Opptakskrav og søknad
Opptakskrav
Fullført lærarutdanning (grunnskule-/allmennlærar, faglærar, barnehage-/førskulelærar eller praktisk-pedagogisk utdanning). Du må være tilsett i ei lærarstilling.
Du må ha minst 30 studiepoeng i norsk frå tidlegare.
Kravet om bestått lærarutdanning kan fråvike dersom du berre manglar faget du søker på, for å få fullført lærarutdanninga di.
Om du søker dispensasjon frå opptakskravet, må det foreligge stadfesting frå tidlegare studiestad om at studiet du søker opptak til kan inngå i og føre til avslutta lærarutdanning.
Søknadskode i Søknadsweb
9787
Kva lærer du?
Studiet byggjer på Norsk 1 for grunnskulelærarutdanninga eller tilsvarande, og er delt i to emne på 15 studiepoeng kvar.
- Norsk 2 5–10 A: Språk og litteratur i fortid og samtid går om hausten, og
- Norsk 2 5–10 B: Språkmangfald og tekstmangfald går om våren.
Studiet har fokus på å gje djup innsikt i og historisk bakgrunn for sentrale emne som er viktige på 5.–10. trinn, men med særleg fokus på ungdomstrinnet. Studentane skal vurderast i bokmål og nynorsk.
Den praktiske erfaringa til studentane vert trekt inn i emnet, og det er eit mål at studiet skal tilføre skulen du underviser på oppdatert fagleg og didaktisk kompetanse.
Målgruppe
Målgruppa er lærarar i skulen med minst 30 studiepoeng i norsk frå før.
Nettstudium
Undervisninga er asynkron og skjer i stor grad som nettbaserte førelesningar i form av video, tekst og lyd.
Arbeidspakkane blir i regelen lagt ut éin gong i veka. Deltakarane vel når det passar den enkelte å arbeida med kvar arbeidspakke. Det er ikkje nokon faste tidspunkt for digitale møte utover det deltakarane eventuelt avtaler seg imellom.
Informasjonsutveksling, rettleiing og faglege diskusjonar skjer i læringsportalen Canvas og i andre digitale samhandlingsverktøy. Undervisningsspråket er norsk.
Du får tilgang til Canvas før studiestart med meir informasjon.
Vurderingsform
Emne A :
- Heimeeksamen over tre dagar, bokmål, 50 %
- Semesteroppgåve, 3000 ord på bokmål, 50 %
Emne B:
- Heimeeksamen over fem dagar, nynorsk, 100 %
Pensum
Grunnlitteratur:
-
Budal, I. B. (Red.) (2025). Norsk språkhistorie for lærarar (2.utg.). Fagbokforlaget.
-
Hårstad, S., Mæhlum, B. & van Ommeren, R. 2021. Blikk for språk: Sosiokulturelle perspektiver på norsk språkvirkelighet. Cappelen Damm akademisk.
- Monsen, M. & Randen, G. T. (2022). Andrespråksdidaktikk – en innføring (2. utg.). Cappelen Damm akademisk.
-
Kverndokken, K. & Bakke, J. O. (Red.) (2023). 101 skrivegrep – en teoretisk og praktisk skrivedidaktikk (2. utg.). Fagbokforlaget.
-
Skaftun, A. & Michelsen, P. A. (2017). Litteraturdidaktikk. Cappelen Damm akademisk.
-
Slettan (Red.). (2020) Ungdomslitteratur – ei innføring (2. utg.). Cappelen Damm akademisk.
Du får informasjon om resten av pensum ved studiestart.
