UPED851 Innføring i universitetspedagogikk

Innhald og oppbygging

Emnet er samlingsbasert og går over to samlingar med tilhøyrande før- og etterarbeid. Emnet gir ei innføring i feltet universitetspedagogikk. Studiet har ein kritisk reflekterande og forskande tilnærming til utvikling av læring og undervisning i høgare utdanning.

For dei som tek emnet for å dokumentera utdanningsfagleg kompetanse vil oppgåvene frå Innføringsemnet kunne nyttast i den pedagogiske mappa.

Læringsutbytte

Ved fullført emne skal studenten ha følgjande totale læringsutbytte:

Kunnskap

Studenten

• har avansert kunnskap om aktuelle styringsdokument knytt til undervisning i høgare utdanning
• har avansert kunnskap om ulike perspektiv på undervisning, læring og vurdering i høgare utdanning
• har avansert kunnskap om grunnleggjande prinsipp for rettleiing av kollega og studentar
• har avansert kunnskap om didaktiske modellar for å planleggje og gjennomføre og evaluere undervisning
• har inngåande kunnskap om og kan grunngje eige lærings- og kunnskapssyn og forholda seg reflektert til eiga lærarrolle

Ferdigheiter

Studenten

• kan analysera, planleggje, gjennomføre og vurdere undervisning og rettleiing, både individuelt og i samarbeid med kollegaer, på ein relevant måte som fremmer kritisk refleksjon og studentars læring og faglege utvikling
• kan innhente, analysere og bruke tilbakemeldingar frå studentar og kollegaer til å systematisk utvikle undervisnings- og læringsprosessar
• kan bruke relevante metodar til å rettleie kollega i utvikling av undervisning og læringsarbeid

Generell kompetanse

Studenten

• kan analysere, utarbeide og vidareutvikle emne- og programplanar innanfor sine fagområde
• har ei kritisk og analytisk haldning til planlegging, gjennomføring og evaluering av eiga og kollega si undervisning
• har ei profesjonell og yrkesetisk haldning til vidareutvikling av rolle som undervisar og som part i faglege og kollegiale fellesskap

Krav til forkunnskapar

Ingen

Undervisnings- og læringsformer

Studentaktive læringsformer som diskusjon, gruppearbeid og kollegarettleiing, førelesing og sjølvstudium, digitale læringsressursar og fysiske og nettbaserte samlingar.

Obligatorisk læringsaktivitet

• Deltaking på kollegarettleiing
• Deltaking på samlingane

Dei obligatoriske læringsaktivitetane må være godkjent til fastsette fristar for å få gå opp til eksamen.

Vurderingsform

Oppgåve, ca. 2000 ord.

Karakterskala: Bestått/Ikkje bestått.

Dersom oppgåva ikkje er bestått, er det mogeleg å levere forbetra versjon i påfølgjande semester. Det er berre mogeleg å levere forbetra versjon med same problemstilling ein gong. Etter dette må det skrivast heilt ny oppgåve.

Hjelpemiddel ved eksamen

Alle hjelpemiddel er tillate.

Meir om hjelpemiddel