EM6-3000 Anvendt finans for eigedomsmarknadenre

Innhald og oppbygging

Dette kurset tek føre seg 3 delemne:

• Analyse av ulike makroøkonomiske faktorar som påverkar bustadmarknaden og den gjensidige påverknaden mellom endring i bustadprisar og konjunkturutvikling
• Verdsetjing av bustader og næringseigedom
• Utrekning av kontantstraumar og internrente knytt til ulike lånetypar

Bustadmarknaden er ein av dei største, og viktigaste, marknadene i eit land sin økonomi. I dette kurset vil du lære kva makroøkonomiske faktorar (som t.d. arbeidsløyse og rentepolitikk) som påverkar talet på omsette bustader og prisutviklinga på desse. Kvifor har bustadprisane i Noreg auka, nesten samanhengande, dei siste 30 åra og kvifor kan bustadprisane svinga mykje i periodar? Dette er døme på problemstillingar som vert handsama i dette kurset. Med ujamne mellomrom tek bustadprisane "heilt av", og me får ei bustadboble. Når denne sprekk sender det ofte landet ut i ein djup nedgangskonjunktur med stort fall i verdiskaping og sysselsetjing. Du vil her læra kvifor slike bustadbobler oppstår, kva verknader desse har for resten av økonomien og kva styresmaktene kan gjera for å førebyggja bobler og dempa verknadene av dei.

Dei fleste skal ein eller fleire gonger i livet investera i ein bustad, og nokre skal og kjøpa ein næringseigedom. For eigedomsmeklarar er verdsetjing av eigedomar ein del av yrket. I dette kurset vil du læra å verdsetja ein næringseigedom ved å nytta kontantstraumsmetoden og ulike metodar for å verdsetja ein bustadeigedom, som t.d. samanlikningsmetoden.  

Kjøp av bustad, fritidseigedom, næringsbygg og andre store investeringar vert oftast delvis finansiert med lån. Kurset inneheld difor ei innføring i utrekning av terminbeløp og internrente for fastrentelån og ulike typar av lån med periodevis renteregulering med høvesvis rentetak og tak på terminbeløpet.     

Læringsutbytte

Kunnskapar:

• forstå kva for makroøkonomiske storleikar som påverkar omsetnaden og prisen på bustader og næringseigedomar
• Forstå den historiske utviklinga i bustadprisane 
• Kjenna til ulike verdsetjingsmetodar for bustadeigedomar
• Kjenna til korleis ein fastset avkastingskravet og korleis ein verdset ein næringseigedom

 Dugleikar:

• Kunna analysera korleis endringar i makroøkonomiske storleikar som m.a. rente, arbeidsløyse, sysselsetjing, inflasjon og forventningar påverkar omsetnaden av bustader og bustadprisane
• Kunna gjera greie for kva faktorar som høvesvis skapar ein bustadboble og eit bustadkrakk.
• Kunna gjera greie for kva styresmaktene kan gjera for å dempa prissvingingane på bustadmarknaden
• kunna rekna ut avkastinga på ein næringseigedom
• kunna gjera greie for, og nytta, ulike metodar for verdsetjing av bustader
• kunna rekna ut internrenta på fastrentelån og på lån med periodisk renteregulering

Generell kompetanse:

• kunne følgja med på, og forstå, utviklinga på eigedomsmarknaden
• har innsikt i korleis bustadprisane vert påverka av endringar i, mellom anna, rentenivå og arbeidsløyse
• får eit betre grunnlag til å vurdera om når vi er inne i ei bustadboble.   
• Kan gjera verdivurderingar av bustader og næringseigedomar.

Krav til forkunnskapar

Ingen

Tilrådde forkunnskapar

BØA118 (Makroøkonomi), BØA204 Investering og Finansiering og BØA111 Matematikk for økonomar, eller tilsvarande.

Undervisnings- og læringsformer

Førelesingar med oppgåveløysing.

Obligatorisk læringsaktivitet

Inntil to skriftlege arbeidskrav som skal løysast individuelt eller i grupper. 

Vurderingsform

Skriftleg skuleeksamen, 4 timar.

Bokstavkarakter. Skala A-F.

Hjelpemiddel ved eksamen

Kalkulator

Meir om hjelpemiddel