Studieplan - Master i innovasjon og leiing, samfunnsfagleg retning

Masterprogrammet i innovasjon og leiing rustar uteksaminerte kandidatar til både å sjølv leie og å hjelpe leiarar med å løyse morgondagens utfordringar.

Programmet har som visjon å utdanne dyktige kandidatar som kan integrere og kombinere avansert forståing av innovasjonsprosessar med djup kunnskap om leiing, organisasjonsteori, etikk, sosialt ansvar og berekraftig forretningsdrift. Masterstudiet gjev studentar med bachelorgrad i økonomi og administrasjon eller organisasjonsteori og leiing ei utdanning tilpassa morgondagens utfordringar.

Masterprogrammet adresserer visjonen ved å tilby ein læreplan med vekt på innovasjon og leiing og med fokus på tema som ulike formar for innovasjon, ulike typar innovasjonsprosessar, samanhengen mellom leiing, organisasjonar og innovasjon, samt forretningsutvikling, strategi, entreprenørskap, etikk, berekraft og samfunnsansvar.

Masterprogrammet har eit sterkt fokus på internasjonalisering og praktisk erfaring; studentar som blir tatt opp på programmet får omfattande praksiserfaring gjennom internship i anten nye eller etablerte verksemder i Sør-Afrika, USA eller i Bergensregionen.

Med ein master i innovasjon og leiing har du kunnskapsgrunnlaget for å arbeide med ny teknologi, nye produkt og nye arbeidsprosessar og du byggjer opp både spisskompetanse og breiddekunnskap som gjer deg til ein attraktiv kandidat for arbeid i mange ulike typar verksemder i både privat og offentleg sektor.

Nokre uteksaminerte kandidatar frå masterprogrammet vel òg å gå vidare til Ph.d.-studium. Ved HVL kan du til dømes søkje opptak til doktorgradsprogrammet i Ansvarlig innovasjon og regional utvikling.

Opptakskrav

Masterstudiet i innovasjon og leiing er tilpassa studentar som er interesserte i å kombinere bakgrunn innan økonomi og administrasjon eller organisasjonsteori og leiing med avanserte innovasjons- og leiingsstudiar med fokus på entreprenøriell tenking. Kandidatar som har fullført ein bachelorgrad innan faga økonomi og administrasjon eller organisasjonsteori og leiing vert vurderte for opptak. Søkjarar må ha minimum 80 studiepoeng innanfor fagområda organisasjonsteori og leiing for å bli tatt opp på programmet. Gjennomsnittskarakter frå bachelorgraden må vere minst C.

Søkjarar vert rangerte i samsvar med karaktergjennomsnittet (GPA). Søkjarar som ikkje kan vurderast etter karaktergjennomsnittet, vil bli rangerte på grunnlag av individuell vurdering.

Opptak til masterprogrammet er underlagt forskriftene frå Høgskulen på Vestlandet.

Læringsutbytte

Hovudfokuset i masterprogrammet er innovasjon og leiing. Masterutdanninga gir deg svært etterspurt spisskompetanse innan innovasjon, leiing, organisering, berekraft og samfunnsansvar. Med ein master i innovasjon og leiing vil du vere godt eigna til å hjelpe både offentlege og private verksemder inn i framtida.

Etter fullført utdanning, skal kandidatar ha nådd følgjande læringsutbytte definert i form av kunnskapar, ferdigheiter og generell kompetanse:

Kunnskapar:

• Avansert kunnskap innan leiing og organisasjonsteori med spesielt fokus på innovasjonsleiing.
• God kunnskap om prosessen med å bringe nye produkt og/eller tenester til marknaden og til offentleg sektor.
• Inngåande forståing av prosessen med å vurdere det kommersielle potensialet til nye produkt, tenester og marknader.
• Grundig forståing når det gjeld å identifisere moglegheiter og utfordringar knytt til organisering og finansiering av nye initiativ, som for eksempel nye satsingar for ei verksemd.
• Inngåande kunnskap om forretningsetikk, berekraft og samfunnsansvar knytt til innovasjonsprosessar og leiing av både private og offentlege verksemder.

Ferdigheiter:

• Avanserte analytiske ferdigheiter, med vekt på innovasjon og leiing.
• Velutvikla evner til å vurdere den kommersielle livsgrunnlaget til nye idear.
• Gode evner å bruke ulike metodar og verktøy tilpassa dette føremålet.
• Gode evner til å transformere forskingsbaserte idear til gjennomførlege verksemdsplanar og -idear.
• Ekspertise innan å analysere og å foreslå forbetringar av både offentlege og private organisasjonar, med vekt på leiing og innovasjonsstrategiar.
• God dugleik til å kombinere og nytte forståing for innovasjon og entreprenørskap med leiing i privat og offentleg sektor.

Generell kompetanse:

Kandidatane skal kunne handtere og analysere eit breitt spekter av leiingsmessige utfordringar i både private og offentlege verksemder. I den samanhengen bør kandidatane kunne inkludere refleksjonar knytt til etikk og samfunnsansvar. Kandidatane skal også kunne utføre omfattande sjølvstendig, analytisk arbeid, samt kunne formidle funna sine.

Praksis

Kandidatar som blir tatt opp på masterprogrammet får omfattande praksiserfaring i anten nye eller etablerte verksemder. I andre semester kan kandidatane velje mellom tre alternativ som gjev slik praksiserfaring:

1. Tre månader praksis i ei verksemd i Bergensregionen.
2. Eit semester ved University of Cape Town Graduate Business School i Sør-Afrika, med praksis i ei lokal verksemd fire dagar i veka og i kurs éin dag i veka.
3. Eit semester ved University of California, Berkeley, med praksis 2-3 dagar i veka enten i San Francisco eller Berkeley.

Arbeidsformer

Masterprogrammet legg vekt på gruppearbeid, case-løysingar, og prosjektarbeid. Studentane vil arbeide med døme frå verksemder og opparbeide seg praksiserfaring gjennom internships.

Studentane vil nytte kunnskapen sin til å utvikle eigne forskingsprosjekt eller delta i forskingsprosjekt med rettleiing frå fagpersonar. Masterprogrammet vil gi studenten forskingserfaring både for å kunne arbeide sjølvstendig og delta i forskingsprosjekt. Studenten skal tileigne seg kunnskapar og evner til å gjennomføre og planleggje prosjekt med tidsfristar. Programmet vil gi studenten faglege verktøy til å analysere, evaluere, og forstå informasjon, teoriar, idear, utfordringar, og løysingar innan eige fagfelt, både munnleg og skriftleg.

Som dei fleste andre studiar for høgare utdanning vil mykje av undervisninga på masterstudiet innehalde førelesingar, case-oppgåver, seminar, og gruppearbeid. I tillegg til tradisjonelle undervisningsformer, vektlegg programmet erfaringslæring gjennom praksisopphald i verksemder, anten internasjonalt eller i Bergensregionen.

Vurderingsformer

Studentane blir vurderte på grunnlag av skriftlege og munnlege eksamenar, samt andre formar for skriftlege og munnlege oppgåver både individuelt og i grupper.

I det siste semesteret skal studentane skrive ei masteroppgåve på 30 studiepoeng. Masteroppgåva skal skrivast i grupper på to. Oppgåva skal vere eit sjølvstendig vitskapleg arbeid, der studentane viser evne til kritisk tenking, kjennskap til kontekst, kunnskap om litteratur, forskingsdesign, og analytiske ferdigheiter. Desse ferdigheitene må nyttast innan fagområda til studieprogrammet. Sentrale teoriområde i masteroppgåva må vere knytte til sentrale teoriområde i studieprogrammet.

Masteroppgåva skal presentere relevant teori, metode, empiriske analysar, funn, og diskutere funn opp mot tidlegare forsking.

Internasjonalisering

I det andre semesteret kan studentane på masterprogrammet velje mellom fire internasjonaliseringsalternativ:

1. University of Cape Town Graduate Business School i Sør-Afrika. Studentane skal arbeide i ei lokal verksemd fire dagar i veka og delta i kurs ein dag i veka.
2. University of California, Berkeley, med praksis 2-3 dagar i veka enten i San Francisco eller Berkeley.
3. Eindhoven University of Technology
4. University of Applied Sciences

Organisering

Emna blir undervist på norsk og/eller engelsk.

Stad: Bergen