Førsteamanuensis Ann Karin Sandal ved Institutt for pedagogikk, religion og samfunnsfag i HVL var ein av fleire i arrangementskomitéen.

Korleis kan yrkesfag-utdanninga styrkast?

Dette er eit viktig spørsmål i vår tid og eit sentralt spørsmål for det nordiske forskarnettverket Nordyrk som 7.-9. juni møtast på HVL og campus Bergen.

Deltakarland er Island, Danmark, Finland, Sverige og Noreg, og forskinga fokuserer på pedagogikk og didaktikk i yrkesfagutdanningane.

HVL sine sterke og aktive forskings- og utdanningsmiljø bidreg godt. 160 deltakarar er på plass og hovedtema er: «Danningas rolle i yrkesopplæring og profesjonell høgare utdanning».

Ved opninga onsdag 7. juni fekk eg helsa forskarnettverket med å kopla yrkesfaga både til kunnskapsformer i det gamle Hellas og til vår eigen Strategi 2023 – 2030. Eg fekk også møta Maarit Virolainen ved University of Jyväskylä - Jyväskylän yliopisto som er formann i det nordiske nettverket og eg takka våre eigne gode folk som har gjort tilskipinga mogleg: Ann Karin Sandal, Åse Norunn Nedrebø Bruvik, Kjersti Hovland og Thale Åsli er eit godt lag.

Førsteamanuensis Grethe Nina Hestholm heldt det viktige første hovudinnlegget med «Seeing Bildung in the light of Luce Irigaray`s philosophy», eit solid og inspirerande oppspel.

Nordic research network on vocational education and training - Nordyrk

Grethe Nina Hestholm, Gunnar Yttri, Maarit Virolainen, Ann Karin Sandal, Åse Norunn Nedrebø Bruvik, Thale Åsli og Kjersti Hovland.