BØ6-2007 Vidaregåande finansrekneskap

Innhald og oppbygging

Emnet gir ei grundig innføring i det teoretiske fundamentet for finansrekneskapet. Emnet tek opp sentrale begrep, prinsipp og reglar i god rekneskapsskikk (GRS) og internasjonale rekneskapsstandardar (IFRS).

Emnet byggjer på studentane sine kunnskaper frå tidlegare rekneskapskurs, men tek i større grad utgangspunkt i grunnleggjande teori. Det vert trekt parallellar mellom norsk og internasjonal rekneskapsregulering, inkludert konseptuelle rammeverk. 

Emnet gir og ei innføring i konsernrekneskap. 

Læringsutbytte

Kunnskapar:

Studenten

• Har forståing for og kan reflektere over brukergruppene sine informasjonsbehov 
• Har forståing for og kan reflektere over resultat- og balanseorientering
• Har forståing for og kan reflektere over det konseptuelle rammeverket til IFRS
• Har forståing for og kan reflektere over det teoretiske grunnlaget for dei grunnleggande rekneskapsprinsippa og god rekneskapsskikk
• Har forståing for og kan reflektere over internasjonal rekneskapsutvikling
• Kjenner formålet med og hovudprinsippa ved utarbeiding av konsernrekneskap

Ferdigheiter:

Studenten

• Kan nytte kunnskapen på praktiske rekneskapsproblemstillingar

Generell kompetanse:

Studenten

• Kan tileigne seg oppdatert kunnskap på området
• Kan formidle sentralt fagstoff
• Kan utveksle synspunkt og røynsler med andre fagpersonar

Krav til forkunnskapar

BØA117 Finansrekneskap med analyse eller tilsvarande

Tilrådde forkunnskapar

BØ6-2003 Årsrekneskap i praksis eller tilsvarande

Undervisnings- og læringsformer

Undervisning vil være forelesingar med oppgåveløysing. 

Studentane vil også utarbeide ei læringsmappe (sjå Arbeidskrav), som er grunnlaget for vurderingsmappa (sjå Vurderingsform).

Obligatorisk læringsaktivitet

Studenten opprettar ei individuell læringsmappe, som dannar grunnlag for to arbeidskrav.

• Læringsmappa skal leverast to gonger, i samsvar med fristar fastsett i semesterplanen.
• Læringsmappa skal innehalde tilsaman minimum åtte læringsoppdrag
• Innlevering av læringsmappa er ein føresetnad for å gå opp til eksamen.

Vurderingsform

Eksamensform er individuell vurderingsmappe. Vurderingsmappa skal innehalde eit utval læringsoppdrag frå læringsmappa, og det er vurderingsmappa som blir karaktersett.

Vurderingsmappa skal bestå av

• to studentvalde og to lærarvalde læringsoppdrag frå læringsmappa, der studenten har hatt moglegheit til å revidere arbeida etter tilbakemelding.

Karakterskala A-F, der F tilsvarar ikkje bestått.

Ved klage blir heile vurderingsmappa sendt til ny sensur. 

Ikkje bestått mappe må takast på nytt neste gang emnet vert undervist. 

Hjelpemiddel ved eksamen

Alle skriftlege hjelpemidlar er tillatt. 

Meir om hjelpemiddel

Fagleg overlapping

• BØ6-2000 - Finansrekneskap 2 - Reduksjon: 2,5 studiepoeng
• ØKB3118 - Rekneskapsteori - Reduksjon: 6 studiepoeng