BARN120 Barnevernet i velferdsstaten

Innhald og oppbygging

I dette emnet vert det lagt til rette for at studenten skal tileigne seg kunnskap om lovverk og lære seg å argumentere juridisk. Emnet gir ei innføring i juridisk metode, der fokus er på korleis lovverket er bygd opp og korleis ein løyser juridiske problemstillingar gjennom riktig rettsleg argumentasjon. Det blir gitt ei innføring i forvaltningsrett med fokus m.a. på reglar om teieplikt og habilitet. Det blir også gitt ei innføring til barnevernretten, med fokus på barnevernsloven kap.1. Emnet har vidare fokus på dokumentskriving, stat- og kommunalkunnskap og sosialpolitiske målsetnader med relevans for barnevernsfeltet. Vidare skal studenten lære seg sosiologiske omgrep og perspektiv som kan brukast til å forstå individuelle og samfunnsmessige utfordringar i velferdssamfunnet. Perspektiv på etikk, kjønn og etnisk mangfald inngår også i emnet.

Læringsutbytte

Ein student med fullført emne skal ha følgjande totale læringsutbytte definert i kunnskap, ferdigheiter og generell kompetanse:

Kunnskap: Studenten…

• har kunnskap om den norske statsforvaltninga og helse- og sosialpolitiske målsetnadar på barne- og familiefeltet.
• ha kunnskap om media si rolle i det barnevernfaglege feltet, og ha kjennskap til media som både informasjonskanal og debattkanal
• har kunnskap om relevante sosiologiske omgrep og perspektiv.
• har kjennskap til juridisk metode og forvaltningslova, og kva tyding dette har i yrkesutøvinga.
• har kunnskap om etnisitet omgrepet og ulike kulturomgrep, og om migrasjonsprosessar ved flukt og arbeidsinnvandring.
• har kunnskap om etiske verdiar og maktforhold i yrkesutøvelsen.
• kan gjere greie for samfunnsstrukturer som hemmar og fremmar sosial ulikskap, inkludering, likestilling og diskriminering.
• har kunnskap om samanheng mellom levekår, utdanning og betydningen av arbeidsinkludering.

Ferdigheter: Studenten...

• kan bruke grunnleggande prinsipp i forvaltningslova.

Generell kompetanse: Studenten...

• har innsikt i og er medviten om kva tyding institusjonelle og kulturelle rammer har for arbeid med barn og familiar i utsette livssituasjonar.
• kan formidle munnleg og skriftleg grunntrekka i juridisk metode og kjenne til lova si tyding for yrkesutøvinga.

Krav til forkunnskapar

Ingen.

Undervisnings- og læringsformer

Undervisnings og læringsformer vekslar mellom førelesingar, digital undervising, seminar, ferdigheitstrening knytt til dokumentskriving og gruppearbeid.

Obligatorisk læringsaktivitet

Følgande obligatoriske læringsaktivitet må vere godkjent for at studenten kan framstille seg til eksamen:

1. 80 % frammøte i studentaktiv undervisning og undervisning knytt til gruppearbeid
2. Individuell oppgåve knytt til dokumentskriving. Omfang: 500 ord +/- 10%. Det vil bli gitt skriftleg tilbakemelding
3. Munnleg framlegg i grupper frå arbeid med fleirfaglege oppgåver i basisgrupper.

Ved ikkje godkjent skriftleg obligatorisk læringsaktivitet kan ein levere inn revidert versjon ein gong, jf. forskrift om studium og eksamen ved Høgskulen på Vestlandet § 8- 4.

Vurderingsform

Eksamen

Skriftleg skuleeksamen 2 deleksamenar.

Del 1: Jus, 3 timar

Del 2: Barnevernet i velferdsstaten, 3 timar

Dei to deleksamenane vert vekta 50% kvar. Dersom student får F på ein deleksamen, lyt denne takast på nytt.

Tid og stad for eksamen,sjå Studentweb.

Vurderingsuttrykk Gradert karakterskala A til F, der A til E er beståtte karakterar og F er ikkje bestått.

Ny eksamen Ny eksamen blir gjennomført med same form som ordinær eksamen.

Hjelpemiddel ved eksamen

På deleksamen I kan ein ha med lovsamling, samt bruke Lovdata pro i eksamensmodus (med dei innarbeidingar og tilgangar som emneansvarleg fastset).

Meir om hjelpemiddel

Fagleg overlapping

• BVP5-105 - Sosialpedagogisk introduksjon - Reduksjon: 7,5 studiepoeng