SA589 Komparativ politikk

Innhald og oppbygging

Emnet gir ei innføring i samanliknande politikk med vekt på korleis statsmaktene er organisert i forhold til kvarandre, og samspelet mellom konstitusjonar, parlament og regjering. Undervisninga presenterer tema som partisystem og partifamiliar, val- og valsystem i ulike land, og variasjonar i bruken av folkeavstemmingar.

Læringsutbytte

Etter fullført emne:

• har studenten kunnskap om korleis statsmakta er organisert og korleis dei ulike politiske institusjonane fungerer i forhold til kvarandre i ulike land
• har studenten oversikt over ulike partisystem og partifamiliar, val og valordningar og bruken av folkeavstemmingar i ulike land

Etter fullført emne skal studenten kunne:

• orientere seg i relevant statsvitskapleg faglitteratur om politiske institusjonar
• gjennomføre enkle skriftlege, komparative analysar

Etter fullført emne:

• kan studenten gi ein individuell, skriftleg presentasjon av ei komparative, politisk problemstilling på grunnleggjande nivå
• kjenner studenten til korleis politiske institusjonar i ulike land har utvikla nye løysingar i vår tid

Krav til forkunnskapar

Ingen ut over opptakskrav, sjå studieplanen.

Undervisnings- og læringsformer

Førelesingar, skriftleg arbeidskrav og sjølvstudium.

Obligatorisk læringsaktivitet

Eitt skriftleg arbeid. Vurdering: greidd/ikkje greidd

Vurderingsform

Skriftleg eksamen, 4 timar