MBAS513 Leiing av kvalitetsutvikling i barnehagen

Innhald og oppbygging

Emnet er obligatorisk og ligg i 2. semester av programmet. Emnet tilbys også som enkeltemne.

Det overordna målet med emnet er å bidra til nytenking og nyskaping av pedagogisk leiing av kvalitetsutviklingsarbeid frå forskingsbaserte og praktisk utforskande innfallsvinklar.

Emnet omfattar analyse og kritisk vurdering av omgrepet "kvalitet" ut frå ulike faglege og metodiske perspektiv. Leiing av kvalitetsarbeid i barnehagen blir utforska i relasjon til teoriar som vektlegg ulike stakeholder-perspektiv, samt teoriar om organisasjon og leiing, og empirisk forsking.

Vidare omfattar emnet kritisk refleksjon over "kvalitetsdiskursar" og ulike kvalitets- og vurderingsverktøy som blir nytta nasjonalt og internasjonalt innanfor barnehagefeltet. Emnet skal også utvikle studentane sine ferdigheiter i å leie personalet sine læringsprosessar i barnehagen som lærande organisasjon.

Emnet er tilgjengeleg for internasjonale studentar med tilstrekkelege føresetnader.

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har kunnskap om teoriar og metodar som kan bidra til nytenking om kvalitetsutvikling i barnehagesektoren
• har kunnskap og ferdigheiter til å foreta ei kritisk vurdering av kvalitetsarbeid i barnehagesektoren
• har inngåande kunnskap om ulike forståingar av omgrepet kvalitet, kvalitets- og vurderingsverktøy og om ulik bruk i det nasjonale og internasjonale barnehagefeltet.
• har inngåande kunnskap om leiing og organisasjonsteoretiske perspektiv knytt til kvalitetsarbeid i barnehagen.

Ferdigheiter

Studenten

• kan bidra til nytenking om kvalitetsutvikling i barnehagesektor ved å leie utviklingsprosjekt som tar utgangspunkt i perspektiva til ulike aktørar/brukarar
• kan kritisk vurdere og kommunisere om ulike kvalitetsomgrep og ulike tilnærmingar til kvalitetsutvikling i barnehagen
• kan analysere og kritisk vurdere ulike former for pedagogisk leiing av kvalitetsarbeid i barnehagen som lærande organisasjon

Generell kompetanse

Studenten

• kan planleggje og vurdere bruk av ulike kvalitets- og vurderingsverktøy i lys av kritisk vurdering av kva som kan ivareta barns rettigheiter, samt prinsippet om "barns beste".
• kan lese og skrive akademiske tekstar

Krav til forkunnskapar

Ingen

Undervisnings- og læringsformer

Undervisning kan ta form som førelesingar, videoførelesingar og/eller workshop/seminar støtta med PowerPoint-presentasjonar.

Det blir gitt rettleiing knytt til obligatorisk læringsaktivitet og semesteroppgåve.

Arbeidet i undervisninga er basert på at studentane har gjort omfattande sjølvstendig arbeid med pensumlitteratur i forkant.

Obligatorisk læringsaktivitet

Følgjande obligatoriske læringsaktivitetar må være godkjent før studenten kan framstillast til eksamen:

1. Individuelt munnleg framlegg. Obligatorisk læringsaktivitet 1 er knytt til læringsutbyttet: «inngåande kunnskap om ulike forståingar av omgrepet kvalitet, kvalitets- og vurderingsverktøy og om ulik bruk i det nasjonale og internasjonale barnehagefeltet».
2. Podcast på 30 minutt. Individuelt eller i gruppe. Obligatorisk læringsaktivitet 2 er knytt til læringsutbyttet: «kunnskap om teoriar og metodar som kan bidra til nytenking om kvalitetsutvikling i barnehagesektoren», samt «inngåande kunnskap om leiing og organisasjonsteoretiske perspektiv knytt til kvalitetsarbeid i barnehagen».

Retningslinjer for læringsaktivitetane blir gitt ved semesterstart.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Godkjende læringsaktivitetar er gyldige i to (2) år etter godkjenning.

Vurderingsform

Individuell, skriftleg oppgåve. Semesteroppgåva skal skrivast i ein mal der bestemte delar inngår. Omfang: 3500-4000 ord.

Karakterskala: A-F, der F svarar til ikkje bestått.

Dersom oppgåva ikkje er bestått, er det mogeleg å levere forbetra versjon i løpet av dei to påfølgjande semestra. Det er berre mogeleg å levere forbetra versjon med same problemstilling ein gong. Etter dette må det skrivast heilt ny oppgåve.

Hjelpemiddel ved eksamen

Alle hjelpemiddel er tillate. For informasjon om bruk av kunstig intelligens (KI) sjå Innlevering av heimeeksamen og oppgåver - Høgskulen på Vestlandet (hvl.no).

Meir om hjelpemiddel