NABP3005 Helse, arbeidsmiljø og sikkerheit

Innhald og oppbygging

Emnet tar for seg ulike aspekt ved helse, arbeidsmiljø og sikkerheit om bord og i reiarlaga.

Emnet er modulbasert og er organisert i følgjande modular:

Modul 1 - medisinsk behandling: Modulen dekker kravet som inngår i STCW 78 as amended, tabell A-VI/4-1 og 4-2. Modulen skal gjera deg i stand til å utøva nødvendig medisinsk behandling i samband med ulykker, sjukdom og andre uønska hendingar om bord. Sentrale tema som inngår i modul 1 er: Livreddande førstehjelp, respirasjon og sirkulasjonssvikt, hjarte- lungeredning, hode-/nakke-/ryggskadar, sjukdomslere, enkel kirurgisk behandling, praktiske øvingar/simulering i medisinsk behandling/utstyr/ medikament handtering, overvaking og dokumentasjon.

Modul 2 - arbeidsmiljø: Modulen skal gje studentane kunnskap om kva føresetnadar som må være til stades for å sikre eit fullt forsvarleg arbeidsmiljø og trygge arbeidsforhold om bord på skip, slik at den fysiske og psykiske helsa vert ivareteken. Modulen byggjer på Arbeidstilsynet sin arbeidsmiljømodell, og kjemiske, fysiske, biologiske, ergonomiske, psykososiale og organisatoriske føresetnader vert gjennomgått i modulen. Modulen vil òg gje studentane ei innføring i metodar for å vurdera risiko. Forskrift om arbeidsmiljø, sikkerhet og helse for de som har sitt arbeid om bord på skip (ASH-forskriften) ligg til grunn for å vurdere om arbeidsmiljøet er i samsvar med lovkrava.

Modul 3 - sikkerheit: Modulen skal gje studentane nødvendige kunnskap om (organisatorisk) sikkerheit i reiarlaga og om bord på skipene, og innsikt i dei organisatoriske rammene som påverkar sikkerheitsarbeidet. Det bli undervist i lovpålagte krav til reiarlaga sine sikkerheitsstyringssystem. Forskrift om sikkerhetsstyringssystem for norske skip og flyttbare innretninger ligg til grunn for å vurdere om sikkerheitsstyringssystemet er i samsvar med lovkrava. Det blir undervist i sentrale teoriar og forståingsmodellar innan organisatorisk sikkerheit.

Læringsutbytte

Modul 1 - medisinsk behandling

- Kunnskap:

Studenten skal

• kunne gjere greie for symptom og behandling av sjukdomar og skadar som inngår i STCW 78 as amended, tabell A-VI/4-1, 4-2.
• kjenne til relevante publikasjonar og aktuelt regelverk.
• ha utvikla forståing for at det kan ta tid å bringe sjuke og skadde til hamn, og må ha god kjennskap til Radio Medico.
• ha kunnskap i maritimt engelsk knytt til helse/medisinsk behandling.

- Ferdigheitar:

Studenten skal

• kunne kjenne att symptom og slå fast behov for medisinsk behandling ut frå symptoma.
• kunne gje medisinsk behandling til sjuke og skadde når dei er om bord på skip.
• kunne ta vare på pasientar om bord, og utføre behandling i tråd med pasienten sine behov.
• kunne delta i samordna opplegg for medisinsk bistand til skip.
• kunne bruke aktuelle publikasjonar.

- Kompetanse:

Studenten skal

• ha nok kompetanse til å ha det medisinske ansvaret om bord i skip i tråd med krava i STCW 78 as amended, tabell A-VI/4-1, 4-2.
• kunne oppretthalde skipet sitt hospital i tråd med regelverksstandard og god praksis.
• kunne reflektere rundt relevante etiske problemstillingar og kunne kommunisere med aktuelle landorganisasjonar om pasienten og pasienten sitt behov for vidare oppfølging

Modul 2 og 3 - arbeidsmiljø og sikkerheit

-Kunnskap:

Studenten

• har brei kunnskap om sentrale tema, teoriar, problemstillingar, prosessar, verktøy og metodar innanfor fagområdet.
• har brei kunnskap om faktorar i arbeidsmiljøet og konsekvensar for arbeidstakarane si helse, trivsel og velferd dersom dei vert utsett for uheldige fysiske og psykiske belastningar.
• har kunnskap om kva som kjenneteiknar ein helsefremjande arbeidsplass.
• har kunnskap om ulike metodar for risikoanalyse.
• kjenner til ASH-forskriften og Forskrift om sikkerhetsstyringssystem for norske skip og flyttbare innretninger sine krav og korleis desse skal ivaretakast.
• kan oppdatere kunnskapen sin innanfor sikkerheitsstyringsprosessen.
• har kunnskap om teoriar og forståingsmodellar knytt til organisatorisk sikkerheit.
• kjenner til forskings- og utviklingsarbeid innanfor fagområdet.
• kan oppdatere kunnskapen sin innanfor fagområdet.
• har kunnskap om fagområdets historie, tradisjonar, eigenart og plass i samfunnet.
• har kunnskap i maritimt engelsk knytt til arbeidsmiljø og sikkerheit.

-Ferdigheiter:

Studenten

• kan utføre ei arbeidsmiljøkartlegging og kan anvende krava i lov- og regelverk og ulike teoriar, prosessar og metodar for å vurdere faktorar i arbeidsmiljøet.
• kan planleggja og gjennomføra ein risikoanalyse, vurdera risikoen og iverksette ulike tiltak.
• kan nytte fagleg kunnskap og relevante resultat frå forskings- og utviklingsarbeid på praktiske problemstillingar relatert til arbeidsmiljø og sikkerheit om bord og i reiarlaga, samt treffe grunngjevne val.
• kan reflektere over eigen fagleg utøving og justere denne under rettleiing.
• kan finne, vurdere og henvise til informasjon og fagstoff og framstille dette slik at det belyser ein problemstilling.

- Generell kompetanse:

Studenten

• har innsikt i relevante fag- og yrkesetiske problemstillingar.
• kan planleggje og gjennomføre varierte arbeidsoppgåver og prosjekt som strekkjer seg over tid, åleine og som deltakar i ei gruppe, og i tråd med etiske krav og retningsliner.
• kan formidle sentralt fagstoff som teoriar, problemstillingar og løysingar både skriftleg, munnleg og gjennom andre relevante uttrykksformer, kan utveksle synspunkt og erfaringar med andre med bakgrunn innanfor fagområdet og gjennom dette bidra til utvikling av god praksis.
• kjenner til nytenking og innovasjonsprosessar.

Krav til forkunnskapar

Studentane må ha gjennomført og bestått STCW Videregåande sikkerheitskurs.

Tilrådde forkunnskapar

Ingen.

Undervisnings- og læringsformer

Førelesingar, seminardagar, gruppearbeid og praktiske øvingar.

Obligatorisk læringsaktivitet

Modul 1 - medisinsk behandling:

1. 100 % obligatorisk oppmøte samt deltaking i praktiske øvingar.

Modul 2 og 3 - arbeidsmiljø og sikkerheit:

1. Deltaking i seminardagar som blir fastsett av emneansvarleg ved semesterstart.
2. Arbeidskrav blir fastsett av emneansvarleg ved semesterstart for å sikre best mogleg samstemt undervisning, og dermed best mogleg utbytte av læringsmåla for studentane.

Vurderingsform

Modul 1 - medisinsk behandling: skriftleg skuleeksamen, 3 timar. Gradert karakter A-F. Tel 30% av den samla karakteren i emnet.

Modul 2 og 3 - arbeidsmiljø og sikkerheit: skriftleg skuleeksamen, 5 timar. Gradert karakter A-F. Tel 70% av den samla karakteren i emnet.

Hjelpemiddel ved eksamen

Ingen

Meir om hjelpemiddel