Om ALU
Avdeling for utvikling av læring og undervisning (ALU) har tre faggrupper i tillegg til Medielab og Læringslabar på alle campus. På denne sida finn du ALU sitt mandat og faggruppene sine arbeidsoppgåver, årshjul for ALU og oversikt over tilsette i avdelinga og fakultetskontaktar.
Mandat ALU og faggrupper
Mandat for Avdeling for utvikling av læring og undervisning (ALU)
ALU er ei avdeling i fellesadministrasjonen under prorektor for utdanning. Avdelinga skal bidra til utvikling av læring og undervisning ved Høgskulen på Vestlandet (HVL). ALU sitt arbeidsområde kan delast inn i tre deler.
- Utdanningsfagleg kompetanse(1)
- Forsking og utvikling
- Strategisk rådgjeving
Det vil si at avdelinga både skal støtte opp om fakulteta og drive eigen aktivitet for å utvikle læring og undervisning ved HVL. Aktiviteten har fokus på:
- utvikling av forskingsbaserte kompetansehevingstilbod for undervisarars utdanningsfaglege kompetanse og for studentars læringskompetanse
- utvikling av forskingsbaserte og studentsentrerte arbeids- og undervisningsformer
- strategisk rådgiving til alle nivå av utdanningsleiing frå kurs- og emneansvarleg til rektorat når det gjeld utvikling av læring og undervisning i høgare utdanning
Arbeidsområdet forutsett at avdelinga har både vitskapleg og administrativt tilsette med høg fagleg kompetanse innan sine felt.
Ansvar i faggruppene
For å gi undervisarar og studentar oversiktleg tilgang til støtte på områda over i sitt undervisnings- og læringsarbeid skal avdelinga organisere seg i en mediefaglig enhet, Medielab, og tre tematiske faggrupper.
- Faggruppe Universitetspedagogikk
- Faggruppe Digital læringsdesign
- Faggruppe Læringslab - arbeidsoppgåver
Aktiviteten og ansvarsoppgåvene til kvar av desse vert omtala i eigne skriv.
I tillegg skal ALU drive ei open nettside med informasjon om relevante tilbod, nyhende og aktivitetar internt og eksternt.
(1) Kompetanse i UH-pedagogikk, didaktikk og digitale verktøy som fremmer læring (Studietilsynsforskriften)
