NAB3025 Medisinsk behandling

Innhald og oppbygging

Livreddande førstehjelp, sirkulasjonssvikt, hygiene om bord, hjerte- lungeredning, oksygenterapi, akutte sjukdomar, hovud-/nakke-/ryggskadar, mentale reaksjonar og stressmeistring, ressursar om bord, Radio Medico, alkohol- og stoffmisbruk, gynekologi og fødsel, tannbehandling, dødsfall til sjøs, generell sykepleie, overvaking og dokumentasjon, sjukdomslære, behandling av redda personar, hypotermi, medikament og medisinsk utstyr, intravenøs væskebehandling, sårbehandling, enkel kirurgisk behandling, praktiske øvingar i medisinsk behandling, tropiske sjukdomar, vaksinasjonar og akutte mage-/tarmlidingar.

Praktisk informasjon:

Emnet blir undervist ved høgskulen. Praktiske øvingar kan bli gjennomførte hos ekstern kurstilbydar.

Læringsutbytte

- Kunnskapar:

Studentane skal kunne gjere greie for symptom og behandling av sjukdomar og skadar som inngår i STCW 78 as amended, tabell A-VI/4-2. Dei skal kjenne til relevante publikasjonar og aktuelt regelverk. Studentane skal ha utvikla forståing for at det kan ta tid å bringe sjuke og skadde til hamn, og må ha god kjennskap til Radio Medico.

- Ferdigheitar:

Studentane skal kunne kjenne att symptom og slå fast behov for medisinsk behandling ut frå symptoma. Dei skal kunne gi medisinsk behandling til sjuke og skadde når dei er om bord på skip. Studentane skal kunne ta vare på pasientar om bord, og utføre behandling i tråd med pasienten sine behov. Dei skal kunne delta i samordna opplegg for medisinsk bistand til skip. Studentane skal kunne bruke aktuelle publikasjonar.

- Generell kompetanse:

Studentane skal ha nok kompetanse til å ha det medisinske ansvaret om bord i skip i tråd med krava i STCW 78 as amended, tabell A-VI/4-2. Dei skal kunne oppretthalde skipet sitt hospital i tråd med regelverksstandard og god praksis. Studentane skal kunne reflektere rundt relevante etiske problemstillingar og kunne kommunisere med aktuelle landorganisasjonar om pasienten og pasienten sitt behov for vidare oppfølging. Faget dekker relevante krav i STCW 78 as amended, tabell A-II/1 og A-II/2.

Krav til forkunnskapar

Y-veg studentane må ha gjennomført og bestått NAB3014 STCW Videregåande sikkerheitskurs og Praksis-studentane må ha gjennomført og fått godkjent OBL1 i NABP2005 Praksis II (STCW Videregående sikkerhetskurs).

Tilrådde forkunnskapar

Ingen.

Undervisnings- og læringsformer

Førelesingar, gruppearbeid og praktiske øvingar.

Obligatorisk læringsaktivitet

100 % obligatorisk oppmøte og praktiske øvingar.

Vurderingsform

Skriftlig eksamen, 3 timar. Gradert karakter A-F.

Hjelpemiddel ved eksamen

Ingen.

Meir om hjelpemiddel

Fagleg overlapping

• NAB3033 - Medisinsk behandling - Reduksjon: 4 studiepoeng
• NAB1005 - Helsevern og medisin - Reduksjon: 4 studiepoeng
• NABP3005 - Helse, arbeidsmiljø og sikkerheit - Reduksjon: 5 studiepoeng