INT100 Interkulturell kompetanse før studentutveksling

Innhald og oppbygging

Dette emnet er ei førebuing for studentar som dreg på utveksling. Emnet tek sikte på å skape grunnlag for kunnskap og forståing for eige ståstad, og førebu studenten på opphald ved læringsinstitusjon/praksisplass i ein anna kontekst enn den norske.

Gjennomført kurs med eksamen gir 2,5 studiepoeng.

Emnet inneheld følgjande tema:

Del A: Interkulturell kompetanse knytt til eigen posisjon

• Refleksjon over eigen bakgrunn og posisjon som norsk student i ein global verden
• Nasjonal kultur, samfunnsstruktur og den nordiske velferdsstatsmodell i globalt perspektiv

Del B: Interkulturell kompetanse tilpassa destinasjon og profesjon

• Kultursensitivitet (fordommar og stereotypiar)
• Interkulturell kommunikasjon
• Kulturelle dimensjonar og referanserammer
• Etiske dilemma i refleksjon over eige utanlandsopphald

Læringsutbytte

Ved fullført emne skal studenten ha følgjande totale læringsutbytte definert i kunnskap, ferdigheiter og generell kompetanse:

Kunnskapar

Studenten

• har kunnskap om interkulturell kommunikasjon
• har kunnskap om ulike typar samfunn og kulturelle dimensjonar (det norske og mottakarlandet)
• har kunnskap om kulturelle variasjonar innan eigen disiplin/profesjon

Ferdigheiter

Studenten

• kan samhandle og kommunisere med menneske frå ulike samfunn
• kan bruke eigen disiplin- /profesjonskompetanse i ein ny kulturell kontekst gjennom respekt og toleranse for menneske frå andre kulturar
• kan identifisere og reflektere over etiske dilemma ved eige utanlandsopphald

Generell kompetanse

Studenten

• kan reflektere kritisk over eigen kulturell ståstad og utvide eigen forståingshorisont i møte med praksisplass/utdanningsinstitusjon under utveksling

Krav til forkunnskapar

Ingen

Undervisnings- og læringsformer

Emnet er organisert i fleire delar med undervisning. Gjennomførast digitalt/ved fysisk oppmøte.

Kurset er rekna til 10-12 timar obligatorisk undervising + førebuing.

• Del A - Digital: Førelesing, diskusjonar og presentasjonar.
• Del B - Fysisk/digital: Førelesing, case, dialog, diskusjonar og presentasjonar.

Obligatorisk læringsaktivitet

• Aktiv deltaking på all undervisning
• Del A : Førebuing via HVL sine nettsider og oppgåve om eigen bakgrunn
• Del B: Presentasjon av tema (PowerPoint i Canvas)

Dei obligatoriske læringsaktivitetane må vere godkjende til fastsette fristar for at studentane skal få gå opp til eksamen.

Vurderingsform

Oppgåve. Individuell akademisk skriftleg tekst på 1500 - 2000 ord ekskludert litteraturliste.

Karakterskala: Bestått/Ikkje bestått.

Hjelpemiddel ved eksamen

Alle hjelpemiddel er tillate. For informasjon om bruk av kunstig intelligens (KI) sjå Innlevering av heimeeksamen og oppgåver - Høgskulen på Vestlandet (hvl.no).

Meir om hjelpemiddel