NAB3039 Integrert praksis

Innhald og oppbygging

Emnet består av følgande fasar:

Oppstart: Tilnærming til faget. Heilt i byrjinga av semesteret sjekkar vi at alle har godkjende helseattestar, sikkerheitskurs, pass etc. Informasjon om praksisperioden. Webcadet blir gjennomgått. Kontakt mellom rederi og student blir formidla.

Praksisperiode: Praksisperioden blir gjennomført om bord på utvalt fartøy. Utreisedato og heimreisedato kan variere noko frå student til student, men alle studentane har 6 til 8 veker om bord på fartøyet. Ut over normal opplæring og innføring om bord jobbar studentane via Webcadet med dei delane som blei gjennomgått i oppstarten. Studenten blir følgt opp av assessor om bord på fartøyet og kontaktperson på HVL. Studentane arbeider også med mappeoppgåvene sine.

Emnet er basert på 6-8 uker om bord i eit fartøy. I løpet av denne tida er studenten mønstra som student, men får godkjent tida om bord som sertifikatgivande fartstid i forbindelse med søknad om dekksoffisersertifikat.

Læringsutbytte

- Kunnskap

Studenten:

• Har brei kunnskap om det å arbeide om bord i eit skip
• Har brei kunnskap om ivaretaking av grunnleggande arbeidsoppgåver om bord i eit skip
• Har brei kunnskap om bruk av alarminstruksar, mønstringslister, brann- og sikkerheitsplanar om bord i eit skip
• Har brei kunnskap om bruk av ISPS-planar om bord i eit skip
• Har brei kunnskap om relevante kommunikasjonsformer om bord i eit skip - både internt på skipet og med andre skip, landorganisasjonar, hamner, etc.
• Har brei kunnskap om rangordninga om bord, og kven som har ansvar for kva for arbeidsoppgåver om bord
• Har brei kunnskap om rette arbeidsteknikkar, særskilt relatert til kritiske operasjonar
• Har brei kunnskap om aktuelle retningslinjer, forskrifter og lovverk gjeldande for skipet

- Ferdigheter

Studenten:

• Kan identifisere, vurdere, prioritera, planleggje, utføre, følgje opp, rapportere og dokumentere arbeidsoppgåver innan sitt ansvarsområde om bord
• Kan gjennomføre og overlevere brovakt sikkert
• Kan planleggje ei sjøreise
• Kan planleggje og reflektere rundt ein lasteoperasjon for skipet
• Kan handtere relevant utstyr sikkert og nyttar dette på rett måte
• Kan utføre rette arbeidsteknikkar inklusiv forflyttingsteknikk
• Kan arbeide systematisk og tilpasse arbeidstempoet etter tildelte arbeidsoppgåver
• Kan samarbeide godt med dei andre om bord, både på dekk og i maskin
• Kan nytte kunnskap frå pensum, forsking- og utviklingsarbeid innan nautikkutdanninga
• Kan reflektere over eiga fagleg utøving og justere denne under rettleiing
• Er kjent med og følgjer retningslinjer om bord i skipet
• Kan knytte erfaringane om bord til teori gjennomgått på studiet

- Generell kompetanse

Studenten:

• Syner innsikt i operasjonar relevante for skipet.
• Syner sjølvstende, nøyaktigheit og fagleg forsvarlegheit i utføring av arbeidsoppgåver om bord
• Arbeider i samsvar med lovverk og retningslinjer, inkludert skipet sitt sikkerheitsstyringssystem
• Syner respekt for andre
• Tek ansvar for eiga læring og tek initiativ til å utnytta læresituasjonar, og nyttar rettleiing aktivt og konstruktivt
• Syner evne til kritisk refleksjon over eigen arbeidsinnsats, inkludert planlegging og utføring av eigne arbeidsoppgåver
• Får innsikt i nytenking og innovasjonsprosessar innan området

Krav til forkunnskapar

• NAB1020 Grunnleggande sikkerheitskurs for sjøfolk
• NAB1025 Sikkerheitsbevisstheit for sjøfolk med særskilte sikkerheitsplikter
• NAB1026 Navigasjon I
• NAB1027 Navigasjon II
• NAB2014 Navigasjon III
• NAB2002 Meteorologi og oseanografi

eller tilsvarande.

Merk: Emnet har avgrensa tal med plassar. Søknad om plass skjer via Studentweb innan ein nærare sett frist. Rangering av søkjarar skjer på grunnlag av gjennomsnittskarakter i emna som er forkunnskapskrav, og deretter loddtrekning.

Tilrådde forkunnskapar

• NAB1028 Samarbeid, organisasjon og kultur på skip
• NAB2052 Marint maskineri
• NAB2022 Skipsteknikk
• NAB2011 Varme- og strøymingslære
• NAB2028 Lasteteknikk

Undervisnings- og læringsformer

• Praktisk arbeid
• Førelesingar/møter
• E-læring
• Sjølvstudiar

Obligatorisk læringsaktivitet

Godkjent helseerklæring

Vurderingsform

Mappeeksamen, vekting 100/100. Bestått / ikke bestått

(Inkluderer: forventningsnotat, refleksjonsnotat og sluttnotat)

Hjelpemiddel ved eksamen

Alle tilgjengelege hjelpemiddel tillatne.

Meir om hjelpemiddel