BØA115 Statistikk for økonomar

Innhald og oppbygging

• Emnet skal gi det nødvendige metodegrunnlaget i sannsynsrekning og statistikk for andre emne i studiet, spesielt for emnet Samfunnsvitskapleg metode. Det er eit sentralt mål at emnet skal gi analytisk innsikt samt at det leggjast vekt på å vise anvendingar av statistisk metode innan eit bredt spekter av problemstillingar knytt til økonomisk-administrativt fagområde.

Innhald

• Presentasjon og tolking av statistiske data ved hjelp av sentral- og spreiingsmål, frekvensfordelingar og grafiske metodar.
• Grunnleggjande sannsynsrekning, inkludert sannsynsmodellar, kombinatorikk, utvalsmodellar, vilkårsbunde sannsyn, lov om totalt sannsyn, Bayes lov og uavhengigheit med meir.
• Sannsynsfordelingar. Berekning av forventing og varians til en tilfeldig variabel, og til lineærkombinasjonar av tilfeldige variable.
• Simultane sannsynsfordelingar inkludert berekning av forventing, varians og kovarians.
• Sannsynsmodellar. Diskrete og kontinuerlege sannsynsfordelingar, inkludert Binomisk fordeling, Poisson-fordeling, Normalfordeling/ Normaltilnærming og t-fordeling med meir.
• Estimering av ukjende parametrar, både punktestimering og intervallestimering.
• Hypotesetesting i målemodell og binomisk modell. Vurdering av ulike testmetodar. Tolking av signifikansnivå, signifikanssannsyn og teststyrke.
• Analyse av samvariasjon mellom to tilfeldige variable, både ved regresjons-analyse og ved tolking av korrelasjonskoeffisienten, og ved estimering og hypotesetest av regresjonskoeffisienten og korrelasjonskoeffisienten.
• Analyse av forskjellar mellom to grupper, inkludert hypotesetesting.
• Kjikvadrattestar (modelltesting og test av uavhengighet).
• Bruk av statistisk programvare, som Excel, til behandling av data og kvantitative analyser.

Læringsutbytte

Kunnskap:

Studenten:

• kjenner til grunnleggjande metodar for datainnsamling samt omgrepa populasjon og utval. Kjenner til konsekvensane av disse vala for inferensen.
• har kunnskap om sannsynsrekning, kombinatorikk og anvendingar av dette. Under dette også vilkårsbunde og ikkje vilkårsbunde sannsyn samt avhengige og uavhengige hendingar.
• veit kva tilfeldige variablar, forventing og varians er. Kan tolke beskrivande statistikk.
• forstår omgrepa korrelasjon og kausalitet.
• kjenner til ulike sannsynsfordelingar
• veit kva sentralgrenseteoremet er og kva for ein betydning det har.
• kan tolke ein hypotesetest og eit konfidensintervall
• kan tolke resultata frå ein regresjonsanalyse

Ferdigheiter:

Studenten:

• kan bruke grunnleggjande parametriske og ikkje-parametriske metodar for å analysere og beskrive data.
• kan bruke sannsynsrekning.
• kan berekne simultansannsyn og kovarians.
• kan lage ulike typar konfidensintervall for ulike typar data.
• kan gjennomføre hypotesetestar på ulike typar data.
• kan gjennomføre enkel lineær regresjon, gjennomføre hypotesetest samt rekne ut prediksjonsintervallar.
• kan utføre enkle analyseoppdrag i statistisk programvare, slik som i Excel

Generell kompetanse:

Studenten:

• forstår parametrisk og ikkje-parametrisk statistikk
• forstår betydninga av inferens, korrelasjon og kausalitet
• kan lese vitskaplege artiklar, der grunnleggjande statistikk blir brukt som metode
• forstår sterke og svake sider ved statistiske analyser
• kan bruke kunnskapen frå emnet som grunnlag for andre fag i studiet

Krav til forkunnskapar

Ingen

Tilrådde forkunnskapar

Gode forkunnskapar i matematikk er tilrådd.

Undervisnings- og læringsformer

Førelesingar, rekneøvingar og obligatoriske innleveringar.

Obligatorisk læringsaktivitet

4 individuelle innleveringar av statistikkoppgåver som må være godkjende før eksamen kan avleggast. Innleveringar kan verte gjennomført på digitalt system.

Vurderingsform

Skuleeksamen, 4 timar. Karakterskala A-F, der F svarar til ikkje bestått.

Hjelpemiddel ved eksamen

Formelsamling og statistiske tabellar vedlagd eksamensoppgåvene.

Enkel kalkulator av type:

- Casio fx-82, Casio fx-85 (alle typar av både fx-82 og fx-85 er tillatt: CW, ES, ES Plus, EX, Solar m.m.)

- TI-30Xa, TI-30XIIS, TI-30XS MultiView

- Sharp EL-531TG, Sharp EL-531TH, Sharp EL-531TS

Meir om hjelpemiddel

Fagleg overlapping

• ØMO003 - Statistikk - Reduksjon: 7,5 studiepoeng
• ØKB1114 - Statistikk - Reduksjon: 7,5 studiepoeng
• LOØMA2 - Statistikk I - Reduksjon: 6 studiepoeng
• ME6-1001 - Statistikk - Reduksjon: 7,5 studiepoeng
• ME6-1003 - Statistikk - Reduksjon: 7,5 studiepoeng
• ME6-200 - Samfunnsvitskapleg metode og statistikk - Reduksjon: 3,5 studiepoeng
• NAB2015 - Metode for Nautikk - Reduksjon: 2 studiepoeng
• ING2053 - Statistikk og økonomi - Reduksjon: 5 studiepoeng
• ING2050 - Statistikk og økonomi - Reduksjon: 5 studiepoeng
• NAB1008 - Statistikk - Reduksjon: 5 studiepoeng
• ING1013 - Statistikk - Reduksjon: 5 studiepoeng
• RE057 - Statistikk - Reduksjon: 6 studiepoeng
• RE057 - Statistikk - Reduksjon: 6 studiepoeng
• ØKB021 - Grunnleggende statistikk - Reduksjon: 6 studiepoeng
• ØKB1021 - Grunnleggjande statistikk - Reduksjon: 5 studiepoeng
• SA097 - Grunnleggjande statistikk - Reduksjon: 6 studiepoeng
• MAT121 - Statistikk for ingeniør - Reduksjon: 5 studiepoeng