SA546 Examen philosophicum

Innhald og oppbygging

Examen philosophicum skal gi studentane ei innføring i universitetet sine tenkje-, arbeids- og skrivemåtar. Vidare skal ex.phil. innvie studentane i akademisk kultur og danning, og gi filosofiske perspektiv på sentrale spørsmål i jussen. Emnet gir ei innføring i rettsfilosofi og andre filosofiske tema med særleg relevans for rettsvitskapen. I tillegg gir emnet ei innføring i språk- og argumentasjonsteori, med sikte på å fremje akademiske ideal om presisjon og stringens.

Læringsutbytte

Kunnskapar:

Ved fullført emne har studenten kjennskap til utvalde filosofiske emne som har relevans for rettsvitskapen, til dømes rettsfilosofi, etikk og politisk filosofi. I tillegg har studenten kjennskap til sentrale omgrep i språk- og argumentasjonsteori.

Ferdigheiter og generell kompetanse:

Studenten meistrar:

- bruk av filosofiske omgrep i analytisk og prinsipiell drøfting av problemstillingar i jussen

- bruk av språk- og argumentasjonsteori på tekstar i det juridiske feltet

- grunnleggjande normer for skriftleg og munnleg akademisk framstilling, som klårleik, sjølvstende og reieleg handsaming av kjelder.

Krav til forkunnskapar

Ingen

Tilrådde forkunnskapar

Ingen

Undervisnings- og læringsformer

Førelesingar, seminarsamlingar, framføringar og arbeide i grupper.

Obligatorisk læringsaktivitet

Studenten skal:

- ta del i minst 80% av seminarsamlingane

- gi ein munnleg presentasjon i seminaret

- levere eitt utkast til seminaroppgåva del 1 og 2

- møte til ei grupperettleiing om seminaroppgåva

- greie mindre testar (oppgåver) gitt undervegs

Vurderingsform

The student shall write a semester assignment during the course. The assignment consists of two parts.

Continuation exam is a written school-exam (4 hours)

Hjelpemiddel ved eksamen

Alle fysiske trykte og skrevne hjelpemiddel.

Meir om hjelpemiddel