Læringsmiljø
I læringsmiljøet ved HVL inngår alle faktorar som har påverknad på studentane sin moglegheit til å tileigne seg ny kunnskap. I tillegg til å sørge for god studentvelferd, skal eit godt læringsmiljø også sørge for at studentane får god læring, rettleiing, involvering og eigarskap til eiga læring, og kontinuerleg forbetring av fysiske, psykososiale, pedagogiske, digitale og organisatoriske tilhøve.
Inkluderande læringsmiljø
HVL jobbar systematisk med inkluderande læringsmiljø, med ein eigen handlingsplan som styringsverktøy. Planen skal ivareta mangfaldet i læringsmiljøet og bidra til å fremme eit godt læringsmiljø for studentar på ulike område ved HVL.
Læringsmiljø viser til alle faktorar som kan påverka studentane sin læring. Handlingsplanen har valt å operasjonalisera omgrepet læringsmiljø i fem hovudkategoriar i tråd med UH-lova §10-1-2l sin forståing og definisjon av omgrepet: Fysisk læringsmiljø, Psykososialt læringsmiljø, Organisatorisk læringsmiljø, Pedagogisk læringsmiljø, Digitalt læringsmiljø.
- Handlingsplan for inkluderande læringmiljø og universell utforming ved HVL 2024-2028 (PDF)
- Systematisk arbeid med læringsmiljøet
Nye studentar
Alle nye studentar ved HVL får tilbod om å vere med på fadderarrangement og arrangement i regi av fellesskapet i velkomstveka. Tilbodet gjeld førsteårstudentar ved bachelorprogram, årsstudium, forkurs, masterstudium og deltidsstudium. Studieprogramansvarleg legg til rette for ein god oppstart på studieprogrammet. HVL skal også sikre at internasjonale studentar blir involvert i fadderarrangementa og/eller buddyprogrammet, og at informasjon blir gitt på engelsk.
Studierettleiing og tilrettelegging
HVL er opptatt av å fremja helse, trivsel og fagleg utvikling blant studentane, og nokre gonger kan det vere godt å få hjelp til å navigere i studie- og studentkvardagen. Høgskulen har ulike rettleiingstenester som alle studentar kan nytte seg av gratis. Dersom ein student har behov for individuell tilrettelegging av studiesituasjonen på grunn av funksjonsnedsetting, verv eller særskilde behov får dei rettleiing for å sikre likeverdige opplærings- og utdanningsmoglegheiter for alle. Tilrettelegginga kan ikkje føre til at dei faglege krava til utdanninga blir redusert.
