RE6-2007 Event Management 1

Innhald og oppbygging

Events og MICEE-segmentet er ein viktig del av reiselivsnæringa og kunnskap om utvikling og leiing av ulike typar events er nyttig. Å kunne utnytte lokale ressursar i produktutvikling på destinasjonen og tilby noko unikt vil vere eit viktig konkurransefortrinn i dagens marknad..

Dette emnet er praktisk orientert og skal gje kunnskap om dei ulike typar events som gjerne blir referert til i reiselivsnæringa, dvs. møter, kurs, konferanse, kongressar, incentiv-reiser, utstilling og messer samt arrangement generelt.

Ved å ta del i utvikling og planlegging av eit arrangement skal studenten lære seg praktisk gjennomføring av arrangement.

Sentrale tema i emnet er:

- Grunnleggjande forståing om kurs, konferanse, kongressar, incentiv-reiser, utstilling og messer og arrangement

- Kjenneteikn ved ulike events

- Trendar i marknaden

- Attraksjonskraft til eit event

- Organisering og leiing

- Tema, opplevingsverdi og konsept

- Frivllige og leiing av frivillige

- Sponsorar

- Marknadsføring, PR og media

- Eigarskap og styring

- Økonomi

- Ringverknader

- Events i strategisk destinasjonsutvikling

- Evaluering

Læringsutbytte

Etter fullført emne skal studenten ha følgjande totale læringsutbytte definert i kunnskap, ferdigheiter og generell kompetanse:

Kunnskap:

Ved fullført emne har kandidaten kunnskap om omgrep og teoriar knytt til:

- ha kunnskap om omgrepet MICEE (meetings, incentives, conferences, events, exhibitions)og definere innhaldet i møter, kongress og konferanse, arrangement, utstilling/messer og incentiv-reiser og kva som kjenneteiknar desse

- ha kunnskap kring marknaden for MICEE både i eit globalt og nasjonalt perspektiv

- ha kunnskap om møter og arrangement si historie, tradisjonar, eigenart og plass i samfunnet

- ha kunnskap om korleis ein planlegg og utviklar events

Ferdigheiter:

Ved fullført emne kan kandidaten anvende ulike faglege perspektiv og teoretiske tilnærmingar for å:

- kunne planlegge og utvikle eit event fra ide til evaluering

Generell kompetanse:

Ved fullført emne kan kandidaten:

- finne, bruke og vise til relevant informasjon og fagstoff om events og framstille det slik at det løyser ei problemstilling

- lære samanhengen mellom berekraftig reiseliv og events

- reflektere over rolla til arrangement i eit destinasjonsperspektiv

- reflektere over rolla til arrangement i eit bedriftsperspektiv

Krav til forkunnskapar

Ingen

Tilrådde forkunnskapar

RE6-1000 Reiselivskunnskap

Undervisnings- og læringsformer

Førelesingar, gruppeoppgåver og praktisk arbeid med eige seminar på campus med meir

Obligatorisk læringsaktivitet

Inntil 3 arbeidskrav .

Eit av arbeidskrava er å planlegge og gjennomføre eit event på campus med inntil 20-30 timar med praktisk arbeid per student.

Vurderingsform

Skriftleg heimeeksamen i gruppe (2-4 stk), tre dagar, 100%.

Karakter: A-F.

Hjelpemiddel ved eksamen

Alle

Meir om hjelpemiddel

Fagleg overlapping

• RE6-2005 - Utvikling og leiing av arrangement - Reduksjon: 7,5 studiepoeng