MPUV503 Undervisning og leiing i ein digital utdanningskontekst

Innhald og oppbygging

Emnet har som mål å utvikle studentane sine kunnskapar og ferdigheiter knytt til bruk av digitale verktøy som hjelpemiddel i undervisning og læringsstøtte, samt refleksjon rundt bruk av sosiale medium i ein fagleg samanheng.

I emnet skal ein tileigne seg kunnskap om tilrettelegging og bruk av digitale verktøy, spesielt retta mot spesialpedagogikk, og profesjonsfagleg digital kompetanse, der ein kan anvende ulike digitale hjelpemiddel didaktisk, og reflektere over bruk ut frå ulike livsløp og livsmeistringsperspektiv. Tilpassing og utvikling av IKT som verktøy i e-læring vert vektlagt.

Etiske problemstillingar knytt til bruk av digitale hjelpemiddel i undervisning og læring er og tema i emnet. Individuelle arbeidskrav og rettleiing vil bli innretta mot studieretningar i studiet. Emnet er obligatorisk for studieretningane:

• Spesialpedagogikk
• IKT i læring.

Læringsutbytte

Emnet skal bidra til at studenten oppnår følgjande læringsutbytte:

Kunnskapar

Kandidaten

• Har avansert og inngåande kunnskap om bruk av IKT som hjelpemiddel i undervisning og læring
• Har inngåande kunnskap om digitale kommunikasjonshjelpemiddel og sosiale media, og kunne bruke desse i undervisning og læring
• Har inngåande kunnskap om utvikling av digitale læringsdesign, e-læring
• Har kjennskap til oppdatert og innovativ forsking og digitale hjelpemiddel innan fagfeltet

Ferdigheiter

Kandidaten

• Kan analysere situasjonar, identifisere og prioritere relevante tiltak innan undervisning og læring
• Kan legge til rette for didaktisk bruk av digitale verktøy
• Kan anvende relevante hjelpemiddel knytt til brukarane si utvikling og læring i eit livsløpsperspektiv
• Kan reflektere over bruk av IKT i ein undervisningskontekst
• Kan reflektere over bruk av IKT i eit livsmeistringsperspektiv
• Kan analysere og vurdere aktuelle digitale læremiddel i forhold til aktuelle brukargrupper og faglege kontekstar

Generell kompetanse

Kandidaten

• Kan analysere etiske problemstillingar knytt til digitale hjelpemiddel i undervising og læring
• Kan kommunisere om digitale problemstillingar knytt til undervisning og læring, med både foreldre og profesjonelle
• Kan bruke kunnskapar om sosiale media og digitale ferdigheiter til førebygging og nytenking i undervisning og læring
• Kan arbeide vitskapleg, med å identifisere, analysere og løyse utfordringar knytte til læraren sin profesjonsfaglege digitale kompetanse
• Kan vurdere aktuelle digitale hjelpemiddel og sette dei inn i ein fagleg samanheng.

Krav til forkunnskapar

Ingen

Tilrådde forkunnskapar

Ingen

Undervisnings- og læringsformer

Emnet vil bli lagt opp med samlinger, direkte undervisning, nettundervisning, nettmøte, samt eige arbeid og rettleiing (individuelt og i gruppe) mellom samlingane. Det er inntil to samlingar á 3 dagar per semester i emnet.

Obligatorisk læringsaktivitet

• Gjennomføre og levere oppgåver som førebuing til samlingane
• Framlegging av arbeid på samlingar
• Arbeid med digitale og praksisbaserte oppgåver (individuelt og i grupper) mellom samlingane
• Innlegg munnleg og skriftleg på nettmøte, diskusjonar (i grupper og i plenum).

Arbeidskrava vil vere retta mot valt studieretning i masterstudiet.

Arbeidskrava vurderast til godkjent/ikkje godkjent. Alle obligatoriske arbeidskrav må være godkjende av faglærar før studenten kan framstille seg til eksamen. Dersom eit arbeidskrav blir vurdert som ikkje godkjent, skal det gis skriftleg tilbakemelding om dette. Studentar som ikkje får godkjent eitt eller fleire arbeidskrav får tilbod om å rette opp feil og manglar (1 gang) eller gjennomføre alternativt arbeidskrav gitt av faglærar. Datoen for nytt forsøk må være i gjeldande semester og innan gitte fristar, men seinast tre veker før eksamensperioden byrjar.

Vurderingsform

• Del 1: Mappevurdering. Elektroniske læremiddel er vist brukt i undervisning og læring, og sett inn i ein didaktisk samanheng. Vekting 60% av endeleg karakter.
• Del 2: Heimeeksamen, 3 dagar. Utgangspunkt i pensum. Vekting 40% av endeleg karakter.

Karakterskala A-F, der F svarar til ikkje bestått.

Begge delane må vere bestått for å få karakter i emnet. Ved ikkje bestått på ein av delane, kan den delen som er ikkje bestått takast opp att åleine.

Hjelpemiddel ved eksamen

Alle tillate hjelpemiddel.

Meir om hjelpemiddel