NABP4003 Bacheloroppgåve

Innhald og oppbygging

Bacheloroppgåva skal ta opp problemstillingar som er knytt til det maritime fagområdet. Oppgåva skal primært vere knytt opp mot praktiske problemstillingar eller utfordringar i reiarlag, maritime verksemder, maritime offentlege etatar eller eksisterande FoU-arbeid på institusjonen. Problemstillinga kan og vera knytt til studentane si eiga erfaring i praksis.

Emnet skal og gje studentane ei innføring i samfunnsvitskapleg forskningsmetode og akademisk skriving. Gjennom forelesningar og praktiske øvingar skal studentane få ei innføring i planlegging- og gjennomføring av kvalitative og kvantitative forskningsmetodar. Emnet vil og ta for seg ulike etiske problemstillingar som studentane kan møte i arbeidet med bacheloroppgåva.

Læringsutbytte

- Kunnskapar:

Studenten

• Har kunnskap som bidreg til at han/ho kan utrede ei konkret fagleg problemstilling.
• Har brei kunnskap om sentrale tema, teoriar og problemstillingar knytt til bacheloroppgåva.
• Har brei kunnskap om forskingsmetodar knytt til bacheloroppgåva.
• Kjenner til forskings- og utviklingsarbeid innan valt emne.

- Ferdigheitar:

Studenten

• Kan vidareutvikle og nytte den kunnskapen han/ho har tileigna seg i form av ei praktisk problemstilling, eller utfordringar i reiarlag, maritime verksemder og/eller maritime offentlege etatar og eksisterande forsknings- og utviklingsarbeid.
• Kan utøve ei kritisk forståing til kunnskapar innan dei maritime fagområda.
• Kan oppdatere allereie tillært kunnskap og henta inn relevant forskings- og utviklingsarbeid.
• Kan setje teoriane inn i ei større samanheng.
• Kan nytte relevante forskingsmetodar.
• Kan finne, vurdere og vise til informasjon og fagstoff og framstille dette slik at det belyser ei problemstilling.
• Er i stand til å løyse utfordringar relatert til prosjektarbeid i grupper i samarbeid med gruppemedlemmar.
• Kan reflektere over egen faglig utøvelse og justere denne under veiledning.

- Generell kompetanse:

Studenten

• Har utvikla innsikt i relevante problemstillingar i det maritime fagområdet.
• Kan planleggja og gjennomføra tilsvarande prosjekt, både aleine og saman med andre.
• Kan formidla oppgåva si problemstilling, teoriar og resultat.
• Er medviten etiske retningsliner og utfordringar knytt til arbeid med tilsvarande prosjekt.
• Har erfaring med å jobbe i grupper mot eit felles mål.

Krav til forkunnskapar

Det blir krevd minst 100 sp for studentar på nautikk y-veg og 150 sp for studentar på nautikk med integrert praksis innan studieprogrammet for å melde seg opp til bacheloroppgåva. Forkunnskapskravene må være bestått det semesteret studentane skal undervisningsmelde seg.

Tilrådde forkunnskapar

Ingen.

Undervisnings- og læringsformer

Studentane skal løysa oppgåva i grupper på 3-4 personar. Studentane vil få undervisning i samfunnvitskapelege metodar og akademisk skriving samt tilpassa rettleiing. Før oppstart av arbeidet skal rettleiar/fagansvarleg godkjenna problemstillinga.

Obligatorisk læringsaktivitet

Prosjektskisse med skildring av tema, framdriftsplan og foreløpig problemstilling må vere godkjend av ein rettleiar/fagansvarleg innan ein nærare fastsett frist.

Skrivekurs (blir spesifisert i semesterplan ved semesterstart).

Midtvegsevaluering (blir spesifisert i semesterplan ved semesterstart).

Skriftleg innlevering (blir spesifisert i semesterplanen ved semesterstart).

Vurderingsform

Vurderinga skjer på grunnlag av den innleverte bacheloroppgåva.

Karakterskala A-F

Hjelpemiddel ved eksamen

Alle tilgjengelege.

Meir om hjelpemiddel

Fagleg overlapping

• NAB3030 - Bacheloroppgåve - Reduksjon: 13 studiepoeng
• NAB2015 - Metode for Nautikk - Reduksjon: 2 studiepoeng
• BAMM4000 - Bacheloroppgåve - Reduksjon: 13 studiepoeng