for skuleverket.

Krav til forkunnskapar

PPUA305

Undervisnings- og læringsformer

Det er ikkje mogeleg å lytte seg til å bli ein god lærar. Studiet gjer difor bruk av ei rekke studentaktive lærings- og arbeidsformer. Kva arbeidsformer som vert teke i bruk er til ei kvar tid avhengig av tema det vert arbeidd med. Undervisnings- og læringsformer er mellom anna førelesingar, ulike former for gruppearbeid med presentasjoner, erfaringsdeling, prosessorientert oppgåveskriving og rettleiing.Det lagt opp til studentarbeid mellom samlingane.

Emnet følger intensjonen i dei nasjonale retningslinene når det gjeld undervisning.

Studentane vert inviterte til ei vurdering av studieopplegget gjennom systematisk erfaringsutveksling med lærarar og medstudentar.

Det er obligatorisk oppmøte på læringsaktivitetar i studiet.

Obligatorisk læringsaktivitet

Studentane skal gjennomføra og bestå tre obligatoriske læringsaktivitetar i emnet, der eit av arbeida skal vera kopla til praksis. Undervisninga inneheld i hovudsak studentaktive læringsformer, og fordrar til obligatorisk deltaking i undervisninga jf forskrifta ved HVL § 8-4 ledd 3.

• Profesjonsutvikling. Skriftleg oppgåve.
• Samarbeid med interne/eksterne aktørar. Studentaktiv arbeidsform.
• Fagdidaktisk tema. Skriftleg individuell oppgåve.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Vurderingsform

• Del 1: Individuell skriftleg semesteroppgåve. 4500 ord +-10%. Karakteren tel 40% av endeleg karakter.
• Del 2: Munnleg eksamen. Inntil 30 minutt. På munnleg eksamen kan studenten få spørsmål frå både emne PPUA305 og PPUA306. Karakteren tel 60 % av endeleg karakter.

Karakterskala A-F, der F svarar til ikkje bestått.

Del 1 må vere bestått for å kunne framstille seg for del 2, sidan den munnlege delen skal utdjupe den skriftlege del 1. Begge delane må vere bestått for å få karakter i emnet. Ved ikkje bestått på ein av delane, kan den delen som er ikkje bestått takast opp att individuelt.

Det er mogeleg å levere forbetra versjon (del 1) i påfølgjande semester. Det er berre mogeleg å levere forbetra versjon med same problemstilling ein gong. Etter dette må det skrivast heilt ny semesteroppgåve.

Hjelpemiddel ved eksamen

Skriftleg eksamen: Alle hjelpemiddel er tillate.

Munnleg eksamen: Ingen hjelpemiddel

Meir om hjelpemiddel