Kvinne sitter foran pc. Rundt henne er det mange leker.
Foto Shutterstock

Profesjonsskriving i barnehagen | nettstudium

Vidareutdanning på bachelornivå

Som barnehagelærar har du ansvar for at skriftleg kommunikasjon i barnehagen er presis, forståeleg og i tråd med rammeplanen. Denne vidareutdanninga styrkjer dei skriftlege ferdigheitene dine slik at du kan informere, planleggje, vurdere og dokumentere på ein tydeleg og profesjonell måte i din barnehage.

Nettstudium

Hopp til

    Studiepoeng
    15
    Varighet
    Høst og vår
    Omfang
    Deltid
    Studieavgift

    Studieavgift: Nei
    Semesteravgift: Ja

    Søknadsfrist

    15.april

    Søk studieplass

    Opptakskrav og søknad

    Opptakskrav

    Fullført førskule-/barnehagelærarutdanning eller anna treårig pedagogisk høgskuleutdanning med vidareutdanning i barnehagepedagogikk som kvalifiserer for pedagogisk leiarstilling i barnehagen. Du må vere tilsett i barnehage.

    Alle må ha tilgang til ein barnehage. Søkarar utan fast stilling må dokumentere tilgang til ein barnehage for å kunne utføre obligatoriske læringsaktivitetar i løpet av studiet. 

    Prioritering av søkarar: 

    Søkarar med innvilga frikjøp til vidareutdanning frå arbeidsgjevar blir prioriterte i opptaket. Dersom det er fleire kvalifiserte søkarar enn tilgjengelege studieplassar, blir søkarane rangerte etter karakterar frå opptaksgrunnlaget. 

    Dokumentasjon på innvilga frikjøp og/eller stadfesting på tilgang til barnehage skal dokumenterast med følgjande skjema:Skjema for frikjøp og eller tilgang til ein skuleklasse eller barnehage nn

    Søknadsfrist er 15. april, og dette er òg fristen for å laste opp all dokumentasjon. 

    Frå 2026 er det endringar i stipend- og vikarordninga. Frikjøpsmidlane blir utbetalte til kommunar, fylkeskommunar og private skular. Les meir om Endringer i ordningene for kompetanseutvikling fra 2026 | udir.no

     

    Korleis søke:

    • Logg inn i Søknadsweb.
    • Vel opptak "Lærar, barnehagelærar og tolking".
    • Vel så "Vidareutdanning pedagogiske fag/lærarutdanning haust 2026".
    • Vel studiet du vil søke på frå lista (sjå studienummer under).
    • Trykk på "Legg til" og "Send inn søknad".
    • Last opp dokumentasjon på at du dekker opptakskravet.
    • Trykk "Neste" for å gjere ferdig søknaden. 

    Viktig informasjon om søknad, frister og dokumentasjon

     

    Har du utanlandsk utdanning?
    Søkarar som har utanlandsk utdanning frå land utanfor Norden, må dokumentere at dei oppfyller krav til norsk- og engelskkunnskapar.

    Frå 2023 skal utanlandsk barnehagelærarutdanning og lærarutdanning godkjennast av Direktoratet for høyere utdanning og kompetanse (hkdir.no). Tidlegare godkjenning som barnehagelærar og lærar frå UDIR gjeld framleis.

    Om ledige studieplasser

    Viss det blir ledige studieplassar, må opptakskrav og stadfesting på tilgang til barnehage dokumenterast når du søker. 

    Studiekode i Søknadsweb

    8720

    Om å søke opptak til HVL

    Kvifor studere profesjonsskriving i barnehagen?

    Skriving er ein sentral del av det pedagogiske arbeidet i barnehagen. Du arbeider med tekstar som planar, møtereferat, informasjonsskriv til foreldre, e-post og anna digital kommunikasjon. For at dette arbeidet skal vere formålstenleg, krevst det presis språkføring, tydeleg struktur og medvit om kven teksten er retta mot.

    Vidareutdanninga tek utgangspunkt i rammeplanen sine føringar for ansvar og roller og i barnehagen som pedagogisk verksemd. Du får kompetanse i å bruke profesjonsskriving som både refleksjonsverktøy og kommunikasjonsverktøy, og styrkjer grunnlaget for godt samarbeid med foreldre og andre instansar.

    Kva lærer du?

    I vidareutdanninga vil du arbeide med profesjonstekstar frå eigen barnehage, til dømes planar og informasjonsskriv, og lærer å vurdere og revidere eksisterande tekstar. Du skriv også nye tekstar tilpassa ulike medium, formål og mottakarar. Du vil også arbeide med etiske vurderingar knytte til dokumentasjon og anonymitet.

    Studiet legg vekt på skriving i prosess og gir deg skriftleg rettleiing gjennom obligatoriske læringsaktivitetar.

    Les meir i emneplanen om kva du lærer og eksamen (PIB801)

    Målgruppe

    Denne vidareutdanninga er relevant for deg som er barnehagelærar.   

    Praktisk informasjon

    Undervisningsform

     Dette er eit heil­digitalt studium utan fysiske samlingar som består av:

    • Asynkrone økter: undervisning du kan sjå når det passar
    • Synkrone økter: obligatorisk digitalt oppmøte til fastsett tid

    Du finn datoar og tidspunkt for dei synkrone samlingane under Samlingsdatoar.

    Samlingar

    Undervisningstider for emnet i studieåret 2026/2027:
    29. september 2026, kl. 14.15 - 16.00
    10. november 2026, kl. 14.15 - 16.00
    19. januar 2027, kl. 14.15 - 16.00
    16. mars 2027, kl. 14.15 - 16.00

    Pensum

    Du får informasjon om pensum ved studiestart. 

    Kvifor ta meir utdanning?

    Eit arbeidsliv i rask endring er ei viktig årsak til at mange skaffar seg meir fagleg tyngde. Her deler vi fleire fordelar som etter- og vidareutdanning kan gi:

    • ny oppdatert fagleg kunnskap
    • praktiske ferdigheiter innafor ditt fagområde eller et heilt nytt fagfelt
    • personleg utvikling
    • moglegheit for å byggje nettverk
    • eit forhandlingskort i framtidas lønsforhandlingar
    • moglegheit for opprykk i stillingskategori
    • moglegheit for meir ansvar eller nye oppgåver på jobb
    Få tips og informasjon om vidareutdanningar rett i innboksen
    Meld deg på nyheitsbrev

     

    Andre interessante studietilbod

    Sjå oversikt over alle våre vidareutdanningar og kurs