MGUMU401 Musikk 2, emne 2 - Den utforskande musikklæraren

Innhald og oppbygging

Musikk 2 emne 2 gir vidare utvikling i å utøve-, lage- og oppleve musikk. Emnet gir ei innføring i ulike sider ved musikk, kultur og samfunn, og innføring i forskings- og utviklingsarbeid i musikk. Studentane vert kjend med norsk og internasjonal forskingsbasert kunnskap knytt til musikkopplæring for elevar i grunnskulen. Emnet omfattar fordjuping i arrangering og komponering som didaktisk reiskap.

FoU-oppgåva består av eit forskingsdesign som skal skildre anten eit musikkpedagogisk forskningsprosjekt eller eit kunstnerisk utviklingsarbeid. FoU-oppgåva skal framstillast som eit heilskapleg arbeid i skriftleg form.

Læringsutbytte

Ein student som har fullført dette emnet skal ha følgjande totale læringsutbytte, definert som kunnskapar, ferdigheiter og generell kompetanse:

Kunnskapar

Studenten

• har kunnskap om nasjonal og internasjonal grunnlagslitteratur og aktuelle debattar om skulefaget musikk og musikk som vitskaps- og kunstfag
• har forskingsbasert kunnskap om musikkopplæring og kunnskap om metodar for forskings- og utviklingsarbeid i musikk
• har kunnskap om ulike sjanger- og stilideal innanfor områda improvisasjon, komposisjon og arrangering

Ferdigheiter

Studenten

• kan reflektere over og drøfte musikken sine funksjonar som estetisk og fleirkulturelt samfunnsfenomen i relasjon til grunnskulekonteksten
• kan gjennomføre eit sjølvstendig og praktisk musikkpedagogisk forskings- og utviklingsarbeid som bygger på grunnleggande forskingsetiske prinsipp
• kan skape sin eigen musikk ved hjelp av akustiske og digitale lydkjelder og arrangere musikalsk materiale for elevar på grunnskulens mellom- og ungdomstrinn

Generell kompetanse

Studenten

• kan bidra i faglege endringsprosessar gjennom å reflektere over, drøfte og vurdere aktuell forsking og ulike grunnskulerelaterte musikkdidaktiske kategoriar
• kan bidra praktisk i faglege endringsprosessar gjennom å legge vekt på innovasjon, endring og fleksibilitet i eiga musikklærarrolle i grunnskulen
• kan kritisk vurdere forsking og utviklingsarbeid innan musikkpedagogisk verksemd

Krav til forkunnskapar

Ingen

Tilrådde forkunnskapar

MGUMU101 Musikk 1, emne 1 - Grunnleggjande musikklærarkompetanse

MGUMU201 Musikk 1, emne 2 - Eleven og den musikkulturelle konteksten

eller tilsvarande.

Undervisnings- og læringsformer

Ferdigheitstrening, gruppearbeid, førelesingar, litteraturstudiar, lærar- og studentstyrte seminar, og sjølvstendig FoU-arbeid

Obligatorisk læringsaktivitet

Deltaking i obligatoriske læringsaktivitetar er naudsynt for at studenten skal kunne førebu eller kvalifisere seg til eksamen. Innhaldet i læringsaktivitetane er forankra i emnet sitt læringsutbytte, og læringsaktivitetane krev aktiv deltaking frå studenten i læringsprosessen.

Dei obligatoriske læringsaktivitetane vert vurderte som godkjent/ikkje godkjent.

Obligatoriske læringsaktivitetar i dette emnet:

• Ein presentasjon knytt til arbeid med FoU, som inneber ei kritisk vurdering av forsking og utviklingsarbeid innan musikkpedagogisk verksemd
• Ein presentasjon av eige forskingsdesign
• Problemstilling for FoU-oppgåva skal vere godkjend innan gitt tidsfrist før arbeidet med oppgåva kan starte.

• Obligatoriske læringsaktivitetar i undervisning. Det er obligatorisk deltaking i seminar, ulike formar for ferdigheitstrening og arbeid i grupper. Fråværsgrense er 20%.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Retningslinjer for obligatoriske læringsaktivitetar vert publisert i læringsplattform.

Vurderingsform

• Del 1: FoU-oppgåve. Tel 51 % av endeleg karakter. Omfang: 5000 ord +/- 10 % for individuelle oppgåver og 7000 ord +/- 10 % for paroppgåver
• Del 2: Mappeeksamen. Tel 49 % av endeleg karakter. Individuell mappeinnlevering, som óg inkluderar skriftleg refleksjon over arbeidsprosessen, der studenten vel fire arbeid som viser breidde i faget arrangering og komponering, og dannar grunnlag for samla vurdering i andre del.

Karakterskala A-F, der F svarar til ikkje bestått.

Begge delar må vere bestått for å få karakter i emnet. Ved ikkje bestått på ein av delane, kan den delen som ikkje er bestått bli tatt som ny eksamen.

Ny/utsett eksamen:

• Del 1: FoU-oppgåve: Dersom oppgåva ikkje er bestått, er det mogeleg å levere forbetra versjon i påfølgjande semester. Det er berre mogeleg å levere forbetra versjon med same problemstilling ein gong. Etter dette må det skrivast heilt ny FoU-oppgåve.
• Del 2: Vurderingsmappe: Ved ikkje bestått skal det leverast ei omarbeida vurderingsmappe til ny eksamen.

Hjelpemiddel ved eksamen

Alle hjelpemiddel er tillatt.

Meir om hjelpemiddel