MKUF503 Tverrkunstneriske uttrykk

Innhald og oppbygging

I emnet skal studentane arbeide med estetiske læreprosessar, dei får erfaring med ulike tilnærmingar til kreativitet og estetikk knytt til kunstfaga. Gjennom praktisk arbeid, teoretisk fordjuping, tekstproduksjon og multimodale uttrykk vil studentane få erfaring med og innblikk i estetiske teoriar, kulturhistorie, kreativitetspedagogikk og praktisk arbeid.  

Delar av arbeidet vil bli sentrert rundt eit tverrkunstnerisk prosjekt som saman med resten av innhaldet i emnet skal danne grunnlag for studentane sine refleksjonar knytt til estetisk teori og skapande prosessar og deira eigenart, bruksområde og relevans innan studieretningsfaga.  

Emnet vil byggje på aktuelle faglege og fagdidaktiske problemstillingar, nyare forsking og utviklingsarbeid.  

Læringsutbytte

Ved fullført emne skal studenten ha følgjande totale læringsutbytte:

Kunnskap  

Studenten 

• har inngåande kunnskap om kulturhistoriske og samtidsaktuelle estetiske teoriar samt estetiske uttrykksformer, omgrep og praksis 
• har inngåande kunnskap om kreativitetspedagogikk og kan reflektere over kreative prosessar og bruk av digitale verktøy både som uttrykksform og formidlingsform i dei kreative faga
• har inngåande kunnskap om korleis estetisk teoriar og kreativitetsteoriar kan opplyse og relaterast til didaktisk arbeid og formidlingsarbeid i kunstfaga 
• har inngåande kunnskap om relasjonelle og deltakarbaserte kunstfaglege prosessar  

Ferdigheiter 

Studenten

• kan utforme og systematisk analysere estetiske og kreative læreprosessar med utgangspunkt i eige studieretningsfag og i fleirfagleg samarbeid med representantar frå ulike kunstdisiplinar 
• kan nytte og vurdere kreative fenomen som til dømes improvisasjon og arbeide kvalifisert og aktivt med idèutvikling som kreativ ferdigheit på ein sjølvstendig måte 
• kan planlegge, skape og gjennomføre fleirfagleg estetisk prosjekt  
• kan drøfte og reflektere kritisk over aktuelle problemstillingar knytt til estetiske og kreative praksisar

Generell kompetanse 

Studenten 

• kan nytte kunnskapar og ferdigheiter knytt til estetiske og kreative læreprosessar på nye områder og integrere desse i det vidare arbeidet i studiet  
• kan bruke fleirfaglege arbeidsmåtar og digitale verktøy i kreative gruppeprosessar  
• kan bruke multimodale uttrykk som video og podcast som ei formidlingsform for å introdusere, innformere og reflektere rundt eige skapande arbeid   
• kan bruke kunnskapar og ferdigheiter om estetikk og kreativitetspedagogikk som utgangspunkt for nytenking og innovasjon 

Krav til forkunnskapar

Ingen

Tilrådde forkunnskapar

MKUF501A og MKUF502A

eller

MKUF501B og MKUF502B

eller

MKUF501C og MKUF502C

eller

MKUF501D og MKUF502D

Undervisnings- og læringsformer

Undervisninga vil vere samlingsbasert og nettstøtta. Arbeidsformene i emnet vil veksle mellom praktisk verkstad, forelesingar, prosjektarbeid i gruppe, rettleiing, studentframlegg og sjølvstudium.

Obligatorisk læringsaktivitet

• Eit skriftleg arbeid med fokus på estetiske teoriar (individuelt eller i par) knytta til eige skapande arbeid med performance-prosjektet
• Podcast/videoessay om performanceprosjektet i gruppe/individuelt. Omfang: maksimum 10 minutt (gruppe)/ 4 minutt (individuelt)
• Gjennomføring av gruppe-oppgåver knytt til performance-prosjektet
• Det er obligatorisk frammøte på samlingane og krav til aktiv deltaking

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Nærare retningsliner for læringsaktivitetane blir gitt ved semesterstart.

Vurderingsform

Praktisk eksamen.

Praktisk eksamen blir gjennomført som ein performance med utgangspunkt i performanceprosjektet studenten har arbeidd med gjennom semesteret, i gruppe eller individuelt. Etterfølgt av samtale med sensorpanelet.

Omfang performance: ca. 10-15 minutt (gruppe), 3-4 minutt (individuelt). Ved små grupper blir omfanget noko redusert. Dette skjer i dialog mellom studentgruppe og emneansvarlege.

Omfang samtale: maks 20 minutt.

Karakterskala: Bestått/Ikkje bestått.

Utsett/ny eksamen blir gjennomført som ordinær eksamen.

Hjelpemiddel ved eksamen

Alle hjelpemiddel er tillate.

Meir om hjelpemiddel