NABP3003 Sjørett

Innhald og oppbygging

Emnet tar for seg og er meint å gi studentane god oversikt over sentrale nasjonale og internasjonale sjørettslege regelverk som regulerer gjennomføringa av maritime operasjonar og reglar for rederi, sjøfolk og skip. I undervisninga nyttast illustrerande hendingar (caser) for å belysa innhaldet i regelverket og visa at emnet er relevant og praksisnært for navigatørar, samt samanhengen med andre emne i studiet.

Emnet er organisert i to modular - 1) Skipssikkerheitsrett og 2) sjørett.

Læringsutbytte

Modul 1 - Skipssikkerheitsrett

Modulen «Skipssikkerheitsrett» er ein spesiell del av sjøretten som tar for seg nasjonale og internasjonale rettsreglar som skal leggja til rette for god skipssikkerheit (sikkerheitsreglar). Sentrale tema som behandlast er:

- Hav- og farvannsrett, derunder kva fartøy som omfattast av regelverket og kor.

- Skipsreiaranes, skipsførarens og andre om bord sine pliktar når det gjeld skipssikkerheit og sikkerheitsstyring (ISM-koden).

- Rettslege krav til teknisk og operativ sikkerheit, derunder sertifikatkrav (jf. SOLAS).

- Rettslege krav til trygg navigasjon, forsvarleg vakthold og besetningas kompetanse (jf. COLREG og STCW).

- Rettslege krav som skal bidra til personleg sikkerheit og godt arbeidsmiljø om bord, derunder besetningas arbeids- og levevilkår, (jf. MLC).

- Rettslege krav som skal forhindra forureining og sikra det ytre miljø og leggja til rette for grøn skipsfart (jf. MARPOL).

- Rettslege krav til sikring av skip mot terrorangrep, piratangrep, cybertruslar mv. (jf. ISPS-koden)

- Tilsyn og kontroll med norske og utanlandske skip, derunder flaggstatskontroll og havnestatskontroll (jf. Paris MoU).

- Forvaltningstiltak, administrative sanksjoner og straffansvar ved regelbrot i sjøfartsforhold.

Sentrale konvensjonar og regelverk er Havrettskonvensjonen, SOLAS, STCW, COLREG, MLC, MARPOL, ISM-koden og ISPS-koden, Paris MoU, samt relevant EU-regelverk. Internasjonale reglar er gjennomførd i norsk rett er skipssikkerheitslova av 2007 med forskrifter, og hovudfokuset vil vera på den lova med forskrifter.

Modul II - sjørett

Modulen Sjørett heng saman med modul 1 - skipssikkerheitsrett. I modul 1 er skipssikkerhetsloven av 2007 den sentrale lova, mens i modul 2 - Sjørett, er sjøloven av 1994 den sentrale lova. I sjøretten ser me særleg på rettsforholdet mellom private partar i sjøfartsforhold, som forholdet mellom transportør/bortfraktar og sendar/befraktar, derunder

- Reglar om skipsregistrering, kjøp/sal og bygging av skip, pant/tilbakehaldsrett og arrest i skip.

- Skipsarbeidsloven og besetningas rettsforhold.

- Ansvarsforhold og erstatningsansvar ved kollisjon og andre sjøulykker, lasteskadar, reglar om felleshavari mv.

- Ulike fraktavtalar og befraktningsreglar.

- Berging og undersøkelse av sjøulykker.

- Sjøforsikring.

 

Eit gjennomgåande tema i begge modulane er korleis internasjonale sjøfartsreglar er gjennomførde i norsk rett. Eit anna gjennomgåande tema er korleis rettslege spørsmål skal løysast i teori og praksis, og korleis ein finn svar på kva som er lov, det vil seia juridisk metode.

Krav til forkunnskapar

Ingen

Tilrådde forkunnskapar

Ingen.

Undervisnings- og læringsformer

Forelesningar, sjølvstudium, diskusjonar og oppgåveløysing.

Obligatorisk læringsaktivitet

To skriftlege innleveringar.

Vurderingsform

Skriftleg eksamen.

Hjelpemiddel ved eksamen

Noregs lovar og tilsvarande lov- og forskriftssamling.

Meir om hjelpemiddel

Fagleg overlapping

• BAMM3005 - Maritimt regelverk - Reduksjon: 5 studiepoeng
• NAB2019 - Maritimt regelverk - Reduksjon: 5 studiepoeng
• NAB3043 - Sjørett - Reduksjon: 5 studiepoeng